Mishe 4:8 - Mbeti ti Nzapa - Tënë so amu fini

⁸ Mo, hoto ti Sion, mo so mo yeke baa ndo na ndö ti azo tongana mbeni wabatango-taba so aluti na nduzu, fade mo yeke kiri ti wara komandema ti mo ti kozo. Jérusalem ayeke kiri ti ga kota gbata ti kodro ni.”

Mishe 4:8 Iomraidhean Croise

Tongo nda ti aye 35:21

Israel alondo na ndo so, lo gue, lo leke da ti lo ti bongo kâ na peko ti Migdal-Eder.

2 Samuel 5:7

Me David amu ngangu gbagba ti *Sion, so ti tene Gbata ti David.

Néhémie 3:25

Palal, molenge ti Uzai ayeke sara ti lo kua ni, ti londo na ndo so gbagba ni asi daa si angoro nga na da so ayo na nduzu ti yangbo ti gbia so ayeke na mbage ti nduzu, nduru na gbagba ti aturugu ti batango gbia. Na peko ti Palal kâ, Pedaya, molenge ti Parosh,

Abia (Psaumes) 24:7

Ayanga ti da, ala zi tere ti ala kota! Ayanga ti da ti lakue lakue, ala zi tere ti ala! Ala zia lege si Gbia ti gonda ali!

Abia (Psaumes) 48:3

Hoto ni ayeke pendere mingi si ayeke zia ngia na be ti azo ti sese kue. Hoto ni ayeke hoto ti *Sion, taa hoto ti Nzapa; Sion ayeke gbata ti kota Gbia.

Abia (Psaumes) 61:3

So mbi yeke na nda ti sese kâ, tongana mbi woko kue awe, mbi yeke iri mo ti mu na mbi maboko. Kota têne so ayo na nduzu mingi si mbi lingbi ti si daa pepe so, gue na mbi na ndö ni.

B. ti abia 4:4

Go ti mo ayeke tongana da ti David so lo sara ni pendere mingi, da so a sara ni ti bata aye ti bira daa. A kanga *avala saki oko na tere ni, kue gi angbongboro vala ti angangu turugu.

Ésaïe 1:26

Mbi yeke kiri ti mu na mo awafango-ngbanga tongana ti ando; mbi yeke kiri ti mu na mo awamungo-wango tongana ti kozoni. Na pekoni, fade azo ayeke mu iri na mo, atene: ‘Gbata ti fango ngbanga ti mbirimbiri’, ‘Gbata so abata be ti lo Nzapa’.”

Ésaïe 10:32

Gi na lango ni so, wato aluti na Nob. Lo yoro maboko ti so na ndö ti hoto ti *Sion, kete hoto ti Jérusalem.

Ésaïe 5:2

Lo de ya ti sese, lo zi atêne na ya ni, lo lu pendere keke ti vinye daa. Lo sara da so ayo na nduzu taa na be ti yaka ni. Lo zi du ti petengo na ale ti vinye daa. Lo yeke ku fade anzoni lengo ni, me yaka ni ale gi afungo ni.

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Daniel 7:18

Me a yeke mu kodro ni na azo so Nzapa asoro ala; Nzapa so ayeke na yayu kâ na ndö ti aye kue so; fade kodro ni ayeke ngba ti ala lakue lakue, kpu na kpu.’

Abdias 1:21

Azo so azi amba ti ala na gbe ti ngbaa ayeke gue na ndö ti hoto ti Sion titene ala sara komandema na ndö ti azo so ayeke lango na ndö ti hoto ti Ezau. Fade lengo-gbia ayeke ti KOTA GBIA!

Mishe 2:12

“*KOTA GBIA atene: ala *ahale ti Jacob, fade mbi yeke bongbi ala kue na ndo oko, mbi yeke bongbi nga tanga ti azo ti Israel so angba na fini so. Mbi yeke zia ala na ndo oko tongana ti so a yeke bongbi ataba na ya ti gbagba ti ala, tongana gba ti anyama so ayeke na ndo ti tengo pere ti ala. Fade go ti ala ayeke wu tongana go ti gba ti azo.

Zakarii 9:10

Fade lo yeke zi apusu ti mbarata ti bira na Efraim, lo yeke zi ambarata na Jérusalem; lo yeke fâ ya ti akokora ti bira si lo yeke zia siriri na popo ti amara. Komandema ti lo ayeke londo na mbeni kota ngu-ingo ngbii asi na mbeni kota ngu-ingo, ti londo na *bale ti Efrate ngbii asi na nda ti sese kue.

Zakarii 9:12

Ala azo ti kanga so azia be ti ala ti ku titene a zi ala so, ala kiri na ya ti gbata ti ala so ngangu gbagba ayeke na tere ni. Gi laso laso, mbi tene: fade mbi yeke mu na ala ye ti peko ti pasi ti ala fani use.

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Wungo ti azo 24:19

Gbia so ayeke baa gigi na popo ti azo ti Israel so, lo yeke sara komandema na ndö ti awato ti lo; lo yeke hunzi tanga ti azo so angba na ya ti agbata.”

Matthieu 21:33

Ala kiri ama mbeni toli ni: “Mbeni wa ti sese afâ yaka ti *vinye. Lo sara gbagba na tere ni kue, lo zi du titene a pete le ti vinye ni daa, lo leke mbeni ndo na nduzu titene zo aluti daa ti baa ndo na tere ti yaka ni. Na pekoni, lo zia yaka ni na maboko ti ambeni zo ti fango yaka ti vinye si lo gue na mbeni kodro nde.

Marc 12:1

Na pekoni, Jésus ato nda ti tene tënë na ala na lege ti atoli, lo tene: “Mbeni zo afâ yaka ti *vinye. Lo sara gbagba na tere ni kue, lo zi du titene a pete le ti vinye ni daa, lo leke mbeni ndo na nduzu titene zo aluti daa ti baa ndo na tere ti yaka ni. Na pekoni, lo zia yaka ni na maboko ti ambeni zo ti fango yaka ti vinye si lo gue na mbeni kodro nde.

Efeze 1:21

Kâ, Christ ayeke na ndö ti ayingo so ayeke na komandema, ala so ayeke na ngangu nga na ala so ayeke amakonzi. Lo yeke na ndö ti aye so kue e yeke ma iri ni na dunia ti laso nga na dunia so ayeke ga.

Aye so Nzapa afa 22:5

Ndo ayeke kiri ti vuko na ndo ni so pepe, azo ayeke ku zango ti lamba wala sungo ti lâ ti baa ndo na ni pepe, ngbanga ti so *Kota Gbia Nzapa ayeke su na ndö ti ala. Ala yeke le-gbia kpu na kpu.