Mishe 4:5 - Mbeti ti Nzapa - Tënë so amu fini

⁵ Amara oko oko ayeke sara ye gi na iri ti anzapa ti ala; me ti e, e yeke sara ye gi na iri ti KOTA GBIA, Nzapa ti e kpu na kpu.

Mishe 4:5 Iomraidhean Croise

Tongo nda ti aye 17:1

Abram ayeke na ngu balegumbaya na gumbaya si KOTA GBIA asi na lo; lo tene na lo: “Mbi yeke Nzapa so ngangu ti mbi ahon angangu kue. Tambula na lege so mbi ye; mo sara aye ti mo kue gi na legeni.

2 Agbia 17:29

Me mara oko oko asara yanda ti nzapa ti lo wani, lo zia yanda ni na ya ti ada so akozo zo ti Samarii asara na ando so a leke na ndö ti ahoto ti voro anzapa nde daa. Mara oko oko asara gi tongaso na ya ti gbata so lo lango daa.

2 Agbia 17:34

Laso, azo ti Samarii angba ti sara ye tongana ti giriri. Ala yeke voro KOTA GBIA pepe. Ala yeke sara ye alingbi na atënë ti ndia ti ala wani pepe, wala alingbi na lege ti sarango ye ti ala wani pepe. Ala yeke sara nga ye alingbi na ndia ti KOTA GBIA pepe, wala alingbi na yanga so lo mu ando na *ahale ti Jacob pepe; Jacob so KOTA GBIA adi iri ti lo Israel.

Abia (Psaumes) 20:6

Tongaso fade e yeke dekongo na ngia, ngbanga ti so mo zi azo na ya ti ye ti ngangu. E yeke yo abendere ti e na nduzu ti gonda na iri ti Nzapa ti e. Ayeke nzoni KOTA GBIA amu na mo aye so kue mo hunda.

Abia (Psaumes) 48:14

Ala baa lege so agbagba ti gbata ni apendere, ala diko ayangbo ti ya ni si fade ala tene tënë ni na amolenge ti ala so ayeke ga ande na peko ti ala; fade ala tene:

Abia (Psaumes) 71:16

Kota Gbia NZAPA, fade mbi yeke ga ti tene tënë ti akota ye so mo sara; mbi yeke kiri ti tene na azo gi tënë ti mo oko, mo so mo yeke bata tënë ti yanga ti mo.

Ésaïe 2:5

*Ahale ti Jacob, ala ga e tambula na ya ti lumiere ti KOTA GBIA!

Ésaïe 26:13

KOTA GBIA, Nzapa ti e, ambeni makonzi nde so ayeke mo pepe, ala laa asara komandema na ndö ti e. Me gi mo oko laa e yeke di iri ti mo.

Ésaïe 26:8

Biani, KOTA GBIA, lege so mo mu yanga titene e hon daa, e zia be ti e ti ku mo. Ye so nzara ni agbu be ti e ayeke ti dabe ti e na mo.

Jérémie 32:40

Mbi na ala e yeke sara *mbuki so angba lakue lakue: mbi yeke kiri ti zia peko ti mbi na ala pepe, me mbi yeke ngba ti sara nzoni na ala. Mbi yeke zia na be ti ala kpengo mbeto ti mbi, tongaso si ala kiri ti hon yongoro na tere ti mbi pepe.

Zakarii 10:12

Mbi yeke mu ngangu na azo ti mbi si ala yeke sara ye gi na iri ti mbi”; so tënë ti yanga ti KOTA GBIA laa.

Awatokua 14:16

Na ya ti angoi so ahon, Nzapa azia amara kue titene ala mu lege so be ti ala wani aye.

Ndia ti fani use ni 27:10

Fade ala yeke ma yanga ti lo, ala yeke sara ye alingbi na atënë ti ndia ti lo nga na andia ti lo so mbi yeke fa na ala laso.”

Kolose 2:6

So ala yeda titene Jésus Christ aga *Kota Gbia ti ala awe, ayeke nzoni ala sara ye tongana azo so aga oko na lo.

Kolose 3:17

Atënë so kue ala yeke tene, wala aye so kue ala yeke sara, ala sara ni na iri ti *Kota Gbia Jésus, ala mu singila na Nzapa Babâ na lege ti lo.

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”