Mishe 3:4 - Mbeti ti Nzapa - Tënë so amu fini

⁴ Ndani laa, na ngoi so ala yeke dekongo ti iri *KOTA GBIA, lo yeke kiri tënë na ala pepe. Fade lo yeke honde le ti lo na ala ndali ti asioni ye so ala sara.

Mishe 3:4 Iomraidhean Croise

Mbeti ti Job 27:9

Tongana ye ti ngangu asi na lo, fade Nzapa ayeke ma dekongo ti lo?

Mbeti ti Job 35:13

Asenge senge tënë laa, Nzapa ayeke ma pepe; lo so ngangu ti lo ahon angangu kue, lo yeke dingi mê ti lo ti ma ni pepe.

Abia (Psaumes) 18:41

Mo sara si awato ti mbi akpe na dawa ti mbi, mbi yeke fâ azo ti kengo mbi, mbi hunzi ala kue.

Amato 1:28

Na lango ni so, fade ala yeke iri mbi titene mbi mu maboko na ala, me mbi yeke kiri tënë na ala pepe; ala yeke gi mbi, me ala yeke wara mbi pepe.

Amato 28:9

Zo so akanga mê ti lo ti ma atënë ti Ndia, ataa sambela ti lo, be ti KOTA GBIA ayeke ke ni.

Ésaïe 1:15

Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

Ésaïe 3:11

Me ti zo ti sioni, so mawa na lo! Fade ye ti lo kue ayeke ga sioni, a yeke sara na lo alingbi na asarango ye ti lo.

Jérémie 11:11

“Ndani laa, tënë so KOTA GBIA atene ayeke so: ‘Fade mbi yeke sara si mbeni kota kpale aga na ndö ti ala; kota kpale so ala lingbi ti sigigi na ya ni pepe. Ala yeke dekongo ti iri mbi, me mbi yeke ma ala pepe.

Jérémie 14:12

Ataa ala ke kobe, fade mbi yeke ma dema ti ala pepe. Ataa ala ya na mbi asandaga so a yeke gbi ni kue na wâ nga na asandaga ti ale ti kobe, ayeke nzere na be ti mbi pepe. Me mbi yeke hunzi ala na lege ti bira, na lege ti nzara nga na lege ti sioni kobela ti bubango kodro.”

Jérémie 33:5

Ambeni zo ayeke baa pasi senge ti gue ti tiri bira na azo ti Babilone; ala yeke sara gi titene ya ti ada so ayeke si singo na kuâ ti azo so mbi yeke fâ ala na lege ti ngonzo ti mbi nga na ngonzo ti mbi ti wâ. Mbi yeke honde le ti mbi na azo ti gbata so ndali ti sioni so kue ala sara.

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Ezekiel 8:18

Mbi nga, fade mbi yeke sara ye na ala na lege ti ngonzo ti mbi ti wâ. Mbi yeke baa mawa ti ala pepe, mbi yeke zia zo oko pepe. Ataa ala dekongo na mbi na kota go, mbi yeke ma ala pepe.”

Mishe 3:7

Fade kamene ayeke sara azo ti bango nda ti aye, li ti azo so ayeke gi nda ti aye ayeke ga kirikiri; ala kue ayeke honde le ti ala, ngbanga ti so Nzapa ayeke kiri tënë na ala pepe.

Mishe 7:13

Fade tanga ti sese ayeke ga tongana benyama ndali ti sioni sarango ye ti azo so alango kâ.

Zakarii 7:13

Nilaa KOTA GBIA so ayeke na ndö ti dunia kue, atene: “So lani mbi iri ala si ala ke ti ma so, mbi nga, ala iri mbi si mbi ke ti ma ala.

Matthieu 7:22

Na lango ti fango ngbanga, fade azo mingi ayeke tene na mbi: ‘Kota Gbia, Kota Gbia, e tene peko ti tënë ti yanga ti mo, e tumba asioni yingo si e sara aye ti kpene mingi na iri ti mo pepe?’

Nzoni Tënë so Luc asu na mbeti 13:25

“Fade wa ti da ni ayeke londo si lo yeke kanga yanga ti da ni. Tongaso ala so ayeke ngba ande na gigi, ala yeke to nda ti pika yanga ti da ni si ala tene: ‘Kota Gbia, zi na e yanga ti da ni!’ Fade lo yeke tene na ala: ‘Mbi hinga ndo so ala londo daa pepe!’

Jean 9:31

E hinga so, Nzapa ayeke ma azo ti siokpari pepe, me lo yeke ma gi azo so ama yanga ti lo si ala yeke sara ye so be ti lo aye.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

1 Samuel 8:18

Na lango ni so, ala yeke dekongo ndali ti gbia so ala wani asoro lo. Me KOTA GBIA ayeke kiri tënë na ala oko pepe.”