Mishe 4:2 - Mbeti ti Nzapa - Tënë so amu fini

² Fade amara nde gbani gbani ayeke gue kâ si ala yeke tene: ‘Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.’ Biani, ndia ti KOTA GBIA alondo na *Sion, tënë ti lo alondo na Jérusalem.

Mishe 4:2 Iomraidhean Croise

Abia (Psaumes) 110:2

Fade KOTA GBIA ayeke sara titene ngangu komandema ti mo alondo na gbata ti *Sion si ague na ndo kue. Sara komandema na ndö ti awato so angoro mo!

Abia (Psaumes) 119:1

Ti ala nzoni, azo so tambula ti ala alingbi kue si sarango ye ti ala alingbi na *Ndia ti *KOTA GBIA!

Abia (Psaumes) 119:171

Ayeke nzoni yanga ti mbi atene tënë ti sepelango mo, ngbanga ti so mo yeke fa na mbi ambela ti mo!

Abia (Psaumes) 122:1

A yeke he bia so na ndembe ti guengo ni na Jérusalem. Bia ti David. Be ti mbi anzere mingi, tongana a tene na mbi: “Ga e gue na da ti *KOTA GBIA!”

Abia (Psaumes) 25:12

Tongana mbeni zo akpe mbeto ti KOTA GBIA, fade KOTA GBIA ayeke fa na lo lege so lo lingbi ti soro ni.

Ésaïe 2:3

Fade amara gbani gbani ayeke gue kâ si ala yeke tene: “Ala ga, e gue na li ti hoto ti KOTA GBIA, na kota da ti Nzapa ti Jacob. Lo yeke fa na e lege so lo ye titene e mu, e yeke tambula na alege ti lo.” Biani, ndia ti KOTA GBIA alondo na *Sion, tënë ti lo alondo na Jérusalem.

Ésaïe 54:13

Fade amolenge ti mo kue ayeke ga adisiple ti mbi, ala yeke duti na siriri ahon ndoni.

Ésaïe 56:7

fade mbi yeke sara si ala ga na ndö ti hoto ti mbi so ayeke nde si ayeke nzoni kue. Mbi yeke sara si be ti ala asi singo na ngia na ya ti da so a yeke sambela mbi daa. Asandaga so a yeke gbi ni kue na wâ nga na asandaga nde nde so ala yeke ya na mbi na ndö ti gbalaka, mbi yeke yamba ni. Biani, fade azo ayeke iri da ti mbi, ‘Da ti sambela ti amara kue.’ ”

Jérémie 31:6

Biani, mbeni lango ayeke ga so asanziri ayeke dekongo na li ti ahoto ti Efraim, atene: Ala londo! E gue na *Sion, e gue na mbage ti KOTA GBIA Nzapa ti e!’ ”

Jérémie 42:3

Ayeke nzoni KOTA GBIA, Nzapa ti mo afa na e lege so e lingbi ti mu nga na ye so e lingbi ti sara.”

Osée 6:3

Tongaso, e sara ngangu ti hinga KOTA GBIA. Nyen na nyen kue, lo yeke ga tongana lâ so ayeke sigigi ka na ndaperere; fade lo yeke ga na mbage ti e tongana ngu-Nzapa, tongana tanga ti ngu-Nzapa so ayeke tuku na ndö ti sese.”

Zakarii 14:16

Ti londo na lango ni so, amara so atiri lani bira na azo ti Jérusalem si azo ni angba na fini so, na ya ti ngu oko oko, ala yeke gue na ya ti gbata ni ti voro KOTA GBIA so ayeke na ndö ti dunia kue si ala yeke sara matanga ti Akpangba.

Zakarii 2:11

He, ala azo ti *Sion, ala londo, ala kpe, ala so aduti kâ na Babilone so!”

Zakarii 9:10

Fade lo yeke zi apusu ti mbarata ti bira na Efraim, lo yeke zi ambarata na Jérusalem; lo yeke fâ ya ti akokora ti bira si lo yeke zia siriri na popo ti amara. Komandema ti lo ayeke londo na mbeni kota ngu-ingo ngbii asi na mbeni kota ngu-ingo, ti londo na *bale ti Efrate ngbii asi na nda ti sese kue.

Marc 16:20

Adisiple ague ti fa Nzoni Tënë na ndo kue. Kota Gbia ayeke sara aye ti kpene na lege ti ala ti fa na azo so tënë ti Nzapa ayeke taa-tënë.]

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Jean 6:45

Awayanga-Nzapa asu na mbeti, atene: ‘Fade Nzapa ayeke fa ye na azo kue.’ Zo so ama tënë ti Babâ si lo yeda ti manda ye so Babâ afa na lo, zo tongaso laa ayeke ga na mbi;

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 13:42

So Paul na Barnabas ayeke sigigi na ya ti da ti sambelango Nzapa, azo ni ahunda ala mingi ti kiri na lango ti wungo tere ti peko ti fa na ala tënë na ndö ti ye so.

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

Ndia ti fani use ni 6:1

Moïse atene: So ayeke atënë ti yanga, aye so ndia afa nga na atënë ti ndia so *KOTA GBIA Nzapa ti ala amu yanga na mbi ti fa ni na ala, tongaso si ala lingbi ti sara ye alingbi na ni na ya ti kodro so ala yeke gue ti mu ni titene aga ti ala.