Mishe 3:12 - Mbeti ti Nzapa - Tënë so amu fini

¹² Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Mishe 3:12 Iomraidhean Croise

Abia (Psaumes) 107:34

sese so kobe ale daa nzoni aga sese ti ingo ndali ti sioni ti azo ti kodro ni.

Abia (Psaumes) 79:1

Bia ti Asaf. O Nzapa, amara nde amu sese ti mo awe, ala sara si kota da ti mo aga *sioni, kota da ti mo so ayeke nde si ayeke nzoni kue so, ala buba gbata ti Jérusalem kue awe.

Ésaïe 32:14

Yangbo ti gbia, azo ado azia awe, gbata so wuluwulu ayeke daa lani, azo akpe ni kue awe. Vaka ti Ofel na da so ayo na nduzu ayeke ga du ti hondengo tere kpu na kpu, ndo so alele ti ngonda ayeke sara ngia daa nga na ndo so anyama ayeke te pere daa.

Jérémie 17:3

Mo, mara ti Juda, mo so mo yeke voro anzapa nde na ndö ti ahoto nga na yaka so, fade mbi yeke zia azo titene ala ga agbu anzoni ye ti mo na amosoro ti mo kue; ala yeke gbu aye na ando so mo leke na nduzu. Mbi yeke sara ye ni ndali ti asioni ye so mo sara na sese ti mo kue.

Jérémie 22:5

Me tongana ala, azo ti Juda, ala ma tënë so pepe – mbi KOTA GBIA, mbi deba na iri ti mbi wani – fade yangbo so ayeke ga ndo ti gba ti atêne; so tënë ti yanga ti KOTA GBIA laa.”

Jérémie 22:6

“Tënë so KOTA GBIA atene ndali ti yangbo ti gbia ti Juda ayeke so: Ataa na le ti mbi, mo pendere tongana gbako ti sese ti Galaad, wala tongana li ti hoto ti Liban, biani, fade mbi yeke sara si mo ga tongana benyama, wala mbeni gbata so azo alango daa pepe.

Jérémie 26:18

“Na ngoi so Ezekias ayeke gbia ti Juda, Mishe ti gbata ti Moreshet ayeke daa; lo yeke mbeni wayanga-Nzapa. Mishe atene na azo ti Juda kue, lo tene: Tënë so KOTA GBIA so ayeke na ndö ti dunia kue atene ayeke so: ‘Fade *Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.’

Jérémie 35:17

Jérémie akiri atene: “Ndani laa, tënë so KOTA GBIA so ayeke na ndö ti dunia kue, Nzapa ti Israel atene ayeke so: Ala azo ti Juda na ala, azo ti Jérusalem, akpale so kue mbi tene tënë ni so, mbi yeke sara titene aga na ndö ti ala. Biani, mbi tene tënë na ala, me ala ma mbi pepe; mbi iri ala, me ala ke ti yeda.”

Jérémie 44:2

“Tënë so *KOTA GBIA so ayeke na ndö ti dunia kue, Nzapa ti Israel atene ayeke so: Ala baa na le ti ala akpale so kue mbi sara si aga na ndö ti Jérusalem na ambeni gbata ti Juda. Laso, agbata ni kue ati awe si azo ayeke daa mbeni pepe.

Jérémie 52:13

Lo gbi kota da ti Nzapa, yangbo ti gbia nga na ada ti Jérusalem kue; lo bi wâ na ya ti ada ti akota zo kue.

Jérémie 9:10

KOTA GBIA atene: “Mbi yeke sara titene Jérusalem aga ndo so ye kue abuba daa; ndo so aga ndo ti lango ti *anzagua. Mbi yeke sara si agbata ti Juda aga gi ngonda, ndo so zo ayeke daa mbeni pepe.”

Jérémie 9:11

Mbeni zo ti ndara ayeke daa so alingbi ti ma ya ti tënë so? Tongana zo ni ayeke daa, ayeke nzoni tënë so KOTA GBIA azia na yanga ti lo, lo fa ni na azo polele. Lo fa nda ni so kodro ni abuba; nda ni so kodro ni agbi si aga gi benyama so; nda ni so zo ayeke hon daa oko pepe so.

Abia ti demango tere 5:18

Ndani ayeke so: hoto ti Sion aga ngonda; hoto ni aga ndo ti fonongo ti anyama ti gbungo kondo.

Mishe 1:6

KOTA GBIA atene: “Ndali ti ye so ala sara so, fade mbi yeke sara titene gbata ti Samarii aga ndo so ye kue abuba daa, wala aga sese so azo ayeke lu gi *vinye daa. Mbi yeke sara titene atêne ti gbata ni alondo ti tuku na popo-hoto; mbi yeke sara titene agere ti gbata ni asigigi kue.

Matthieu 24:2

Me Jésus atene na ala: “Ala baa ye so kue so? Mbi tene na ala taa-tënë: fade têne oko ayeke ngba ndo so pepe na ndö ti mba ti lo; ye so kue ayeke tuku na sese.”