Mishe 5:2 - Mbeti ti Nzapa - Tënë so amu fini

² Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Mishe 5:2 Iomraidhean Croise

Tongo nda ti aye 35:16

Ala londo na Betel si ala hon. So ala ga nduru ti si na Efrata, Rachel adu. Dungo ti lo ni ayeke ngangu mingi.

Tongo nda ti aye 35:19

Rachel akui si a lu lo na lege ti Efrata, so ti tene na Betlehem.

Tongo nda ti aye 48:7

Ti mbi, na ndembe so mbi londo na sese ti Mezopotamii si mbi yeke ga, wali ti mbi Rachel akui na maboko ti mbi na lege, na ndembe so e ga nduru ti si na Efrata, na sese ti Kanaan. Mbi lu lo gi na tere ti lege so ague na Efrata so ayeke na Betlehem.”

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

1 Mbai 2:54

Amolenge ti Salma ayeke azo ti Betlehem, ti Netofa, ti Atrot-Bet-Yoab, na ndambo ti azo ti kodro ti Manahat nga na ala ti kodro ti Sora,

1 Mbai 4:4

Penuel, so asara si gbata ti Gedor abaa gigi nga na Ezer, so asara si gbata ti Husha abaa gigi. Ala laa ayeke amolenge ti Hur; Hur ayeke kozo molenge ti Efrata. Hur laa asara si gbata ti Betlehem abaa gigi.

1 Mbai 5:2

Juda laa ayeke ngangu zo ahon a-ita ti lo; mbeni *hale ti lo aga gbia ti azo ti Israel, me ndo ti kozo molenge aga ti Joseph.

Abia (Psaumes) 132:6

E ma a tene, sanduku ti *mbuki ayeke na Efrata; e wara ni nduru na Yaar.

Abia (Psaumes) 90:2

Kozoni si ahoto abaa gigi, kozoni si mo sara sese na dunia, mo yeke Nzapa ngbene ye kpu na kpu, lakue lakue!

Sigingo 18:21

Fade mo yeke soro nga na popo ti azo ni ambeni zo so alingbi, ala so ayeke kpe mbeto ti Nzapa, ala so azo ane ala, ala so ake tënë ti goro, mo zia ala tongana amakonzi. Mo zia ambeni na ndö ti azo saki oko, ambeni na ndö ti azo ngbangbo oko, ambeni na ndö ti azo baleoku si ambeni na ndö ti azo baleoko.

Sigingo 18:25

Na popo ti azo ti Israel kue, Moïse asoro azo so alingbi si lo zia ala makonzi na ndö ti azo ni: ambeni na ndö ti azo saki oko, ambeni na ndö ti azo ngbangbo oko, ambeni na ndö ti azo baleoku si ambeni na ndö ti azo baleoko.

Ésaïe 11:1

Fade mbeni kete keke ayeke sigigi na tere ti nduru keke ti Yese; kete keke ayeke sigigi na gere ni.

Ésaïe 53:2

Na le ti KOTA GBIA, zo ti kua ni akono tongana mbeni kete keke so ayeke sigigi, tongana gunda ti keke so ayeke sigigi na ya ti holengo sese. Lo kpa zo pepe, pendere ti lo so ayeke gboto zo ti baa ndo na mbage ti lo ayeke daa pepe. Mbeni nzoni ye na tere ti lo so anzere na e ayeke daa pepe.

Ésaïe 55:4

Mbi zia lo na tere ti amara tongana zo so ahinga ngangu ti mbi; mbi zia lo makonzi nga na zo so ayeke na komandema na ndö ti amara.

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Jérémie 30:21

Mbeni oko ti ala ayeke duti makonzi ti ala; zo so ayeke sara komandema na ndö ti ala ayeke baa gigi na popo ti ala; fade mbi yeke sara si lo ga nduru na mbi. Biani, zo wa laa alingbi ti sara ye ti koli si lo ga nduru na mbi, zo wa? So tënë ti yanga ti KOTA GBIA laa.

Osée 6:3

Tongaso, e sara ngangu ti hinga KOTA GBIA. Nyen na nyen kue, lo yeke ga tongana lâ so ayeke sigigi ka na ndaperere; fade lo yeke ga na mbage ti e tongana ngu-Nzapa, tongana tanga ti ngu-Nzapa so ayeke tuku na ndö ti sese.”

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Mishe 4:10

Ala azo ti Jérusalem, ala gbu ya ti ala, ala toto tongana wali so aye ti du, ngbanga ti so ala yeke sigigi fadeso na ya ti gbata ni ti gue ti duti na ya ti ngonda. Ala yeke gue na kodro ti Babilone; kâ, *KOTA GBIA ayeke zi ala, lo yeke gboto ala na maboko ti awato ti ala.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Matthieu 2:1

A du Jésus na Betlehem, mbeni gbata ti sese ti Judée, na ngoi ti gbia Herode. Na pekoni, azo ti gingo nda ti atongoro alondo na mbage ti To, ala si na Jérusalem.

Matthieu 2:6

‘Mo Betlehem, mo so mo yeke na sese ti Juda, mo yeke biani kete kodro pepe na popo ti akota kodro ti Juda, ngbanga ti so, na ya ti mo, fade mbeni gbia ayeke sigigi ti fa lege na azo ti Israel, azo ti Nzapa.’ ”

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Nzoni Tënë so Luc asu na mbeti 23:2

Ala to nda ti bi tënë na li ti lo, atene: “E wara koli so, lo yeke pusu azo ti mara ti e ti sara wusuwusu, lo yeke kanga lege na ala titene ala futa lapo na kota gbia ti Rome; lo tene nga, ni wani, ni yeke *Mesii, ni yeke gbia.”

Nzoni Tënë so Luc asu na mbeti 23:38

Na li ti keke ti kroa ni ala su mbeni mbeti atene: “So gbia ti azuife laa!”

Jean 7:42

Mbeti ti Nzapa atene: ‘Fade Mesii ni ayeke *hale ti David. Lo yeke londo ande na Betlehem, kodro ti David si lo yeke ga.’”

Ndia ti fani use ni 1:15

Tongaso, mbi mu azo so ayeke na li ti amara ti ala, azo ti ndara na azo so iri ti ala awu nzoni, mbi zia ambeni na li ti azo saki oko, ambeni na li ti azo ngbangbo oko, ambeni na li ti azo baleoku, ambeni na li ti azo baleoko. Mbi zia ambeni ti baa ndo na ndö ti akua na ya ti amara oko oko.

Kolose 1:17

Christ ayeke ando daa kozoni na ye kue, ye kue angba ti duti gi na lege ti lo.

Ahebro 13:8

Jésus Christ angba tongana ti biri, ti laso na kpu na kpu.

Ahebro 7:14

Azo kue ahinga so, a du Kota Gbia ti e na ya ti mara ti Juda. Moïse atene tënë oko pepe na ndö ti mara ti Juda tongana lo tene tënë ti awayango-sandaga.

1 Jean 1:1

Ye so ayeke ando daa ngbene ye na tongo nda ni, ye so e ma tënë ni na mê ti e, ye so e baa ni na le ti e, ye so e baa ni mbirimbiri si e ndu na maboko ti e, ye ni ayeke Tënë so ayeke mu fini na zo.

Aye so Nzapa afa 19:16

A su iri na ndö ti kota bongo ti lo nga na ndö ti gere ti lo; iri ni ayeke: “Gbia ti agbia, *Kota Gbia ti akota gbia.”

Aye so Nzapa afa 2:8

“Su mbeti so, mo tokua na *ange so ayeke na li ti *Eglize ti gbata ti Simirne: “Baa, lo so lo yeke kozo ni si lo yeke ndangba ni, lo so akui si lo kiri na fini, atene:

Aye so Nzapa afa 21:6

Lo kiri lo tene na mbi: “Awe! Mbi yeke *Alfa na *Omega, mbi yeke tongo nda ti aye kue si mbi yeke nga kongo nda ti aye kue. Zo so nzara ti ngu asara lo, fade mbi yeke mu na lo ngu senge senge, ngu ti li ti ngu so ayeke mu fini na zo.

Awafango-ngbanga 17:7

Mbeni maseka-koli ayeke daa; lo yeke zo ti mara ti Lévi, lo yeke lango na Betlehem, na sese ti Juda. Lo lango kâ tongana gene.

Ruth 1:1

Ando, na ngoi so awafango-ngbanga ayeke na li ti kodro ti Israel, mbeni kota nzara ati na ya ti kodro ni. Tongaso, mbeni koli ti kodro ti Betlehem, na sese ti Juda, lo na wali ti lo, na amolenge ti lo ti koli use, alondo na kodro ti ala ti gue ti duti ndali ti mbeni ngoi na ndo so azo ayeke fâ yaka daa, na sese ti Moab.

Ruth 4:11

Akangba na azo ti kodro so kue ayeke na ndo so azo ayeke leke ka tënë daa so atene: “Een, e kue laa, e yeke na tere ti tënë ni. Ayeke nzoni *KOTA GBIA asara si wali so ayeke li na ya ti da ti mo so aga tongana Rachel na Lea, so gi ala use asara si sewa ti Israel aga kota so. Ayeke nzoni mo wara mosoro mingi na ya ti kodro ti Efrata, iri ti mo awu amu ya ti kodro ti Betlehem kue.

1 Samuel 10:19

Me fadeso, ala ke Nzapa ti ala awe, lo so lo zi ala na ya ti mawa nga na ya ti ye ti ngangu so; ala tene na lo: ‘Mu na e mbeni gbia.’ Fadeso ala ga aluti na le ti KOTA GBIA, mara na mara, kete mara na kete mara.”

1 Samuel 17:12

David ayeke molenge ti Yese, zo ti kete mara ti Efrata; Yese ayeke lango na Betlehem, na sese ti Juda. Lo yeke na amolenge-koli miombe. Na ndembe so Saul ayeke gbia, lo ga mbakoro ahon ndoni.

1 Samuel 17:18

Mo mu nga fromaze baleoko so mo gue na ni na makonzi so ayeke na li ti aturugu saki oko. Fade mo baa a-ita ti mo, ala yeke kâ tongana nyen? Na pekoni, mo mu mbeni ye ti ala, mo ga na ni na mbi ti fa atene, ala kue ayeke nzoni.

1 Samuel 23:23

Ando so kue lo honde tere ti lo daa, ala baa ni nzoni. Na pekoni, ala kiri aga afa na mbi ndo ni mbirimbiri si fade mbi na ala e gue. Tongana lo yeke na ya ti kodro ni, fade mbi yeke gi lo na ya ti kodro ni, mbi yeke gi lo na sese ti azo ti akete mara ti Juda oko oko kue ngbii mbi wara lo.”

1 Samuel 8:12

Fade lo yeke mu ambeni ti duti makonzi na ndö ti aturugu saki oko wala makonzi na ndö ti aturugu baleoku. Lo yeke mu ambeni titene ala fâ yaka ti lo si ala fâ nga ale ti kobe ti yaka ti lo. Fade lo yeke mu ambeni titene ala leke aye ti bira ti lo nga na agbakuru ti kangango na tere ti apusu ti mbarata ti lo.