Mishe 1:6 - Mbeti ti Nzapa - Tënë so amu fini

⁶ KOTA GBIA atene: “Ndali ti ye so ala sara so, fade mbi yeke sara titene gbata ti Samarii aga ndo so ye kue abuba daa, wala aga sese so azo ayeke lu gi *vinye daa. Mbi yeke sara titene atêne ti gbata ni alondo ti tuku na popo-hoto; mbi yeke sara titene agere ti gbata ni asigigi kue.

Mishe 1:6 Iomraidhean Croise

2 Samuel 17:13

Tongana ala honde tere ti ala na ya ti mbeni gbata, azo ti Israel kue ayeke ga na kamba, e yeke gboto gbata ni ngbii asi na ya ti mbeni ngu; e yeke gboto ni ngbii têne oko ti gbata ni angba pepe.”

2 Agbia 18:10

Na peko ti ngu ota, gbia ti Asirii amu gbata ni; so ti tene na ngu omene ni so Ezekias ayeke gbia ti Juda nga na ngu gumbaya ni so Osée ayeke gbia ti Israel.

2 Agbia 18:9

Na ngu osio ni so Ezekias ayeke gbia ti Juda, nga na ngu mbarambara ni so Osée, molenge ti Ela ayeke gbia ti Israel, Salmanasar, gbia ti Asirii aga ti tiri bira na gbata ti Samarii si lo ngoro gbata ni.

2 Agbia 19:25

Senakerib, mo hinga pepe? Mbi leke aye so ngbene ye aninga awe, mbi leke pialo ni na be ti mbi giriri. Fadeso mbi yeke sara aye ni. Ti mo, ayeke ti sara si agbata so ngangu gbagba ayeke na tere ni aga gba ti atêne.

Ésaïe 17:1

Nengo tënë na ndö ti Damas. Baa, Damas ayeke kiri ti ngba gbata pepe, gi gba ti atêne laa ayeke ngba.

Ésaïe 25:12

Ngangu gbagba so ayo na nduzu, kota gbagba ti bira ti mo so, KOTA GBIA ayeke kungbi ni na sese, lo yeke fâ ni kue si lo yeke bi ni na ya ti fuku ti sese.

Ésaïe 25:2

Mo sara si gbata ni aga gba ti atêne. Gbata so a sara ngangu gbagba na tere ni, mo sara si abuba kue. Yangbo ti awande akpa gbata mbeni pepe, zo ayeke kiri ti leke ni laoko pepe.

Jérémie 31:5

Mo yeke kiri ti lu *avinye na ndö ti ahoto ti Samarii; azo so alu ni, fade ala yeke baa nzoni daa.

Jérémie 51:25

Biani, Babilone, mbi na mo, e yeke baa ya ni; so tënë ti yanga ti KOTA GBIA laa. Titene mo buba ye, mo yeke na ngangu tongana mbeni kota hoto; mo yeke buba aye ti ndö ti sese kue! Mbi yeke yoro maboko na le ti mo; mbi yeke sara si mo londo kâ na li ti kota têne, mo ti na sese. Mbi yeke sara si mo ga tongana hoto so wâ agbi ni kue.

Jérémie 51:37

Fade Babilone ayeke ga ndo ti gba ti atêne, ndo ti lango ti *anzagua; ndo so aga ngonda na ye so azo ayeke huru yanga ti ala na bango ni, zo ayeke kiri ti duti daa mbeni pepe.

Jérémie 9:11

Mbeni zo ti ndara ayeke daa so alingbi ti ma ya ti tënë so? Tongana zo ni ayeke daa, ayeke nzoni tënë so KOTA GBIA azia na yanga ti lo, lo fa ni na azo polele. Lo fa nda ni so kodro ni abuba; nda ni so kodro ni agbi si aga gi benyama so; nda ni so zo ayeke hon daa oko pepe so.

Abia ti demango tere 4:1

Azo-oo, azo! Pendere ti lôro alondo daa awe; lôro ti nzoni ni akiri aza oko pepe! Atêne so a zia ni nde ndali ti Nzapa atuku kirikiri amu ya ti kodro ni kue!

Ezekiel 13:14

Gbagba so ala leke tere ni na potopoto so, mbi yeke kinda ni na sese si agere ni aduti na gigi. Gbagba ni ayeke tuku na sese si ala yeke kui na gbe ti atêne ni. Tongaso, fade ala yeke hinga atene, mbi laa mbi yeke KOTA GBIA.

Amos 5:11

Ala yeke sara ngangu na azo ti mawa, ala yeke gbu ale ti kobe ti azo ni na ngangu. Ndani laa apendere da so ala sara na têne so, fade ala yeke lango na ya ni pepe; anzoni vinye so ala lu so, fade ala yeke nyon vin ni pepe.

Amos 6:8

*KOTA GBIA adeba yanga ti lo, atene: “Na iri ti mbi Nzapa, mbi ke na be ti mbi kue baba ti Jacob, be ti mbi ake apendere da ti lo. Fade mbi yeke zia gbata ti Samarii kue na maboko ti awato”; so tënë ti yanga ti KOTA GBIA, Nzapa so ayeke na ndö ti dunia kue laa.

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Habakuk 3:13

Mo ga ti soo azo ti mo, mo ga ti soo zo so mo zia lo gbia. Mo kinda makonzi ti asioni zo, mo hunzi nga azo ti lo kue. Luti kete

Matthieu 24:2

Me Jésus atene na ala: “Ala baa ye so kue so? Mbi tene na ala taa-tënë: fade têne oko ayeke ngba ndo so pepe na ndö ti mba ti lo; ye so kue ayeke tuku na sese.”