Mishe 3:5 - Mbeti ti Nzapa - Tënë so amu fini

⁵ Tënë so *KOTA GBIA atene na ndö ti awayanga-Nzapa so ayeke handa azo ti mbi ayeke so: “Tongana ala wara ye ti tengo ni, ala yeke fa tënë ti siriri; me tongana mbeni zo amu na ala ye ti tengo ni pepe, ala yeke londo na bira na tere ti zo ni.

Mishe 3:5 Iomraidhean Croise

Amato 28:21

Mungo mbage ti mbeni zo oko ayeke nzoni pepe. Gi ndali ti kete nduru mapa, ambeni zo ayeke sara mara ti siokpari so.

Ésaïe 3:12

KOTA GBIA atene: “Azo ti mbi, azo so ayeke sara ngangu na ala ayeke gi amolenge, awali laa ayeke sara komandema na ndö ti ala. Azo ti mbi, azo so ayeke fa lege na ala asara si ala girisa lege, ala yeke fa na ala sioni lege.”

Jérémie 23:27

Ala baa ti ala atene, na lege ti abango-li ti ala so ala yeke tene peko ni na amba ti ala so laa, ala lingbi ti sara si iri ti mbi akai na yanga ti azo ti mbi? Ala ye ti sara legeoko tongana akotara ti ala so agirisa ando iri ti mbi ndali ti *Baal so?

Jérémie 23:32

Awayanga-Nzapa so ayeke tene peko ti bango-li ti mvene so, mbi na ala, e yeke baa ya ni; so tënë ti yanga ti KOTA GBIA laa. Na tenengo peko ti bango-li ni, ala yeke handa azo ti mbi ti gue kirikiri na lege ti atënë ti mvene ti ala nga na lege ti baba ti ala. Mbi, mbi tokua ala pepe, mbi mu yanga na ala pepe; ala yeke sara nzoni na azo ti mbi oko pepe; so tënë ti yanga ti KOTA GBIA laa.”

Jérémie 6:14

Ye ti ngangu asi na azo ti mbi tongana kota ka; me ala kanga ka ni na legeni pepe si ala yeke tene: ‘Ye kue ayeke nzoni! Ye kue ayeke nzoni!’ Andaa ye ayeke nzoni oko pepe.

Jérémie 6:4

Ala dekongo, atene: “E leke tere ti e ti tiri bira na azo ti gbata ni. Ala londo ma! E gue, e gbu ala taa na bekombite. So mawa na e! Lâ aga nduru ti kui awe, agbe ti de ayeke yo.

Abia ti demango tere 2:14

Awayanga-Nzapa ti ala awara ambeni tënë ndali ti ala na ya ti mbeni ye tongana bango-li; me atënë ni gi mvene, gi abuba tënë. Awayanga-Nzapa ni afa asioni ti ala, azo ti gbata ti Sion na gigi pepe; ye so alingbi fade ti zi ala na ya ti ngbaa. Biani, atënë ti awayanga-Nzapa ni gi mvene na asenge senge tënë.

Ezekiel 13:9

“Mbi yeke fa ngangu ti mbi na awayanga-nzapa so ayeke baa ye na ya ti mbeni ye tongana bango-li si ayeke mvene si bango nda ti aye ti ala ayeke ti handa na azo. Fade ala yeke duti na ya ti bongbi ti azo ti mbi pepe; a yeke su iri ti ala pepe na ya ti mbeti so a su iri ti azo ti Israel na ya ni, gere ti ala ayeke kiri ti do sese ti Israel pepe. Tongaso, fade ala yeke hinga atene, mbi laa mbi yeke Kota Gbia NZAPA.

Osée 4:5

Na kota lâ, fade mo yeke pika gere ti mo ti ti, na bi, mo na wayanga-Nzapa ayeke pika gere ti ala ti ti; mbi yeke sara si mama ti mo akui.

Mishe 2:11

Tongana mbeni zo ti handango ndo aga si lo yeke diko gba ti atënë ti mvene, atene: “Fade ala yeke wara gba ti vin na ngangu samba ti nyon!” Mara ti zo tongaso laa ayeke ga wayanga-Nzapa ti azo ni si zo ni ayeke diko abuba tënë, lo tene:

Mishe 3:11

Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Malashii 2:8

Me ala awayango-sandaga, ala zia lege so mbi fa na ala so awe. Na lege ti fango ye ti ala, ala sara si azo mingi amu sioni lege. Ala buba lege ti mbuki so ayeke na popo ti mbi na azo ti mara ti Lévi; tënë so KOTA GBIA so ayeke na ndö ti dunia kue atene laa.

Matthieu 15:14

Ala zia afarizien ni: ala yeke awaziba, ala ye ti fa lege na amba ti ala awaziba! Tongana waziba afa lege na mbeni mba ti lo waziba, fade ala use kue ayeke ti na ya ti du!”

Matthieu 7:15

“Ala sara hange na awayanga-Nzapa ti mvene! Awayanga-Nzapa ni ayeke yu poro ti tere ti taba si ayeke ga na popo ti ala. Andaa ala yeke taa asioni mbo ti ngonda.

Rome 16:18

ngbanga ti so azo ni ayeke sara kua ti Christ, *Kota Gbia ti e pepe, me ala yeke gi gi kobe ti ya ti ala. Anzoni tënë na anzerengo tënë ayeke sigigi na yanga ti ala ti handa na azo so le ti ala azi pepe.