Mishe 4:12 - Mbeti ti Nzapa - Tënë so amu fini

¹² Tënë so ayeke na be ti KOTA GBIA, azo ni ahinga ni oko pepe; ye so lo leke na be ti lo ti sarango ni, ala hinga ni oko pepe: lo ye ti bongbi ala tongana ti so a yeke bongbi ale ti kobe na le ti lakere titene a pika ni so.

Mishe 4:12 Iomraidhean Croise

Abia (Psaumes) 147:19

Lo fa tënë ti lo na Jacob, lo fa ambela ti lo nga na atënë ti ndia ti lo na Israel.

Abia (Psaumes) 147:20

Aye ni so, lo sara ni na ambeni mara pepe, amara ni ahinga atënë ti ndia ti lo pepe. Aleluya!

Ésaïe 10:7

Me gbungo-li ti gbia ti Asirii ayeke tongaso pepe, tënë ti be ti lo ayeke nde. Lo leke na be ti lo ti fâ azo kue, ti hunzi amara mingi mingi.

Ésaïe 21:10

Ala azo ti mbi so a pika ala tongana *ble na ndö ti lakere so, tënë so mbi ma na yanga ti KOTA GBIA so ayeke na ndö ti dunia kue, Nzapa ti Israel, tënë ni laa mbi yeke fa na ala so.

Ésaïe 29:7

Gba ti azo so ayeke tiri bira lani na mo Ariel, fade ala kue ayeke hon tongana bango-li. Azo so kue ayeke sara gbagba na tere ti mo ti tiri bira na mo, azo so ayeke pete mo mbage na mbage, fade ala kue ayeke hon tongana ti so zo ayeke baa ye na ya ti mbeni ye tongana bango-li.

Ésaïe 55:8

“Biani, tënë ti be ti mbi alingbi na tënë ti be ti ala pepe, lege ti sarango ye ti mbi alingbi na lege ti sarango ye ti ala pepe; so tënë ti yanga ti KOTA GBIA laa.

Jérémie 29:11

Biani, mbi KOTA GBIA, mbi hinga apialo so mbi leke ndali ti ala, apialo titene ala baa sioni daa pepe, me apialo titene ala baa nzoni daa; so tënë ti yanga ti KOTA GBIA laa. Mbi ye ti mu na ala ye so ala lingbi ti zia be ti ala ti ku ni ndali ti gigi ti ala ti gbanda.

Jérémie 51:20

“Babilone, lani mo yeke martoo, mo yeke ye ti bira ti mbi. Mbi mu mo ti nika amara nde nga ti buba akodro-gbia.

Jérémie 51:33

Tënë so KOTA GBIA so ayeke na ndö ti dunia kue, Nzapa ti Israel atene ayeke so: “So mawa na lo, maseka-wali Babilone! Lo ga tongana lakere so azo ayeke leke ni titene a pika ale ti kobe daa. Angba gi kete titene ngoi ti kongo ale ti kobe ndali ti lo ayeke lingbi.”

Joël 3:2

Na ya ti alango ni so, ataa azo ti kua ti koli na ti wali, mbi yeke sara titene Yingo ti mbi aga na ndö ti ala.

Nzoni Tënë so Luc asu na mbeti 3:17

Lo gbu ye ti pengo na ale ti kobe na maboko ti lo, lo yeke leke ndo ti pikango ale ti kobe ti lo daa. Na pekoni, lo yeke zia ni na ya ti gogoro, me fade lo yeke bongbi aporo ni ti gbi ni na ya ti wâ so ayeke mingo laoko pepe.”