Mishe 4:10 - Mbeti ti Nzapa - Tënë so amu fini

¹⁰ Ala azo ti Jérusalem, ala gbu ya ti ala, ala toto tongana wali so aye ti du, ngbanga ti so ala yeke sigigi fadeso na ya ti gbata ni ti gue ti duti na ya ti ngonda. Ala yeke gue na kodro ti Babilone; kâ, *KOTA GBIA ayeke zi ala, lo yeke gboto ala na maboko ti awato ti ala.

Mishe 4:10 Iomraidhean Croise

2 Agbia 20:18

Na popo ti amolenge ti mo, ala so mo wani, mo du ala, fade a yeke mu ambeni ti gue na ala titene ala ga *ambaiwa na yangbo ti gbia ti Babilone.’ ”

2 Agbia 25:4

Tongaso azo akoro mbeni du na ya ti gbagba ti gbata ni. Na bi, aturugu ni kue akpe ahon. Ataa so azo ti Babilone angoro gbata ni kue, aturugu ni ahon na yanga ti gbagba so ayeke na popo ti agbagba use, nduru na tere ti kete yaka ti gbia. Na pekoni, ala mu lege so ague na popo-hoto ti Jourdain.

2 Mbai 33:11

Tongaso KOTA GBIA asara si amakonzi ti aturugu ti gbia ti Asirii aga na tere ti ala. Aturugu ni agbu Manase, ala yoro *kongi na ngbangba ti lo, ala kanga lo na zingiri ti bengba wen si ala gue na lo na Babilone.

2 Mbai 36:20

Azo so akpe si angba na fini, gbia agbu ala ague na ala na Babilone titene ala ga angbaa ti lo na ti amolenge ti lo; ala ngba na gbe ti ngbaa ni ngbii asi na lango so azo ti Perse amu kodro ni.

2 Mbai 36:23

“Tënë so mbi Sirus, gbia ti Perse, mbi tene ayeke so: KOTA GBIA, Nzapa ti yayu azia na gbe ti mbi akodro-gbia kue ti sese. Lo mu yanga na mbi ti leke na lo da na Jérusalem, na sese ti Juda. Azo so kue na popo ti ala ayeke azo ti lo, ayeke nzoni ala gue kâ. Ayeke nzoni KOTA GBIA, Nzapa ti ala aduti na ala!”

Abia (Psaumes) 106:10

Lo soo ala na maboko ti azo so ake ala, lo zi ala na maboko ti awato.

Ésaïe 43:14

*KOTA GBIA so azi ala na gbe ti ngbaa, Nzapa ti Israel, lo so lo yeke nde si lo yeke nzoni kue, baa, tënë so lo tene ayeke so: “Ndali ti ala, mbi tokua mbeni zo ti tiri bira na Babilone. Fade mbi yeke kinda ala si ala kue aga tongana azo so ayeke kpe. Tongaso, fade dekongo ti ngia ti azo ti Babilone ayeke ga bia ti demango tere.

Ésaïe 45:13

Mbi laa mbi soro koli so na lege ti mbirimbiri. Alege so kue lo yeke hon daa, mbi yeke sara si aga kpangbara. Lo laa lo yeke kiri ti leke Jérusalem, gbata ti mbi. Azo ti mbi so a gbu ala, a gue na ala na kodro wande, lo laa lo yeke zia lege na ala ti kiri. Ala yeke mu na lo mbeni ye oko pepe, wala ala yeke futa nga lo pepe. Tënë so KOTA GBIA so ayeke na ndö ti dunia kue atene laa.”

Ésaïe 48:20

Ala londo na Babilone asigigi! Ala londo hio na popo ti azo ni, ala kpe! Ala dekongo na ngia, ala fa tënë so, ala to mbela na ni ngbii asi na nda ti sese kue, ala tene: “*KOTA GBIA azi Jacob, zo ti kua ti lo awe.”

Jérémie 13:4

“Mo mu kamba ti ndö ti bongo so mo vo si mo kanga na ngbonda ti mo so, mo gue na ngu ti Fara. Kâ, fade mo yeke honde ni na ya ti du ti têne.”

Jérémie 15:21

Fade mbi yeke gboto mo na maboko ti azo ti sioni; mbi yeke zi mo na maboko ti azo so ayeke sara ngangu na zo.”

Jérémie 29:20

“Ala, azo so a gbu ala si a gue na ala na kodro wande, ala so KOTA GBIA amu ala na Jérusalem si atokua ala na Babilone so, ala ma tënë ti KOTA GBIA si!

Jérémie 4:31

Mbi ma mbeni go; go ni akpa ti wali so ya ti lo ayeke so ti du si lo yeke dema tere ti lo. Go ni akpa ti wali so ayeke du kozo molenge ti lo; go ni so ayeke go ti *Sion, pendere gbata: lo wu pupu gbaa si lo yeke dema; lo yoro maboko ti lo na nduzu si lo tene: “Ti mbi awe! Azo ti fango zo afâ mbi awe!”

Jérémie 48:41

A mu agbata na bira awe, ando so ngangu gbagba ayeke na tere ni, a mu ni awe. Tongaso, be ti angangu turugu ti Moab afun kue tongana ti wali na ndembe ti dungo ni.

Jérémie 52:27

Gbia ti Babilone afâ ngbanga ti kuâ na li ti ala si lo fâ ala na Ribla, na sese ti Hamat. Lege so a gbu azo ti Juda a gue na ala na kodro wande, yongoro na sese ti ala laa.

Osée 13:13

Fade songo ya ti wali so aga nduru ti du ayeke kiri na ndö ti ala; me molenge ni ahinga ndo pepe: so ndembe ti dungo lo alingbi awe, lo ke ti sigigi na ya ti mama ti lo.

Osée 2:14

Mbi yeke buba akeke ti vinye ti lo nga na akeke ti fige ti lo so lo yeke tene tënë ni lani, lo tene: ‘So futa ti mbi so andeko ti mbi amu na mbi laa.’ Mbi yeke sara si ayaka ni aga gbako si aga kobe ti anyama ti ngonda.

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Mishe 5:3

Lo yeke londo ti bata azo ti lo na ngangu ti KOTA GBIA, lo yeke bata ala na nengo ti iri ti KOTA GBIA, Nzapa ti lo. Fade azo ti mara ti lo ayeke duti na siriri. Biani, lo yeke ga kota zo na ndö ti azo kue ngbii asi na nda ti sese kue.

Aye so Nzapa afa 12:14

Me a mu *akpangi use ti kota *ngoalo na wali ni titene lo huru na ni, lo gue na benyama. Lo gue na ndo so a leke ndali ti lo titene lo duti yongoro na tere ti sioni nyama ni. Kâ, a yeke mu kobe na wali ni na ya ti ngu ota na ndambo.