Mishe 2:10 - Mbeti ti Nzapa - Tënë so amu fini

¹⁰ Ala londo, ala hon kâ! Ndo ti wungo tere ti ala ayeke ge mbeni pepe! Ndali ti siokpari ti ala, sese ti ala aga *sioni awe, ala yeke baa ande pasi, pasi ni ayeke duti ngangu mingi.”

Mishe 2:10 Iomraidhean Croise

1 Agbia 9:7

fade mbi yeke zi ala, azo ti Israel, na sese so mbi mu na ala. Kota da so mbi zia ni nde ndali ti mbi, fade mbi yeke bi ni yongoro na le ti mbi si azo ti Israel aga mbeni ye ti *mato nga na ye so azo kue ayeke he na ngia.

2 Agbia 15:29

Na ngoi so Peka ayeke gbia ti Israel, Teglat-Falasar, gbia ti Sirii aga si lo mu agbata tongana: Iyon, Abel-Bet-Maaka, Yanoa, Kedesh na Hasor. Lo mu nga sese ti Galaad, ti Galile na ti Neftali kue. Lo gbu azo ti agbata ni si lo gue na ala na kodro ti Asirii.

2 Agbia 17:6

Na ngu gumbaya ni so Osée ayeke le-gbia, gbia ti Asirii amu gbata ti Samarii. Lo gbu azo ti Israel si lo gue na ala na kodro ti Asirii. Lo zia ambeni na sese ti Hala, ambeni na tere ti ngu ti Habor, na sese ti Gozan si ambeni na ya ti agbata ti Medii.

2 Mbai 7:20

fade mbi yeke gboto ala na sese ti mbi tongana ti so a yeke gboto pere; sese so mbi mu na ala so. Kota da so mbi zia ni nde ndali ti mbi wani, fade mbi yeke bi ni yongoro na le ti mbi, mbi yeke sara titene aga mbeni ye ti *mato nga na ye so azo kue ayeke he na ngia.

Abia (Psaumes) 106:38

Ala tuku mene ti azo so asara sioni pepe, so ti tene mene ti amolenge ti ala ti koli na ti wali; ala mu amolenge ni na sandaga na anzapa ti azo ti Kanaan si mene ni asara si kodro ni aga *sioni.

Abia (Psaumes) 95:11

Tongaso na ya ti ngonzo ti mbi, mbi deba yanga, mbi tene: ‘Kodro so mbi leke titene ala wu tere ti ala daa, fade ala yeke li na ya ni oko pepe.’ ”

Jérémie 10:18

Biani, tënë so KOTA GBIA atene ayeke so: “Ti fadeso, mbi yeke bi azo ti kodro ni yongoro, tongana ti so a yeke bi ye na *mvingi; mbi yeke pete ala mbage na mbage si ala kpe ahon pepe.”

Jérémie 3:2

Mu le ti mo na nduzu, mo baa ndo kâ na li ti ahoto! Ndo wa laa mo lango na koli daa pepe? Mo duti na yanga ti alege ti ku andeko ti mo tongana *azaragina so aduti na benyama ti ku azo so ayeke hon na lege. Mo sara si kodro ni aga sioni awe na lege ti sarango aye ti ndumba nga na sarango ye ti kirikiri ti mo.

Jérémie 9:19

Ala awali, ayeke nzoni ala ma tënë so KOTA ayeke tene na ala; ala zi mê ti ala mbirimbiri ti ma tënë so lo yeke tene na ala. Ala fa na amolenge ti ala ti wali abia ti demango tere; ala awali, ala oko oko kue afa abia ti totongo kuâ na amba ti ala.

Ezekiel 36:17

“*Molenge ti zo, na ndembe so azo ti Israel aduti ando na sese ti ala, ala sara si sese ni aga *sioni na lege ti dutingo ti ala nga na asarango ye ti ala. Lege ti dutingo ti ala ayeke *sioni na le ti mbi tongana wali so aga *sioni na ngoi ti bango ya ti lo.

Ezekiel 36:19

Mbi kangbi ala na popo ti amara nde si ala kangbi kirikiri na ya ti akodro wande. Mbi fâ ngbanga na li ti ala alingbi na dutingo ti ala nga na asarango ye ti ala.

Ndia ti fani use ni 12:9

Biani, ade ala si pepe na sese so KOTA GBIA Nzapa ti ala amu na ala titene aga ti ala, sese so ala yeke wu tere ti ala daa.

Ndia ti fani use ni 30:18

mbi tene na ala laso biani: fade ala yeke kui kue. Sese so ala yeke fâ ngu ti Jourdain ti gue ti mu ni titene aga ti ala so, ala yeke duti na ya ni aninga pepe.

Ndia ti fani use ni 4:26

Tongana ala sara mara ti asiokpari tongaso, mbi tene na ala laso biani, yayu na sese ayeke ma mbi, sese so ala yeke gue ti mu na mbage ti ngu ti Jourdain kâ titene aga ti ala so, ala yeke ngba na ya ni aninga pepe, a yeke fâ ala kue ti hunzi ala.