Mishe 5:11 - Mbeti ti Nzapa - Tënë so amu fini

¹¹ Mbi yeke zi aye ti mazi so ayeke na ya ti kodro ti mo kue; mbeni zo ti bango nda ti aye na lege ti aye ti le ti nduzu ayeke duti daa mbeni pepe.

Mishe 5:11 Iomraidhean Croise

Ésaïe 1:7

Sese ti ala aga gi ngonda, wâ agbi agbata ti ala kue. Awande ate akobe ti yaka ti ala kue gi na le ti ala; awande abuba kodro ni, ala kinda ni, ye oko angba pepe.

Ésaïe 2:6

*KOTA GBIA, mo ke azo ti mo, *ahale ti Jacob awe, ngbanga ti so azo ti bango nda ti aye alondo na mbage ti To aga, ala si singo na ya ti kodro ti azo ti mo. Azo ti gingo nda ti atongoro asi singo daa, tongana ti so ala yeke gbani gbani na ya ti kodro ti Filistii. Azo ti mo na awande ayeke fono oko.

Ésaïe 27:9

Lege so a yeke zi sioni na li ti Jacob laa; ye so ayeke si na peko ti zingo siokpari na li ti lo ni ayeke so: fade a yeke nika atêne kue ti agbalaka tongana ti so a yeke nika mbamba si aga fuku. Akeke so azo aleke aluti na nduzu si ala yeke voro ni, wala ata ti wen so ala zia nde titene ala zö dukani na ya ni ayeke kiri ti ngba na nduzu pepe.

Ésaïe 6:11

Tongaso mbi hunda ndo, mbi tene: “KOTA GBIA, ye ni so ayeke gue ngbii asi lawa?” Lo kiri tënë, lo tene: “Ye ni ayeke gue ngbii asi na ndembe so a buba agbata kue, zo oko ayeke ngba na ya ti agbata ni pepe, zo oko ayeke ngba na ya ti da pepe, sese ayeke buba kue si ayeke ga ngonda.

Abia ti demango tere 2:2

KOTA GBIA akungbi akete kodro ti sese ti Israel kue; lo baa mawa ti akodro ni oko pepe. Ngonzo ti lo ti wâ alondo; nilaa lo kungbi agbata ti Juda na sese; agbata so a sara angangu gbagba na tere ni so. KOTA GBIA abi kodro-gbia ni na sese, lo buba iri ti kodro ni na akota zo ni kue.

Ezekiel 38:11

Fade mo yeke tene: ‘Kodro so gbagba ayeke na tere ni pepe so, mbi yeke gue ti tiri bira na azo ni. Kâ, azo ni aduti kpoo, ala yeke lango na siriri, ala yeke lango na ya ti agbata so gbagba ayeke na tere ni pepe, ayanga ti agbata ni ayeke daa pepe si kota kerere ti kangango na ni ayeke daa pepe.

Osée 10:14

Ndani laa fade toto ti bira ayeke si na popo ti azo ti mo si agbata ti mo so kue ngangu gbagba ayeke na tere ni ayeke buba. Agbata ni ayeke buba tongana ti so gbia Shalman abuba ando gbata ti Bet-Arbel si azo anika mama na ndö ti amolenge ti lo so.

Amos 5:9

Lo yeke sara si azo akinda zo ti ngangu, ala buba ngangu gbagba kue.