Mishe 5:13 - Mbeti ti Nzapa - Tënë so amu fini

¹³ Mbi yeke de na sese akeke so mo leke ni aluti na nduzu si mo yeke voro ni so; mbi yeke buba agbata ti mo kue.

Mishe 5:13 Iomraidhean Croise

Ésaïe 2:18

Fade ayanda kue ayeke daa mbeni pepe.

Ésaïe 2:8

Ayanda asi singo na ya ti kodro ni. Azo ayeke kuku ti voro ye so maboko ti ala wani asara; ala yeke kuku na gbe ti ye so maboko ti ala wani aleke.

Ésaïe 27:9

Lege so a yeke zi sioni na li ti Jacob laa; ye so ayeke si na peko ti zingo siokpari na li ti lo ni ayeke so: fade a yeke nika atêne kue ti agbalaka tongana ti so a yeke nika mbamba si aga fuku. Akeke so azo aleke aluti na nduzu si ala yeke voro ni, wala ata ti wen so ala zia nde titene ala zö dukani na ya ni ayeke kiri ti ngba na nduzu pepe.

Ezekiel 16:41

Ala yeke gbi ada ti mo, ala yeke de ngbanga na li ti mo na le ti gba ti awali. Mbi yeke sara si kua ti mo ti ndumba ni ahunzi biani biani, mo yeke kiri ti futa andeko ti mo ni pepe.

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Ezekiel 37:23

Ala yeke kiri ti ga *sioni pepe na lege ti vorongo afungo yanda, na lege ti sarango asioni ye so zo alingbi ti baa na le ti lo fani use pepe nga na lege ti asioni nde nde so ala sara. Mbi yeke zi ala na ando so kue ala duti daa si ala sara siokpari so; mbi yeke sara si ala ga *nzoni. Ala yeke duti azo ti mbi si mbi yeke duti Nzapa ti ala.

Ezekiel 6:9

Azo so ayeke ngba na fini ayeke dabe ti ala na mbi kâ na popo ti amara nde, ndo so a gbu ala si a gue na ala daa. Azo ni ayeke dabe ti ala na lege so mbi sara si be ti ala afâ, be ti ala so ala mu na anzapa nde si ala ke mbi so. Ala yeke dabe ti ala nga na lege so mbi sara si le ti ala abuba, le ti ala so ala yeke baa na anzapa nde so. Tongaso, nzara ti aye ni ayeke sigigi na be ti ala ndali ti asioni ye so ala sara nga ndali ti aye so ala sara si zo alingbi ti baa na le ti lo fani use pepe so.

Osée 10:2

Be ti azo ti Israel ayeke use use. Fadeso ala yeke wara ye ti peko ti sioni ti ala: *KOTA GBIA wani ayeke kinda agbalaka ti ala si lo yeke kungbi angbongboro têne ti ala so ala leke aluti na nduzu so.

Osée 14:3

Ala kiri na KOTA GBIA si ala tene na lo atënë so: “Sioni so kue e sara so, zi tënë ni na li ti e. Yamba e na nzoni be! E ye ti ya na mo atënë ti yanga ti e, ahon titene e ya na mo *sandaga ti akoli-bagara.

Osée 14:8

Azo ti mbi ayeke kiri ti duti na gbe ti de ti lo, ala yeke kiri ti lu ale ti *ble, ala yeke mai tongana keke ti vinye; sango ti ala ayeke mu ndo kue tongana ti pendere vin ti Liban.

Nahum 1:14

Ti mo, gbia ti Ninive, yanga so KOTA GBIA amu na ndö ti mo ayeke so: “Mbeni *hale ti mo oko ti sara si iri ti mo angba na gigi ayeke duti daa pepe. Ayanda so mo leke na keke nga na wen si ayeke na ya ti da ti anzapa ti mo so, fade mbi yeke buba ni kue. Mbi yeke leke du ti kuâ ti mo, ngbanga ti so mo kiri mo ne na le ti mbi pepe.”

Sofonii 1:4

“Fade mbi yeke yoro maboko ti mbi ti pika azo ti Juda nga na azo so kue alango na Jérusalem. Mbi yeke sara si aye so azo ayeke voro na *Baal angba na ya ti kodro ni oko pepe; ataa awayango-sandaga so ayeke sara kua na lo, azo ayeke girisa iri ti ala.

Zakarii 13:2

So tënë ti yanga ti *KOTA GBIA so ayeke na ndö ti dunia kue laa: “Na lango ni so, fade mbi yeke zi ayanda so ayeke na ya ti kodro ni, zo ayeke kiri ti di iri ti ala pepe. Mbi yeke tumba nga awayanga-nzapa ti mvene nga na yingo ti sarango sioni ye so ala yeke na ni.

Aye so Nzapa afa 9:20

Tanga ti azo so kue akui na lege ti asioni ye so pepe, ala zia pepe lege ti sarango asioni ye ti ala. Ala zia lege ti vorongo asioni yingo pepe; ala ngba ti voro ayanda so a sara na lôro, na wen ti nginza, na bengba wen, na têne nga na keke. Ayanda ni ayeke baa ndo pepe, ala yeke ma ndo pepe, ala yeke tambula nga pepe.

Awafango-ngbanga 18:17

Akoli oku so ague lani ti bembe ndo na ya ti kodro ni, so ala li na ya ti da ni awe, ala mu ayanda ni, aye nde nde ti sambelango nzapa na yanda so a kporo wen ti nginza si a sara na ni. Wayango-sandaga ni aluti ti lo na yanga ti da ni, lo na azo ngbangbo omene so ayeke na aye ti bira na maboko ti ala.