Mishe 2:7 - Mbeti ti Nzapa - Tënë so amu fini

⁷ Mo baa ti mo, mo tene, a deba azo ti Israel awe? *KOTA GBIA azia ti kanga be ti lo awe? Lo yeke sara ka ye tongaso?” Ti mbi, tënë ti mbi ayeke sara nzoni na zo so ayeke sara ye mbirimbiri.

Mishe 2:7 Iomraidhean Croise

Abia (Psaumes) 119:65

KOTA GBIA, mo sara nzoni na mbi, zo ti kua ti mo, alingbi na tënë ti mo.

Abia (Psaumes) 119:68

Mo yeke nzoni si mo yeke sara nzoni na azo; fa na mbi ambela ti mo.

Abia (Psaumes) 15:2

Zo so tambula ti lo alingbi kue, zo so sarango ye ti lo ayeke mbirimbiri si lo yeke tene taa-tënë alingbi na tënë so ayeke na be ti lo.

Abia (Psaumes) 18:26

Zo so angba na lege ti mo, mo yeke ngba ti bata tënë ti yanga ti mo na lo, zo so alingbi kue, mo yeke sara ye na lo alingbi kue.

Abia (Psaumes) 84:11

Dutingo lango oko na ya ti gbagba ti kota da ti mo ayeke nzoni ahon dutingo lango saki oko na mbeni ndo nde. Ti mbi, mbi ye ti duti gi na yanga ti da ti Nzapa ahon ti sara kodro na da ti azo ti sioni.

Amato 10:29

Lege ti KOTA GBIA ayeke tongana ngangu gbagba na tere ti zo so sarango ye ti lo ayeke na legeni; me lege ni ayeke buba fini ti azo ti sarango sioni.

Amato 10:9

Zo so sarango ye ti lo ayeke na legeni, ye ti sioni alingbi ti si na lo oko pepe; me zo so ayeke sara ye na lege ti mayere, fade azo ayeke sigigi na nda ti lo.

Amato 14:2

Zo so sarango ye ti lo ayeke na legeni, lo yeke kpe mbeto ti KOTA GBIA; me zo so ayeke mu lege ti kirikiri, lo baa KOTA GBIA tongana mbumbuse ye.

Amato 2:7

KOTA GBIA ayeke bata anzoni ye ndali ti azo ti mbirimbiri; lo yeke tongana *vala ndali ti azo so sarango ye ti ala ayeke na legeni.

Amato 28:18

Zo so ayeke sara ye na lege ti taa-tënë, fade lo yeke soo kuâ; me zo so ayeke sara ye ge nde si lo yeke sara kâ nde, oko ti asarango ye ni ayeke sara si lo ti.

Ésaïe 50:2

Mbi ga, mbi wara zo oko pepe, ngbanga ti nyen? Mbi iri ndo, zo oko ayeda pepe, ngbanga ti nyen? Maboko ti mbi ayeke nduru mingi titene mbi zi ala? Ngangu laa atia mbi titene mbi soo ala? Gi so mbi suku, kota ngu-ingo ahole; mbi sara si *abale aga kuru sese. Ndali ti so ngu ayeke daa pepe, asusu ayeke kui nzara ti ngu si ala yeke fun.

Ésaïe 58:1

*KOTA GBIA atene: “Mo dekongo na kota go, mo ngba gi daa! Sara si azo ama go ti mo tongana tatalita! Fa na azo ti mbi kengo ndia ti ala, fa na amolenge ti Jacob siokpari ti ala.

Jérémie 15:16

Gi so atënë ti mo asi na mbi, mbi mu ni si aga ye ti mbi; atënë ni amu ngia na mbi, azia ngia mingi na be ti mbi. Biani, a zia mbi nde ndali ti mo awe, KOTA GBIA Nzapa so ayeke na ndö ti dunia kue.

Jérémie 2:4

Ala, *ahale ti Jacob na ala, akete mara kue ti Israel, ala ma tënë so KOTA GBIA atene.

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Mishe 3:9

Ala amakonzi ti *ahale ti Jacob, ala azo so ayeke na li ti azo ti Israel, ala ma tënë so! Be ti ala ke tënë ti fango ngbanga ti mbirimbiri, ala yeke buba tënë ti fango ngbanga na lege ti ndia.

Wungo ti azo 11:23

KOTA GBIA akiri tënë na Moïse: “Ngangu ti mbi alingbi ti sara ye tongaso pepe? Mo ku, mo baa wala tënë so mbi tene na mo ayeke ga taa-tënë wala ayeke ga taa-tënë pepe!”

Matthieu 3:8

Ala sara ye so afa atene, ala zia ngbene lege ti sarango ye ti ala awe!

Jean 8:39

Ala tene na lo: “Babâ ti e ayeke Abraham.” Jésus akiri tënë na ala, atene: “Tongana ala yeke fade amolenge ti Abraham, ka ala sara aye so lo sara.

Rome 7:13

Ye so ayeke ye ti nzoni, akiri aga ye ti fango mbi? Oko pepe! Me siokpari laa afâ mbi: siokpari amu ye so ayeke nzoni ti fâ mbi na ni, ti fa so lo yeke siokpari biani, nilaa na lege ti tënë ti ndia, siokpari afa so lo yeke taa ye ti sioni biani.

2 Korente 6:12

E ke ti zi be ti e na ala pepe, me ala laa ake ti zi be ti ala na e.

2 Timothée 3:5

ala yeke sara ye, mo baa mo tene, ala yeke azo so agbu tënë ti Nzapa mingi, andaa ala zia lege ti ngangu ti mabe awe. Mara ti azo tongaso, ayeke nzoni mo zia lege ti ala.