Mishe 3:11 - Mbeti ti Nzapa - Tënë so amu fini

¹¹ Amakonzi ti agbata ni ayeke fâ ngbanga gi ndali ti warango goro; awayango-sandaga ti ala ayeke fa ye gi ti wara ye na pekoni; awayanga-Nzapa ti ala ayeke fa ye so ayeke si gi ndali ti warango nginza. Na ndö ni kue, ala yeke luti na ndö ti *KOTA GBIA si ala tene: “KOTA GBIA ayeke na popo ti e pepe? Fade ye ti sioni alingbi ti si na e pepe.”

Mishe 3:11 Iomraidhean Croise

Amato 17:23

Zo ti sioni amu goro so a pete na lo na hondengo ni ti sara si mbirimbiri fango ngbanga aduti daa pepe.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

Ésaïe 48:2

Be ti ala anzere titene a iri ala “Azo ti gbata so ayeke nde si ayeke nzoni kue”; ala yeke luti na ndö ti Nzapa ti Israel, lo so iri ti lo ayeke “KOTA GBIA so ayeke na ndö ti dunia kue”. Ala ma tënë so si:

Ésaïe 5:23

Tongana a pete goro na ala, ala yeke zi zo so tënë ayeke na li ti lo, zo so tënë ayeke na li ti lo pepe, ala yeke ke titene a fâ ngbanga ti lo na legeni.

Ésaïe 56:11

Ala yeke nga ambo so ayeke gbongo ti kobe, ya ti ala ayeke si ka laoko pepe. Andaa ala laa ayeke azo ti batango azo ti mbi, me ala hinga nda ti ye oko pepe; ala kue ayeke sara gi ye so anzere na be ti ala, zo oko oko ayeke gi gi nzoni ti lo wani.

Jérémie 23:17

Awayanga-Nzapa ni ayeke tene lakue na azo so ayeke he mbi, atene: ‘KOTA GBIA atene: Ti ala, fade ye kue ayeke tambula nzoni!’ Ala yeke tene na azo so ayeke sara ye gi na lege ti ngangu li ti ala wani, atene: ‘Fade mbeni sioni ye ayeke si na ala pepe’.

Jérémie 26:7

Awayango-sandaga, awayanga-Nzapa na azo kue ama Jérémie so ayeke tene atënë so na ya ti gbagba ti kota da ti Nzapa.

Jérémie 5:12

Azo ti Juda abere tënë ti KOTA GBIA, ala tene: “Lo yeke daa lawa! Fade mbeni ye ti sioni ayeke wara e pepe; bira wala nzara ayeke si na e pepe.

Jérémie 6:13

ngbanga ti so, ti londo na kete zo na popo ti ala asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Jérémie 7:4

Ala zia be ti ala pepe na ndö ti atënë ti handa so atene: ‘Da ti KOTA GBIA ayeke ge! Da ti KOTA GBIA laa! Da ti KOTA GBIA laa!’

Jérémie 8:10

“Ndani laa, KOTA GBIA atene: mbi yeke mu awali ti ala na ambeni zo nde; mbi yeke mu ayaka ti ala na azo si ayaka ni aga ti azo ni biani. Biani, ti londo na kete zo asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Ezekiel 22:12

Na ndo ti mo, azo ayeke mu goro titene ala tuku mene. Ala sara boon ti nginza na amba ti ala si na pekoni, ala yeke hunda gba ti nginza na ndö ni; ala yeke te aye ti amba ti ala na ngangu. Ti mbi, be ti ala agirisa na mbi biani biani; so tënë ti yanga ti Kota Gbia NZAPA laa.

Ezekiel 22:27

Amakonzi ti ala ayeke tongana ambo ti ngonda so ayeke suru ya ti nyama so ala gbu; ala yeke tuku mene ti azo, ala yeke fâ azo titene ala nzi aye ti ala.

Ezekiel 34:2

“*Molenge ti zo, tene peko ti tënë ti yanga ti mbi na tere ti awabatango-zo ti Israel. Tene peko ti tënë ti yanga ti mbi na tere ti ala, mo tene: Tënë so Kota Gbia NZAPA atene ayeke so: Mawa na awabatango-zo ti Israel! Ala yeke gi kobe gi ndali ti ala wani! Awabatango-taba alingbi fade ti gi kobe ndali ti ataba pepe?

Osée 4:18

So ala nyon samba ahon ndö ti ala awe, ala kiri ti sara gi aye ti ndumba; amakonzi ti ala aye ti sara gi aye ti kamene mingi.

Osée 4:8

Ala yeke te asandaga so azo ti mbi amu ndali ti siokpari ti ala wani. Nilaa nzara ti be ti awayango-sandaga kue ayeke titene azo ti mbi asara asioni ye.

Amos 5:14

Ayeke nzoni ala gi lege ti sara nzoni ye, me ala sara sioni ye pepe. Tongaso, fade ala yeke duti na fini si KOTA GBIA, Nzapa so ayeke na ndö ti dunia kue ayeke duti na ala, tongana ti so ala wani ayeke tene so.

Amos 9:10

Asioni zo so ayeke na popo ti azo ti mbi, fade ala kue ayeke kui kuâ ti bira, ala so lani ayeke tene: ‘Fade kota kpale ayeke ndu e pepe, kpale ni ayeke si na e pepe!’ ”

Mishe 3:5

Tënë so *KOTA GBIA atene na ndö ti awayanga-Nzapa so ayeke handa azo ti mbi ayeke so: “Tongana ala wara ye ti tengo ni, ala yeke fa tënë ti siriri; me tongana mbeni zo amu na ala ye ti tengo ni pepe, ala yeke londo na bira na tere ti zo ni.

Mishe 7:3

Maboko ti ala ayapu na sarango sioni ye. Titene amakonzi asara nzoni ye, ala yeke hunda titene a mu na ala ye si; awafango-ngbanga ayeke hunda goro. Akota zo ayeke tene gi tënë ti nzara ti warango aye so ahon ndö ti ala si ala kue ayeke ma tere ti sara gi aye ni so.

Sofonii 3:3

Amakonzi ti lo ayeke tongana abamara so ayeke toto; awafango-ngbanga ti lo ayeke tongana ambo ti ngonda so ate kobe ti ala ti lakui kue si na ndaperere, ala yeke na ye oko ti tengo ni pepe.

Sofonii 3:4

Awayanga-Nzapa ti lo ayeke azo ti kirikiri, azo ti handango zo; awayango-sandaga ti lo asara si ye so a zia nde ndali Nzapa aga *sioni; ala do ndia na sese.

Malashii 1:10

Tongana mbeni zo na popo ti ala alondo fade akanga ayanga ti kota da ti mbi titene ala ngba ti tingo wâ na ndö ti gbalaka ti mbi senge senge pepe, ka ayeke nzoni mingi! Biani, be ti mbi anzere na ala pepe. Tënë so KOTA GBIA so ayeke na ndö ti dunia kue atene laa. Aye ti ala so ala yeke ga na ni na mbi na sandaga so, anzere na be ti mbi pepe.

Malashii 2:9

Mbi nga, mbi yeke sara titene azo abaa ala tongana ambumbuse zo si azo ni abi buba na tere ti ala. Biani, lege so mbi fa na ala, awayango-sandaga, ala yeke mu ni pepe; ala yeke baa azo bango si ala yeke fâ ya ti tënë ti ala na lege ti ndia.”

Wungo ti azo 16:15

Ngonzo agbu Moïse ngangu mingi si lo tene na KOTA GBIA: “Yeda na *sandaga ti ala pepe! Laoko mbi mu ye ti ala pepe, ataa mbeni lele ti ala. Mbi sara mbana na zo oko na popo ti ala pepe!”

Wungo ti azo 22:7

Azo ti tokua ni, akangba ti Moab na ti Madian ague, amu ambeni ye na maboko ti ala ti futa na zo ti bango nda ti aye ni. Ala gue, asi na ndo ti Balaam si ala tene na lo peko ti tokua ti Balak.

Matthieu 3:9

Ala tene na be ti ala pepe, atene: ‘Abraham ayeke kotara ti e.’ Biani, mbi tene na ala: Nzapa alingbi ti mu atêne so ti sara si aga amolenge ti Abraham!

1 Timothée 3:3

lo yeke ngbaa ti samba pepe, lo yeke zo ti tiri pepe, me lo yeke zo ti nzoni be, lo yeke sara ngangu na amba ti lo pepe; nzara ti nginza ahon ndö ti lo pepe;

Tite 1:11

Alingbi mo kanga yanga ti ala, ngbanga ti so ala sara si mabe ti azo kue na ya ti ambeni sewa ati. Ala ye ti gi nginza na lege ti sioni, nilaa ala yeke fa tënë so zo alingbi fade ti fa pepe.

1 Pierre 5:2

Ala bata bongbi ti azo ti Nzapa so lo zia na maboko ti ala. Ala sara ni na nzoni be, tongana ti so be ti Nzapa aye; mbeni zo agbu ala na ngangu ti sara ni pepe. Ala sara kua ni ndali ti nzara ti nginza pepe, me ala mu tere ti ala kue na kua ni.

Jude 1:11

Mawa na azo ni so! Ala mu peko ti Kain. Ndali ti nginza, ala girisa lege tongana Balaam; ala kui, ngbanga ti so ala sara ngangu li tongana azo ti Kore.

1 Samuel 8:3

Me amolenge ni amu peko ti sarango ye ti lo pepe. Ala ye nginza mingi; azo ayeke pete goro na ala si ala yeke fâ ngbanga ti azo na legeni pepe.