Mishe 2:4 - Mbeti ti Nzapa - Tënë so amu fini

⁴ Na lango ni so, fade azo ayeke he bia na iri ti ala, azo ayeke he bia ti totongo kuâ so, atene: “A mu aye ti e kue kue kue awe! A gbanzi sese ti azo ti e awe! A kangbi ya ti sese ni na popo ti awato ti e. Ngbanga ti nyen si a mu aye ni na maboko ti e so?”

Mishe 2:4 Iomraidhean Croise

2 Samuel 1:17

Tongaso, David ahe mbeni bia ti totongo kuâ ti Saul na ti Jonatan.

2 Mbai 35:25

Wayanga-Nzapa Jérémie aleke mbeni bia ti totongo na kuâ ti Yosias. Ti londo na ngoi so ngbii asi laso, azo ti hengo bia, akoli kue na awali kue atene tënë ti Yosias na ya ti abia ti ala. Sarango ye tongaso aga mbeni ndia na sese ti Israel. A su abia so na Mbeti ti abia ti totongo kuâ.

Mbeti ti Job 27:1

Job angba ti tene atënë so aso be ti lo, lo tene:

Ésaïe 14:4

Fade mo yeke he bia so na iri ti gbia ti Babilone, mo tene: Ye ni tongana nyen! Zo ti sarango ngangu na azo ayeke fadeso na ndo wa? Ngangu so lo yeke sara na azo so ahunzi awe!

Ésaïe 24:3

Sese abuba biani biani awe; azo anzi aye ti sese ni kue ahon na ni. Biani, ye ni asi alingbi na peko ti tënë ti yanga ti KOTA GBIA.

Ésaïe 6:11

Tongaso mbi hunda ndo, mbi tene: “KOTA GBIA, ye ni so ayeke gue ngbii asi lawa?” Lo kiri tënë, lo tene: “Ye ni ayeke gue ngbii asi na ndembe so a buba agbata kue, zo oko ayeke ngba na ya ti agbata ni pepe, zo oko ayeke ngba na ya ti da pepe, sese ayeke buba kue si ayeke ga ngonda.

Jérémie 14:18

Tongana mbi gue na yaka, mbi yeke baa gi azo so akui na lege ti bira. Tongana mbi kiri na ya ti gbata, mbi yeke baa gi azo so akui na lege ti nzara. Awayanga-Nzapa na awayango-sandaga atambula na ya ti kodro ni kue, me ala gi li ti ala daa gbaa.”

Jérémie 4:13

“Baa, awato laa ayeke ga so! Ala yeke tongana mbinda! Apusu ti ambarata ti ala ayeke tongana ngangu pupu; ambarata ti ala akpe ahon *ngoalo. So mawa na e: ti e ahunzi awe!”

Jérémie 6:12

Fade ada ti ala ayeke ga ti ambeni zo nde; ayaka ti ala na awali ti ala ayeke ga ti ambeni zo nde; so tënë ti yanga ti KOTA GBIA laa. Biani, fade mbi yeke yoro maboko ti mbi ti pika azo ti kodro ni,

Jérémie 8:10

“Ndani laa, KOTA GBIA atene: mbi yeke mu awali ti ala na ambeni zo nde; mbi yeke mu ayaka ti ala na azo si ayaka ni aga ti azo ni biani. Biani, ti londo na kete zo asi na kota zo, ala kue ayeke gi gi nzoni ti ala wani. Ti londo na wayanga-Nzapa asi na wayango-sandaga, ala kue ayeke sara gi aye ti nzi.

Jérémie 9:10

KOTA GBIA atene: “Mbi yeke sara titene Jérusalem aga ndo so ye kue abuba daa; ndo so aga ndo ti lango ti *anzagua. Mbi yeke sara si agbata ti Juda aga gi ngonda, ndo so zo ayeke daa mbeni pepe.”

Jérémie 9:16

Tënë so KOTA GBIA so ayeke na ndö ti dunia kue atene laa. “Ala gbu li ti ala si! Ala iri awali ti totongo kuâ ti ga! Ala iri awali so kua ti ala ayeke gi totongo kuâ.

Ezekiel 16:44

“Jérusalem, azo ti tenengo mato ayeke tene ande mato na iri ti mo, atene: ‘Gi sarango ye ti mama ti lo laa molenge-wali so amu so!’

Ezekiel 2:10

Maboko ni azi ya ti mbeti ni na le ti mbi. A su mbeti na le ti *rulo ni na ya ni nga na peko ni kue. Abia ti demango tere, atënë ti toto na ti dema laa a su na le ni.

Joël 1:13

Ala awayango-sandaga, ala yu bongo ti mua, ala toto; ala so ayeke sara kua na tere ti gbalaka, ala dema tere ti ala! Ala azo so ayeke sara kua ti Nzapa ti mbi, ala ga, ala yu bongo ti mua, ala lango na ni na bi kue, ngbanga ti so azo ayeke na sandaga ti *ble na ti samba pepe ti ga na ni na ya ti kota da ti Nzapa.

Joël 1:8

Ala azo, ala dema tere ti ala tongana maseka-wali so ayu bongo ti mua si lo yeke toto kuâ ti koli ti lo ti maseka.

Amos 5:1

Azo ti Israel, ala ma tënë so: mbi ye ti he bia ti totongo kuâ so na ndö ti ala.

Amos 5:17

Na ya ti ayaka ti *vinye kue, fade azo ayeke ma abia ti totongo kuâ na ndembe so mbi yeke hon na popo ti ala”; tënë so KOTA GBIA atene laa.

Mishe 1:15

Ala azo ti Maresha, fade KOTA GBIA ayeke tokua mbeni zo ti gue ti mu kodro ti ala na ngangu. Fade amakonzi ti Israel, so azo ane ala mingi, ayeke gue ti honde tere ti ala kâ na ya ti kota du ti Adulam.

Mishe 1:8

Ndani laa, fade mbi, Mishe, mbi yeke toto si mbi yeke dema tere ti mbi. Mbi yeke tambula gere senge, mbi yeke tambula tere ti mbi senge. Mbi yeke toto tongana *anzagua, mbi yeke he bia ti totongo kuâ tongana ti so *anaamo ayeke toto so.

Mishe 2:10

Ala londo, ala hon kâ! Ndo ti wungo tere ti ala ayeke ge mbeni pepe! Ndali ti siokpari ti ala, sese ti ala aga *sioni awe, ala yeke baa ande pasi, pasi ni ayeke duti ngangu mingi.”

Habakuk 2:6

Me ti azo so lo zia ala na gbe ti komandema ti lo so, fade ala kue ayeke kasa lo, ala yeke he lo na ngia si ala yeke tene atënë ti songo be na lo.” Fade ala yeke tene: “Mawa na mo, mo so mo yeke bongbi na ndö ti tere, na ndö ti tere aye so ayeke ti mo pepe! Mo yeke bongbi ni ngbii asi lawa? Gba ti ayongo laa mo bongbi ni na ndö ti mo.

Sofonii 1:2

So tënë ti yanga ti *KOTA GBIA laa: “Fade mbi yeke hunzi aye kue kue kue na ndö ti sese.

Wungo ti azo 23:18

Tongaso Balaam adiko bia so, lo tene: “Balak, londo, mo ma mbi si! Molenge ti Sipor, dingi mê ti mo, mo ma mbi!

Wungo ti azo 23:7

Tongaso Balaam adiko bia so, lo tene: “Balak asara si mbi londo na Aram mbi ga; gbia ti Moab asara si mbi londo na ahoto ti To mbi ga. ‘Ga mo deba Jacob na mbi! Ga mo tene sioni tënë na ndö ti azo ti Israel!’

Wungo ti azo 24:15

Tongaso Balaam adiko bia so, lo tene: “Baa, tënë so mbi ye ti tene laa, mbi Balaam, molenge ti Beor, mbi, zo so le ti lo azi.

Wungo ti azo 24:3

Balaam adiko bia so, lo tene: “Baa, tënë so mbi ye ti tene laa, mbi Balaam, molenge ti Beor, mbi, zo so le ti lo azi.

Marc 12:12

Amakonzi ti azuife agi lege ti gbu Jésus, ngbanga ti so ala hinga atene, lo tene toli so na ndö ti ala; me ala sara mbeto ti gba ti azo. Tongaso ala zia lo si ala gue.

Ndia ti fani use ni 28:29

Taa na bekombite, fade ala yeke tatara ndo tatarango tongana ti so awaziba ayeke tatara ndo. Aye so kue ala yeke sara ayeke ga nzoni oko pepe; lakue, azo ayeke sara gi ngangu na ala, azo ni ayeke nzi aye ti ala; zo oko ti ga ti soo ala ayeke daa pepe.