Mishe 4:11 - Mbeti ti Nzapa - Tënë so amu fini

¹¹ Fadeso, amara gbani gbani abongbi ti tiri bira na mo, ala tene: “Ayeke nzoni Jérusalem aga buba si e baa na le ti e buba ti lo ni.”

Mishe 4:11 Iomraidhean Croise

Abia (Psaumes) 129:5

Azo so kue ake *Sion so, ayeke nzoni kamene agbu le ti ala si ala kiri na peko.

Abia (Psaumes) 83:5

Azo ni atene: “Ala ga, e hunzi mara ti ala si azo akiri adi iri ti Israel pepe.”

Ésaïe 10:7

Me gbungo-li ti gbia ti Asirii ayeke tongaso pepe, tënë ti be ti lo ayeke nde. Lo leke na be ti lo ti fâ azo kue, ti hunzi amara mingi mingi.

Ésaïe 17:12

So mawa ti nyen! Gba ti amara ayeke sara wusuwusu, wusuwusu ni ayeke tongana toto ti kota ngu-ingo. Amara nde ayeke sara wusuwusu, wusuwusu ni ayeke tongana toto ti ngu so ayeke sua ngangu.

Ésaïe 29:7

Gba ti azo so ayeke tiri bira lani na mo Ariel, fade ala kue ayeke hon tongana bango-li. Azo so kue ayeke sara gbagba na tere ti mo ti tiri bira na mo, azo so ayeke pete mo mbage na mbage, fade ala kue ayeke hon tongana ti so zo ayeke baa ye na ya ti mbeni ye tongana bango-li.

Jérémie 52:4

Na nze baleoko ni ti ngu gumbaya ni so Sedesias ayeke le-gbia, Nabukodonosor, gbia ti Babilone, lo na aturugu ti lo kue aga ti sara bira na Jérusalem. Lo sara bâbâ ti lo na tere ti gbata ni; azo ti lo abongbi sese aga *koto na tere ti gbagba ti gbata ni, angoro ni kue.

Ezekiel 26:3

Ndali ti tënë so, tënë so mbi Kota Gbia NZAPA, mbi tene ayeke so: Mo Tir, mbi yeke ga na tere ti mo! Mbi yeke pusu gba ti amara nde ti tiri bira na mo; ala yeke tuku na ndö ti mo tongana ti so kota ngu-ingo ayeke sara si *amapo alondo.

Ezekiel 38:17

“Tënë so mbi Kota Gbia NZAPA, mbi tene ayeke so: Mbi tene tënë ti mo ando na lege ti azo ti kua ti mbi, awayanga-Nzapa ti Israel. Na ya ti angu mingi, ala tene peko ti tënë ti yanga ti mbi atene, mo laa mbi yeke tokua mo ti gue ti tiri bira na azo ti mbi.

Abdias 1:12

Na lango so aye ti ngangu asi na a-ita ti mo, azo ti Juda, mo Edom, tere ti mo alingbi fade ti nzere pepe. Na lango so a yeke buba kodro ti Juda, mo lingbi fade ti duti na ngia pepe. Na lango so ye ti mawa asi na ala, mo lingbi fade ti zonga ala pepe.

Mishe 7:10

Fade wato ti mbi ayeke baa ye ni na le ti lo si kamene ayeke gbu le ti lo; wato ti mbi so ayeke hunda lani mbi, atene: “KOTA GBIA, Nzapa ti mo ni ayeke na ndo wa?” Fade mbi yeke baa lo na le na ndembe so a yeke do lo na gere, tongana ti so a yeke do potopoto na lege.

Zakarii 12:3

Biani, na lango ni so, fade mbi yeke sara titene Jérusalem aga tongana mbeni ngbongboro têne ndali ti amara kue; têne so zo alingbi ti yo ni na nduzu pepe. Zo so kue aye ti yo ni, lo yeke wara ka. Tongaso, amara ti sese kue ayeke bongbi oko ti tiri na lo.