Mishe 5:5 - Mbeti ti Nzapa - Tënë so amu fini

⁵ Fade azo ti li ni so ayeke sara komandema na ndö ti sese ti Asirii na yongoro zeme, ala yeke sara komandema na ndö ti kodro ti Nemrod na zeme so yanga ni aza.” “Ti makonzi ni, fade lo yeke zi e na maboko ti azo ti Asirii tongana ala hon katikati ti kodro ti e titene ala li na sese ti e.”

Mishe 5:5 Iomraidhean Croise

Mbeti ti Job 5:19

Fani mingi aye ti ngangu ayeke si na mo, me lo yeke zi mo na ya ni; ti hunzi na ni, lo yeke sara si sioni akiri ti wara mo pepe.

Abia (Psaumes) 72:7

Na ngoi so lo ngba ti le-gbia, ayeke nzoni sarango ye ti mbirimbiri angba ti mai na ndo kue, nzoni duti asi singo na ngoi so kue nze angba ti su!

Amato 30:18

Aye ota ayeke daa so mbi gi li ti mbi daa gbaa, osio ni ayeke nga daa so mbi de ti hinga nda ni pepe:

Amato 30:29

Aye ota so ayeke na fini ayeke daa, ala yeke tambula na baba, osio ni ayeke nga daa so ayeke pendere mingi; aye ni ayeke tongana:

Amato 6:16

Aye omene ayeke daa so KOTA GBIA ake ni; mbarambara ni ayeke nga daa so ayeke sioni mingi na le ti lo:

Zo ti bongbingo azo 11:2

Mo mu mbage ti aye ti mo na azo mbarambara wala miombe, ngbanga ti sioni ye so ayeke si na ndö ti sese so, mo hinga ni pepe.

Ésaïe 14:25

Fade mbi yeke buba ngangu ti azo ti Asirii taa na ya ti kodro ti mbi; mbi yeke do ala na gbe ti gere ti mbi na ndö ti ahoto ti mbi. Ala zia ando anengo kungba na ndö ti azo ti mbi tongana *zuge, fade mbi yeke zi ni. Ala zia ando nengo kungba na ndö ti go ti azo ti mbi, mbi yeke zi ni na ndö ti go ti ala.”

Ésaïe 44:28

Tënë so mbi tene na ndö ti Sirus ayeke so: ‘Lo yeke wabatango-taba ti mbi. Ye so mbi ye, fade lo yeke sara si aga nzoni. Lo yeke mu yanga titene a kiri aleke Jérusalem, titene a kiri alu gere ti kota da ti Nzapa.’ ”

Ésaïe 59:19

Tongaso, ti londo na To ngbii asi na Do, fade azo ayeke kpe mbeto ti iri ti KOTA GBIA, azo kue ayeke kpe mbeto ti gonda ti lo. Biani, fade lo yeke ga tongana *bale so asua ngangu si pupu ti KOTA GBIA ayeke pusu ni.

Ésaïe 65:8

Tënë so KOTA GBIA atene ayeke so: Tongana azo awara gba ti ale ti *vinye so abe, ala yeke tene: “E buba ni pepe, ngbanga ti so tufa ayeke na ya ni”. Mbi yeke sara ande gi tongaso ndali ti azo ti kua ti mbi; fade mbi yeke buba ye kue pepe.

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Jérémie 33:15

Na lango ni so, gi na ngoi ni so, mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Amos 1:3

Tënë so *KOTA GBIA atene ayeke so: “Mbi yeke na tënë na azo ti Damas ndali ti asioni ye ota, wala osio so ala sara: ala fâ ya ti azo ti Galaad na wen ti dengo ya ti sese. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Amos 1:6

Tënë so *KOTA GBIA atene ayeke so: “Mbi yeke na tënë na azo ti Gaza ndali ti asioni ye ota, wala osio so ala sara: ala gbu azo ti akete kodro kue kue kue si ala ka ala na azo ti mara ti Edom. Ndani laa, ngbanga so mbi fâ na li ti ala, mbi yeke kiri na ndö ni oko pepe.

Zakarii 10:11

Fade ala yeke fâ kota ngu-ingo ti pasi; mbi KOTA GBIA, mbi yeke pika *amapo ti kota ngu-ingo ni. Ataa agbe ti *bale ti Nil ayeke hole kue. Baba ti azo ti Asirii ayeke ti si komandema ti gbia ti Ezipte ayeke hon.

Zakarii 10:3

*KOTA GBIA atene: “Ngonzo ti mbi alondo tongana wâ na tere ti azo ti batango ataba; mbi yeke ga na tere ti akoli-ngasa. Biani, mbi KOTA GBIA so mbi yeke na ndö ti dunia kue, mbi yeke ga ti sara nzoni na ataba ti mbi, ataba ti mbi so ayeke azo ti mara ti Juda. Fade mbi yeke sara titene ala ga tongana nzoni mbarata ti sarango na bira.

Zakarii 12:6

Na lango ni so, fade mbi yeke sara titene amakonzi ti Juda aduti tongana mbeni kota le ti wâ na ya ti gbako, wala tongana mbeni *tanda so a zia wâ daa na gbe ti gba ti ale ti kobe. Fade ale ti wâ ni ayeke te mbage na mbage kue amara so kue angoro ala. Me azo ti Jérusalem ayeke ngba ti duti gi na ya ti gbata ti ala.”

Zakarii 9:10

Fade lo yeke zi apusu ti mbarata ti bira na Efraim, lo yeke zi ambarata na Jérusalem; lo yeke fâ ya ti akokora ti bira si lo yeke zia siriri na popo ti amara. Komandema ti lo ayeke londo na mbeni kota ngu-ingo ngbii asi na mbeni kota ngu-ingo, ti londo na *bale ti Efrate ngbii asi na nda ti sese kue.

Zakarii 9:13

Fade mbi yeke mu Juda tongana kokora ti bira, Efraim ayeke duti tongana ale ti kokora ni. *Sion, fade mbi yeke tokua azo ti mo ti tiri bira na azo ti Grese. Mbi yeke mu azo ni tongana yongoro zeme ti ngangu zo ti bira.”

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

Aye so Nzapa afa 17:14

Fade ala yeke tiri na Molenge ti Taba, me Molenge ti Taba ayeke hon ndö ti ala, ngbanga ti so lo yeke Kota Gbia ti akota gbia si lo yeke Gbia ti agbia. Lo na azo so lo iri ala, lo soro ala si ala yeke azo ti lo, ala yeke hon ndö ti agbia baleoko so.”

Aye so Nzapa afa 19:14

Aturugu ti yayu amu peko ti lo, ala kue ayeke na ndö ti avuru mbarata si ala yu pendere vuru bongo so a sara na *len si ayeke *nzoni.