Mishe 4:4 - Mbeti ti Nzapa - Tënë so amu fini

⁴ Ala oko oko ayeke duti na siriri na gbe ti akeke ti *vinye ti ala nga na gbe ti akeke ti fige ti ala. Zo oko ti zia mbeto na be ti ala ayeke daa pepe.” Tënë so asigigi na yanga ti KOTA GBIA so ayeke na ndö ti dunia kue laa!

Mishe 4:4 Iomraidhean Croise

1 Agbia 5:5

Na ngoi so kue Salomon aduti gbia, azo ti Juda na azo ti Israel kue aduti na siriri. Ti londo na kodro ti Dan ngbii asi na Bersheba, zo oko oko ayeke duti kpoo na gbe ti keke ti *vinye ti lo wala na gbe ti keke ti fige ti lo.

Mbeti ti Job 11:19

Na ndembe so mo yeke wu tere ti mo, zo ti so li ti mo ayeke daa pepe; azo mingi ayeke tene nzoni tënë ti woko be ti mo.

Abia (Psaumes) 72:3

Tongaso, fade akota hoto na akete hoto ayeke sara si azo awara nzoni duti.

Amato 3:25

Ye ti mbeto so ayeke si gburrr wala azo ti sioni so ayeke tuku na ndö ti mo, fade mo yeke sara mbeto ti ala pepe.

Ésaïe 1:20

Me tongana ala ke si ala sara ngangu li, ala yeke kui ande kuâ ti yongoro zeme.” Tënë so asigigi na yanga ti KOTA GBIA laa.

Ésaïe 17:2

Agbata so ayeke na gbe ti Damas, fade ayeke ngba senge senge biani biani. Agbata ni ayeke ga ndo so ataba na angasa ayeke te pere daa si ala yeke lango daa, zo oko ti zia mbeto na be ti ala ayeke daa pepe.

Ésaïe 22:25

So tënë ti yanga ti KOTA GBIA so ayeke na ndö ti dunia kue laa: “Na lango ni so, wen so a pika si alinda na ndo so akpengba, fade a yeke zi, a yeke kungbi si ayeke ti na sese, anengo kungba so a kanga na tere ni ayeke buba.” KOTA GBIA laa atene tënë so.

Ésaïe 26:16

KOTA GBIA, na ya ti ye ti ngangu, e baa ndo na mbage ti mo. Na ndembe so mo pika e, e yeke sambela mo na gbe ti go ti e.

Ésaïe 32:17

Sarango ye ti mbirimbiri ayeke du siriri, ayeke sara si azo aduti kpoo, mbeni ye ti sioni ayeke si na ala pepe kpu na kpu.

Ésaïe 36:16

Ala ma tënë ti Ezekias pepe, me ala ma gi tënë so gbia ti Asirii ayeke tene na ala; lo tene: Ala sara songo na mbi, ala zia tere ti ala na maboko ti mbi si fade zo oko oko na popo ti ala ayeke te le ti *vinye ti lo na le ti keke ti fige ti lo si lo yeke nyon ngu ti du ti ngu ti lo.

Ésaïe 40:5

Tongaso, fade gonda ti KOTA GBIA ayeke sigigi polele si azo ti sese kue ayeke baa ni. Tënë so asigigi na yanga ti KOTA GBA laa.”

Ésaïe 54:14

Sarango ye ti mbirimbiri ayeke sara si mo luti ngangu. Zo oko ti kiri ti sara ngangu na mo ayeke daa pepe, mbeto ayeke kiri ti sara mo pepe, zo oko ti kiri ti zia mbeto na be ti mo ayeke daa pepe. Mbeni ye ti zia kota mbeto na be ti mo ayeke si nduru na mo pepe.

Ésaïe 58:14

tongaso, fade mo yeke wara ngia ti mo na lege ti mbi KOTA GBIA; mbi yeke sara titene mo tambula na ndö ti ayongoro hoto ti kodro ni. Mbi yeke sara titene mo baa nzoni na lege ti sese so a mu ando na kotara ti mo Jacob si aga ye ti lo so.” Tënë so asigigi na yanga ti KOTA GBIA laa.

Jérémie 23:4

Mbi yeke zia na li ti ala awabatango-taba so fade ayeke bata ala nzoni. Tongaso, mbeto ayeke kiri ti sara ataba ni pepe, ala yeke do nga na mbeto pepe si mbeni oko ti ala ayeke kiri ti girisa pepe; so tënë ti yanga ti KOTA GBIA laa.”

Jérémie 30:10

“Ti mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Mo hale ti Jacob, mo do na mbeto pepe! Biani, mbi yeke ga ti soo mo na ya ti akodro so ayeke na yongoro ndo; mbi yeke soo nga ahale ti mo na sese so a gbu ala si a gue na ala daa so. Israel, fade mo yeke kiri si mo yeke wara lege ti duti kpoo, mbeni sioni ye ti kiri ti sara mo ayeke daa pepe, mbeni zo ti kiri ti zia mbeto na be ti mo ayeke daa pepe.

Ezekiel 34:25

“Fade mbi yeke sara *mbuki ti siriri na ala, mbi yeke zi asioni nyama na ya ti kodro ni. Tongaso, fade ataba ti mbi alingbi ti duti na siriri na ya ti benyama si ala lango na ya ti ngonda.

Ezekiel 34:28

Amara nde ayeke kiri ti nzi aye ti ala pepe, asioni nyama ayeke kiri ti te ala pepe. Ala yeke duti na siriri, zo oko ti zia mbeto na be ti ala ayeke daa pepe.

Ezekiel 38:11

Fade mo yeke tene: ‘Kodro so gbagba ayeke na tere ni pepe so, mbi yeke gue ti tiri bira na azo ni. Kâ, azo ni aduti kpoo, ala yeke lango na siriri, ala yeke lango na ya ti agbata so gbagba ayeke na tere ni pepe, ayanga ti agbata ni ayeke daa pepe si kota kerere ti kangango na ni ayeke daa pepe.

Ezekiel 39:26

Tongaso, fade be ti ala ayeke girisa na gba ti kamene ti ala nga na asioni ye so kue ala sara ti ke mbi. Ala yeke kiri ti duti na siriri na ndö ti sese ti ala; zo oko ti sara titene tere ti ala ado na mbeto ayeke daa pepe.

Awayango-sandaga 26:6

Mbi yeke zia siriri na ya ti kodro ni. Tongana ala yeke lango, mbeni ye oko ti zia mbeto na be ti ala ayeke daa pepe. Mbi yeke hunzi asioni nyama kue na ya ti kodro ni. Azo ayeke kiri ti tiri bira na ala pepe.

Mishe 5:3

Lo yeke londo ti bata azo ti lo na ngangu ti KOTA GBIA, lo yeke bata ala na nengo ti iri ti KOTA GBIA, Nzapa ti lo. Fade azo ti mara ti lo ayeke duti na siriri. Biani, lo yeke ga kota zo na ndö ti azo kue ngbii asi na nda ti sese kue.

Sofonii 3:13

Tanga ti azo ti Israel so angba na fini ayeke kiri ti sara sioni pepe, ala yeke kiri ti tene mvene pepe, a yeke kiri ti wara tënë ti handango ndo na yanga ti ala pepe. Me fade ala lingbi ti te kobe nzoni, ala lingbi ti wu tere ti ala nzoni, zo oko ti zia mbeto na be ti ala ayeke daa pepe.”

Zakarii 3:10

Na lango ni so, fade ala yeke tisa tere na popo ti ala ti ga ti duti na siriri na gbe ti akeke ti *vinye ti ala nga na gbe ti akeke ti fige ti ala; so tënë ti yanga ti KOTA GBIA so ayeke na ndö ti dunia kue laa.”