Mishe 3:3 - Mbeti ti Nzapa - Tënë so amu fini

³ Azo ni ayeke te kasa ti tere ti azo ti mbi, ala yeke zi poro ti tere ti azo ti mbi, ala yeke kungbi abio ti azo ti mbi si ala yeke fâ ya ti kasa ti azo ti mbi tongana ti so a yeke fâ ya ti kasa ti nyama ti to ni na ya ti ta, tongana kasa ti nyama na ya ti kota tawa.

Mishe 3:3 Iomraidhean Croise

Abia (Psaumes) 14:4

KOTA GBIA atene: “Azo so kue ayeke sara sioni so, ala hinga ye oko pepe? Ala yeke te azo ti mbi na mbana tongana ti so ala yeke te kobe ti ala, ala ke ti hunda ye na mbi.”

Abia (Psaumes) 27:2

Tongana azo ti sioni aga ti tiri na mbi, ti doroko mbi tongana nyama ti ala, ala so ayeke awato ti mbi, ala so ake mbi, fade ala wani ayeke woko si ala ti na sese.

Amato 30:14

“Ambeni zo ayeke daa so pembe ti ala ayeke tongana yongoro zeme si abio ti ngbangba ti ala ayeke tongana zeme. Azo ni ayeke te azo ti mawa ti kodro ni si ala ye ti zi awayere na popo ti azo.”

Ésaïe 3:14

KOTA GBIA ague na *akangba na amakonzi ti azo ti lo na ngbanga, lo tene: “Ala laa abuba yaka ti vinye; aye so ala nzi na maboko ti azo ti mawa, ala zia ni na ya ti ada ti ala.

Ésaïe 3:15

Ala yeke nika azo ti mbi ngbanga ti nyen? Ala yeke sara ngangu na awayere ngbanga ti nyen? So tënë ti yanga ti Kota Gbia NZAPA so ayeke na ndö ti dunia kue laa!”

Ezekiel 11:3

Ala yeke tene: ‘E yeke nduru ti sara ada ge fafadeso pepe. Gbata ni ayeke tongana tawa; ti e, e yeke kasa so ayeke na ya ni.’

Ezekiel 24:4

Mo zia na ya ni akasa, anzoni kasa: gere ni na maboko ni. Mo zia anzoni bio daa, asi.

Amos 8:4

Ala ma tënë so nzoni si, ala so ayeke te aye ti azo ti mawa na mbana so. Ataa asenge zo ti kodro ni, ala ye titene ala ngba na ya ti kodro ni pepe.

Mishe 2:8

Me KOTA GBIA atene na ala: “Biri, ala sara ye tongana awato ti azo ti mbi. Azo so alondo na bira si ayeke kiri na siriri, ala mu kota bongo so azo ni ayu na ndö ti abongo ti ala.

Sofonii 3:3

Amakonzi ti lo ayeke tongana abamara so ayeke toto; awafango-ngbanga ti lo ayeke tongana ambo ti ngonda so ate kobe ti ala ti lakui kue si na ndaperere, ala yeke na ye oko ti tengo ni pepe.