Mishe 1:7 - Mbeti ti Nzapa - Tënë so amu fini

⁷ Fade a yeke fâ ya ti ayanda ti gbata ni kue; aye so azo ti gbata ni awara, fade a yeke gbi ni kue na wâ, ngbanga ti so ala wara ni na lege ti sarango aye ti ndumba. Fade aye ni ayeke kiri ti hon na lege ti sarango aye ti ndumba.”

Mishe 1:7 Iomraidhean Croise

2 Mbai 31:1

So matanga ni ahunzi awe, azo ti Israel so kue ayeke kâ ague na ya ti agbata ti Juda, ala fâ ya ti angbongboro têne so a leke si aluti na nduzu, ala kungbi na sese akeke so a leke si aluti na nduzu ndali ti nzapa-wali *Ashera, ala buba ando so azo aleke na ndö ti ahoto ti voro anzapa nde daa, ala buba nga agbalaka ti ando ni. Ala sara gi oko ye so na sese ti Juda kue, ti Benjamin, ti Efraim na ti Manase. Na pekoni, azo ti Israel kue akiri na ya ti agbata ti ala, zo oko oko na ndo ti lo.

Ésaïe 2:18

Fade ayanda kue ayeke daa mbeni pepe.

Ésaïe 23:17

Na peko ti ngu balembarambara ni, fade KOTA GBIA ayeke ga na mbage ti Tir. Gbata ni ayeke kiri ti wara nginza na lege ti sarango aye ti ndumba na akodro-gbia ti dunia.

Ésaïe 27:9

Lege so a yeke zi sioni na li ti Jacob laa; ye so ayeke si na peko ti zingo siokpari na li ti lo ni ayeke so: fade a yeke nika atêne kue ti agbalaka tongana ti so a yeke nika mbamba si aga fuku. Akeke so azo aleke aluti na nduzu si ala yeke voro ni, wala ata ti wen so ala zia nde titene ala zö dukani na ya ni ayeke kiri ti ngba na nduzu pepe.

Ezekiel 6:6

Na ndo so kue ala yeke lango daa, fade agbata ayeke buba, ando so ala leke na nduzu ti voro anzapa ti ala daa, ayeke buba kue. Azo ayeke kungbi na sese agbalaka ti ala si ayeke ga senge ye, ya ti ayanda ti ala ayeke kungbi kete kete si mbeni ye oko ayeke ngba pepe. Azo ayeke fâ ya ti aye ti zongo na ayombo ti ala si ye so maboko ti ala asara, peko ni ayeke ngba pepe.

Osée 2:12

Fadeso, mbi yeke fa tere ti lo so angba ndumbu so na le ti andeko ti lo; zo oko ti zi lo na maboko ti mbi ayeke daa pepe.

Osée 2:14

Mbi yeke buba akeke ti vinye ti lo nga na akeke ti fige ti lo so lo yeke tene tënë ni lani, lo tene: ‘So futa ti mbi so andeko ti mbi amu na mbi laa.’ Mbi yeke sara si ayaka ni aga gbako si aga kobe ti anyama ti ngonda.

Osée 2:5

Tongaso pepe, mbi yeke zi bongo na tere ti lo ti zia lo ndumbu tongana ti lango so mama ti lo adu na lo. Fade mbi yeke sara titene lo ga tongana benyama, ndo so ngu ayeke daa pepe; mbi yeke sara titene nzara ti ngu afâ lo.

Osée 8:5

Ala azo ti Samarii, be ti mbi alondo na bango kete bagara ti ala ni! Ngonzo ti mbi alondo tongana wâ na tere ti ala awe. Ala yeke ngba ngbii asi lawa si ala ga *nzoni?

Osée 8:6

Kete bagara ti Samarii ni alondo na Israel, mbeni zo ti sarango ye na kode laa aleke ni; kete bagara ni ayeke Nzapa pepe. Biani, fade a yeke fâ ya ti lo kete kete.

Joël 3:3

Fade mbi yeke sara aye ti kpene na le ti nduzu nga na ndö ti sese: mene, wâ na angbongboro guru ti wâ;

Awayango-sandaga 26:30

Ando so ala leke na ndö ti ahoto ti voro anzapa nde daa so, mbi yeke buba ni. Agbalaka so ala yeke zö dukani na ndö ni so, mbi yeke kungbi ni na sese; mbi yeke bongbi kuâ ti ala na ndö ti afango yanda ti ala; fade mbi yeke ke ala.

Ndia ti fani use ni 23:18

Moïse atene: Alingbi mbeni wali wala mbeni koli ti Israel asara ye ti ndumba ndali ti anzapa nde pepe.

Ndia ti fani use ni 9:21

Mbi mu bagara so ala sara so, ye ti peko ti siokpari ti ala ni, mbi bi ni na le ti wâ. Na pekoni, mbi fâ ya ni nduru nduru, mbi nika ni si aga fuku. Mbi tuku fuku ni na ya ti ngu so alondo na li ti hoto si ayeke sua.

Aye so Nzapa afa 18:3

Amara kue anyon vin ti lo, vin ti kota nzara ti aye ti ndumba so lo yeke sara. Agbia ti sese asara aye ti ndumba na lo, azo ti dengo buze ti sese aga azo ti mosoro gi na lege ti kota nzara ti warango ye ti lo.”

Aye so Nzapa afa 18:9

Agbia ti sese so asara aye ti ndumba na lo si ala na lo asara kota nzara ti warango ye, fade ala yeke dema tere si ala yeke toto ndali ti lo na ndembe so wâ ayeke gbi lo si ala baa guru ni so ayeke sigigi.

1 Samuel 5:4

Na mbeni ndade ni, ala londo na kota ndaperere, ala ye ti baa, Dagon laa na sese na dawa ti sanduku ti mbuki ti KOTA GBIA. Li ti Dagon na maboko ti lo use kue afâ si ayeke lango na lingo ti yanga ti gbagba ti da; gi tere ti lo laa angba.