Mishe 6:11 - Mbeti ti Nzapa - Tënë so amu fini

¹¹ Azo so ayeke mu akilo so alingbi pepe ti haka na ye; azo so, na ya ti sake ti ala, ala yeke na awen ti kilo ti handango na azo, fade mbi yeke wara tënë na ala pepe?

Mishe 6:11 Iomraidhean Croise

Amato 11:1

Kilo so ayeke na legeni pepe, be ti KOTA GBIA ake ni mingi; me be ti lo anzere ndali ti kilo so ayeke na legeni.

Amato 16:11

Kilo so ayeke mbirimbiri nga na sembe ni kue ayeke ti KOTA GBIA; lo laa lo yeke baa tënë ti akilo kue.

Amato 20:10

Akilo na asembe ti hakango na ye so ayeke na legeni pepe, be ti KOTA GBIA ake ni mingi.

Ezekiel 45:10

“Alingbi kilo ti ala ayeke na legeni si ye ti hakango na ye ayeke nga na legeni.

Osée 12:7

“Ti mo Jacob, alingbi mo kiri na mbi, Nzapa ti mo. Sara ye na lege ti nzoni be, sara ye na legeni; zia be ti mo lakue ti ku Nzapa ti mo.”

Awayango-sandaga 19:36

Alingbi ala mu kilo so ayeke na legeni, sembe ni nga na aye ti hakango na ye so ayeke na legeni ti haka na ye na azo. Mbi laa mbi yeke KOTA GBIA, Nzapa ti ala so mbi mu ala na kodro ti Ezipte, mbi sigigi na ala.

Amos 8:5

Ala yeke tene: “Lawa laa matanga ti fini nze ayeke hunzi si e lingbi ti ka kobe ti e so-oo? Lawa laa *lango ti wungo tere ayeke hunzi si e lingbi ti zi yanga ti ada ti kango ale ti kobe ti e so-oo? Fade e yeke pika ngbonda ti sembe ti hakango na ye, e yeke pusu ngere na nduzu, e yeke sanze kilo ti nzi azo na ni.

Zakarii 5:8

Ange ni atene na mbi: “Wali so afa limo ti sioni ye.” Na pekoni, ange ni apusu wali ni na ya ti sakpa ni si abi yanga ni so a sara na nengo wen so daa.

Ndia ti fani use ni 25:13

Moïse atene: Alingbi ala zia na ya ti bozo ti ala mara ti akilo use pepe: nengo ni na yapungo ni.