Mishe 6:10 - Mbeti ti Nzapa - Tënë so amu fini

¹⁰ Amosoro so azo ti sioni awara na lege ti nzi angba na ya ti da ti ala, sembe ti hakango na ye so a pika ngbonda ni angba na ya ti da ti ala. Mbi lingbi ti kanga be ti mbi na fungo ye tongaso?

Mishe 6:10 Iomraidhean Croise

Amato 10:2

Amosoro so zo awara na lege ti sioni ayeke sara nzoni na lo pepe; me sarango ye ti mbirimbiri ayeke zi zo na ya ti kuâ.

Amato 11:1

Kilo so ayeke na legeni pepe, be ti KOTA GBIA ake ni mingi; me be ti lo anzere ndali ti kilo so ayeke na legeni.

Amato 20:10

Akilo na asembe ti hakango na ye so ayeke na legeni pepe, be ti KOTA GBIA ake ni mingi.

Amato 20:23

Kilo so ayeke na legeni pepe, be ti KOTA GBIA ake ni mingi; kilo so ayeke mbirimbiri pepe, ayeke nzoni pepe.

Amato 21:6

Azo so aye ti wara mosoro na lege ti tenengo mvene ayeke gi kuâ; ye so ala wara ayeke tongana guru so pupu amu ahon na ni.

Amos 3:10

“Azo ti Samarii ahinga ti sara ye ti mbirimbiri oko pepe. Ala bongbi na ya ti ayangbo ti ala aye so ala mu na maboko ti azo na ngangu nga na aye so ala nzi nzingo”; so tënë ti yanga ti *KOTA GBIA laa.

Amos 3:9

Na ndö ti ayangbo ti gbata ti Asdod, ala dekongo; na ndö ti ayangbo ti Ezipte, ala dekongo, ala tene: “Ala bongbi tere ti ala na ndö ti ahoto ti Samarii, ala baa gba ti wusuwusu so azo ayeke sara na aye ti ngangu so azo ayeke sara na amba ti ala na ndö ti ahoto ni!”

Mishe 6:9

*KOTA GBIA ayeke dekongo na azo ti gbata ni. Zo so ayeke na ndara, fade lo yeke kpe mbeto ti lo. “Ala azo ti mara ti Juda na ala so abongbi na ya ti gbata ni, ala ma si!

Sofonii 1:9

Na lango ni so, fade mbi yeke ga na tere ti azo so kue ayeke huru hurungo ti li na ya ti da, ala so ayeke sara si ya ti da ti makonzi ti ala asi singo na aye so ala gbu na ngangu nga na aye so ala wara na lege ti handango zo.

Zakarii 5:6

Mbi hunda lo, mbi tene: “Ye ni aye ti fa nyen?” Lo kiri tënë: “Sakpa laa ayeke ga so.” Lo kiri lo tene: “Asioni ye ti kodro ni kue laa ayeke na ya ni so.”

Josué 7:1

Azo ti Israel asara mbeni ye so ayeke sioni mingi ndali ti aye so *KOTA GBIA ake na ala ti mu ni. Mbeni zo ti mara ti Juda so iri ti lo Akan amu ambeni ye so KOTA GBIA ake na ala titene ala mu ni; nilaa ngonzo ti KOTA GBIA alondo tongana wâ na tere ti azo ti Israel. Akan ayeke molenge ti Karmi; Karmi ayeke molenge ti Zabdi si Zabdi ayeke molenge ti Zera.