Mishe 2:13 - Mbeti ti Nzapa - Tënë so amu fini

¹³ Lo so lo yeke zi lege, lo yeke tambula na dawa ti ala; a zi ala awe, ala hon yanga ti gbagba ni awe si ala sigigi awe. KOTA GBIA so ayeke Gbia ti ala laa amu li ti tambula ti ala ni.”

Mishe 2:13 Iomraidhean Croise

Sigingo 14:19

*Ange ti Nzapa so ayeke tambula na dawa ti azo ti Israel so akiri ague, aluti na peko ti ala. Ngbongboro mbinda so ayeke tambula na dawa ti ala so akiri ague, aluti na peko ti ala.

Ésaïe 42:7

Mo yeke zi le ti awaziba, mo yeke zi azo ti kanga na da ti kanga, mo yeke sigigi na azo so ayeke na ya ti sururu, ala so ayeke ku na ya ti vukongo ndo.”

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Ésaïe 52:12

Ti so ni, ala yeke sigigi na loro pepe; ala yeke sigigi na ya ti kodro ni pepe tongana azo ayeke kpe kpengo, ngbanga ti so KOTA GBIA laa ayeke tambula na dawa ti ala; Nzapa ti Israel laa ayeke tambula na peko ti ala.

Ésaïe 55:4

Mbi zia lo na tere ti amara tongana zo so ahinga ngangu ti mbi; mbi zia lo makonzi nga na zo so ayeke na komandema na ndö ti amara.

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Osée 13:14

Mbi KOTA GBIA, azo tongaso, mbi lingbi ti gboto ala na ndo ti akuâ ti sigigi na ala? Mbi lingbi ti soo ala na kuâ? Kuâ, ye so mo yeke fâ azo na ni so ayeke na ndo wa? Ndo ti akuâ, ngangu so mo yeke hunzi azo na ni so ayeke na ndo wa? Fade mbi yeke baa mawa ti Efraim oko pepe.

Osée 2:2

Fade azo ti Juda na azo ti Israel ayeke bongbi ti ga oko, ala yeke mu mbeni makonzi oko ti zia lo na ndö ti ala si ala yeke wu ti mu ya ti kodro ni kue. Lango ni so ayeke duti kota lango ti Yizreel!

Osée 3:5

Na pekoni, azo ti Israel ayeke kiri ti gi KOTA GBIA, Nzapa ti ala nga na David, gbia ti ala. Gbanda, fade ala yeke do na mbeto si ala yeke kiri na mbage ti KOTA GBIA ti wara anzoni ye ti lo.

Mishe 2:12

“*KOTA GBIA atene: ala *ahale ti Jacob, fade mbi yeke bongbi ala kue na ndo oko, mbi yeke bongbi nga tanga ti azo ti Israel so angba na fini so. Mbi yeke zia ala na ndo oko tongana ti so a yeke bongbi ataba na ya ti gbagba ti ala, tongana gba ti anyama so ayeke na ndo ti tengo pere ti ala. Fade go ti ala ayeke wu tongana go ti gba ti azo.

Mishe 3:1

Nilaa mbi tene: “Ala amakonzi ti *ahale ti Jacob, ala azo so ayeke na li ti azo ti Israel, ala ma si! Ala laa alingbi fade ti hinga fango ngbanga na lege ti ndia pepe?

Mishe 4:7

Ala so gere ti ala abuba, mbi yeke sara titene ala ga tanga ti azo so angba na fini; ala so a gue na ala na yongoro ndo, mbi yeke sara titene ala ga mbeni ngangu mara. Na ndö ti hoto ti Sion, fade KOTA GBIA ayeke duti gbia ti ala fadeso kpu na kpu.

Zakarii 10:12

Mbi yeke mu ngangu na azo ti mbi si ala yeke sara ye gi na iri ti mbi”; so tënë ti yanga ti KOTA GBIA laa.

Ahebro 6:20

Jésus ali na ndo so kozo ti e nga ndali ti e. Lo ga kota wayango-sandaga kpu na kpu tongana ti Melkisedeke.

Josué 3:6

Lango oko na pekoni, Josué amu yanga na awayango-sandaga, atene: “Ala mu sanduku ti mbuki ni, ala hon kozo ti azo ni.” Awayango-sandaga ni asara tongana ti so lo hunda.

Aye so Nzapa afa 17:14

Fade ala yeke tiri na Molenge ti Taba, me Molenge ti Taba ayeke hon ndö ti ala, ngbanga ti so lo yeke Kota Gbia ti akota gbia si lo yeke Gbia ti agbia. Lo na azo so lo iri ala, lo soro ala si ala yeke azo ti lo, ala yeke hon ndö ti agbia baleoko so.”

Aye so Nzapa afa 7:17

ngbanga ti so Molenge ti Taba so ayeke na ndö ti mbata ti gbia ayeke bata ala tongana ataba ti lo. Lo yeke gue na ala na li ti ngu so ayeke mu fini na zo. Fade Nzapa ayeke mbo ngu ti le ti ala kue.