Mishe 3:2 - Mbeti ti Nzapa - Tënë so amu fini

² Me be ti ala ake ti sara ye ti nzoni, ala ye gi ti sara ye ti sioni. Ala yeke zi poro ti tere ti azo nga na kasa ti tere ti azo ni kue na ndö ti abio ni.”

Mishe 3:2 Iomraidhean Croise

1 Agbia 21:20

Élie ague, atene peko ti tënë ni na Akab si Akab atene na Élie: “Ae, wato ti mbi, mo kiri mo wara mbi awe!” Élie akiri tënë: “Taa-tënë, mbi kiri mbi wara mo, ngbanga ti so mo ka tere ti mo ti sara ye so ayeke sioni na le ti KOTA GBIA.

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

Abia (Psaumes) 15:4

Zo so Nzapa ake tënë ti lo, na le ti lo, lo baa zo ni tongana mbumbuse zo, me lo yeke ne zo so ayeke kpe mbeto ti KOTA GBIA. Tongana lo mu zendo ti sara mbeni ye, ataa so zendo ni ayeke ga na kpale na tere ti lo, lo yeke sara ni.

Abia (Psaumes) 53:4

Ala kue azia nzoni lege awe; ala kue aga sioni legeoko; zo oko ti sara nzoni ayeke daa pepe, ataa oko ayeke daa pepe.

Amato 28:4

Azo so azia lege ti *Ndia, ala yeke gonda azo ti sioni; me azo so abata lege ti Ndia, ala yeke kanga lege na azo ti sioni ni.

Ésaïe 3:15

Ala yeke nika azo ti mbi ngbanga ti nyen? Ala yeke sara ngangu na awayere ngbanga ti nyen? So tënë ti yanga ti Kota Gbia NZAPA so ayeke na ndö ti dunia kue laa!”

Ésaïe 5:20

Mawa na ala, azo so abaa ye ti sioni si ala tene ye ti nzoni laa! Ala baa ye ti nzoni si ala tene ye ti sioni laa. Ala mu vukongo ndo tongana vurungo ndo, ala mu vurungo ndo tongana vukongo ndo. Ala mu ye so asee sengo, tongana ye so anzere, ala mu ye so anzere nzerengo tongana ye so asee.

Ésaïe 57:12

Me mbi yeke sigigi na nda ti mo polele. Aye so mo yeke sara si mo baa mo tene, ayeke nzoni so, mo yeke wara ye ti peko ni oko pepe.

Ezekiel 11:7

Ndani laa, tënë so mbi Kota Gbia NZAPA, mbi tene ayeke so: gbata ni ayeke tongana tawa ni, kasa ni ayeke azo so ala fâ ala. Me ti ala, fade mbi yeke tumba ala na ya ti gbata ni.

Ezekiel 22:27

Amakonzi ti ala ayeke tongana ambo ti ngonda so ayeke suru ya ti nyama so ala gbu; ala yeke tuku mene ti azo, ala yeke fâ azo titene ala nzi aye ti ala.

Ezekiel 24:4

Mo zia na ya ni akasa, anzoni kasa: gere ni na maboko ni. Mo zia anzoni bio daa, asi.

Ezekiel 34:3

Ti ala, ala yeke te mafuta ti ataba ni, ala yeke yu bongo so a sara na kua ti tere ti ataba ni, ala yeke fâ ataba so akono nzoni; me ala yeke gi kobe ndali ti ataba ni pepe.

Amos 4:1

Ala awali ti gbata ti Samarii, ala so akono tongana amama ti bagara ti Bashan so, ala ma tënë so: ala yeke te ye ti azo ti mawa na mbana, ala yeke sara pasi na awayere. Na pekoni, ala yeke tene na akoli ti ala: “Ala ga na samba, e nyon-oo!”

Amos 5:15

Ala ke ye ti sioni, ala ye ye ti nzoni. Na le ti ngbanga, ala kiri afâ ngbanga na lege ti ndia; e hinga pepe, fade KOTA GBIA, Nzapa so ayeke na ndö ti dunia kue ayeke baa mawa ti tanga ti azo ti sewa ti Joseph.

Mishe 2:8

Me KOTA GBIA atene na ala: “Biri, ala sara ye tongana awato ti azo ti mbi. Azo so alondo na bira si ayeke kiri na siriri, ala mu kota bongo so azo ni ayu na ndö ti abongo ti ala.

Mishe 7:2

Azo so abata be ti ala na Nzapa ayeke na ya ti kodro ni mbeni pepe. Mbeni zo ti mbirimbiri oko ayeke na popo ti azo ti kodro ni pepe. Azo kue ayeke gi gi lege ti fâ amba ti ala; zo oko oko ayeke gi lege titene mba ti lo ati na ya ti gbanda.

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

Sofonii 3:3

Amakonzi ti lo ayeke tongana abamara so ayeke toto; awafango-ngbanga ti lo ayeke tongana ambo ti ngonda so ate kobe ti ala ti lakui kue si na ndaperere, ala yeke na ye oko ti tengo ni pepe.

Nzoni Tënë so Luc asu na mbeti 19:14

Me amba ti lo azo ti kodro ni aye tënë ti lo pepe. Nilaa ala tokua ambeni zo na peko ti lo titene ala gue, atene: ‘E ye si koli so ale-gbia na ndö ti e pepe.’

Jean 18:40

Azo ni ato nda ti dekongo, atene: “Ên-en, lo pepe! Me Barabas!” Andaa Barabas ayeke mbeni sioni zo.

Jean 7:7

Azo ti dunia alingbi ti ke ala pepe; me azo ni ake mbi, ngbanga ti so mbi tene tënë na ndö ti ala, mbi tene: aye so ala ayeke sara ayeke sioni.

Rome 1:32

Ala hinga tënë ti fango ngbanga ti Nzapa nzoni: azo so asara aye tongaso, ala lingbi na kuâ. Ataa so kue, ala ngba ti sara aye ti sioni so si na ndö ni kue, ala yeke yeda na azo so ayeke sara ni.

Rome 12:9

Ala ye azo na be use pepe. Ala ke ye ti sioni na be ti ala oko, me ala mu tere ti ala kue na ye so ayeke nzoni.

2 Timothée 3:3

Ala yeke na be ti zo pepe, ala yeke sara mawa ti amba ti ala pepe, ala yeke tene sioni tënë na iri ti amba ti ala, ala yeke kanga nzara ti tere ti ala pepe, ala yeke sara pasi na amba ti ala, ala ye ti sara nzoni ye pepe.