Mishe 1:5 - Mbeti ti Nzapa - Tënë so amu fini

⁵ Aye so kue asi ndali ti ngangu li ti *ahale ti Jacob, ndali ti asiokpari ti azo ti Israel. Zo wa laa ayeke pusu azo ti Jacob titene ala ga azo ti ngangu li? Ayeke azo ti Samarii pepe? Zo wa laa ayeke pusu azo ti Juda titene ala voro anzapa nde na ndo so ayeke na nduzu so? Ayeke azo ti Jérusalem pepe?

Mishe 1:5 Iomraidhean Croise

1 Agbia 11:7

Na ngoi ni so, Salomon aleke mbeni ndo na li ti hoto si lo zia ni nde ndali ti Kemosh, fungo nzapa ti azo ti mara ti Moab; hoto ni abaa le na gbata ti Jérusalem. Lo leke nga ndo ni ndali ti Molek, fungo nzapa ti azo ti mara ti Amon.

1 Agbia 13:32

Biani, tënë so lo tene so, KOTA GBIA laa azia na yanga ti lo si lo tene na tere ti gbalaka ti Betel nga na tere ti ada so kue a leke na ndö ti ahoto ti voro anzapa nde daa na ya ti agbata ti Samarii.”

1 Agbia 16:24

Na pekoni, lo gue, lo vo mbeni ndo na li ti hoto ti Samarii na maboko ti Semer na le ti nginza saki omene. Kâ, lo sara mbeni gbata so lo di iri ni Samarii. Nda ti iri so aga na lege ti iri ti Semer so ayeke ngbene wa ti hoto ni.

2 Mbai 34:3

Na ya ti ngu miombe so Yosias ale-gbia, so lo de maseka, lo to nda ti gi Nzapa ti kotara ti lo David. Na ngu baleoko na use ni, lo to nda ti sara si Juda na Jérusalem aga *nzoni: lo zi ando so azo aleke na ndö ti ahoto ti voro anzapa nde daa, akeke so a leke si aluti na nduzu ndali ti nzapa-wali *Ashera nga na ayanda so a leke na keke na ayanda so a kporo wen si a leke na ni.

2 Mbai 34:4

Na dawa ti lo, a kungbi na sese agbalaka ti anzapa *Baal; a kungbi na sese aye ti zongo na yombo so ayeke na ndö ti agbalaka ni; a fâ ya ti akeke so a leke aluti na nduzu ndali ti nzapa-wali Ashera nga na ayanda so a leke na keke na ayanda so a kporo wen si a leke na ni. A nika aye ni aga fuku si a tuku ni na ndö ti adu ti kuâ ti azo so amu *sandaga na ayanda ni.

Ésaïe 7:9

Samarii ayeke li-kodro ti Efraim, Peka ayeke gbia gi na Samarii. Tongana ala ma na be pepe, fade ala yeke gbu le ni pepe.”

Jérémie 2:17

Ye so kue asi na mo gi ndali ti mo wani pepe? Ye ni asi ndali ti so mo zia KOTA GBIA, Nzapa ti mo na ndembe so lo yeke fa lege na mo.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 23:13

“Na popo ti awayanga-Nzapa ti Samarii, mbi baa ye ti ziango ngonzo na be ti zo: ala tene peko ti tënë ti yanga ti *Baal, ala sara si Israel, azo ti mbi, ague kirikiri.

Jérémie 23:14

Me na popo ti awayanga-Nzapa ti Jérusalem, mbi baa kota ye ti buba: ala yeke lango na awali kirikiri, tenengo mvene aga ye ti tere ti ala, ala yeke mu maboko na azo ti sarango sioni. Tongaso, zo oko ti zia sioni ti lo ayeke daa pepe. Na le ti mbi, awayanga-Nzapa ni kue aga tongana azo ti Sodome; azo ti Jérusalem aga tongana azo ti Gomore.”

Jérémie 4:18

Futa ti lege ti dutingo ti mo na sioni sarango ye ti mo laa mo wara awe so! Ye ni asee, taa-tënë, me so lengo ti sioni ti mo laa! So ali taa mo, agbu bio!”

Jérémie 5:25

Sioni ti ala laa abuba lege ti aye so kue, siokpari ti ala laa akanga lege na ala ti wara anzoni ye so.

Jérémie 6:19

Ala ma si, ala azo ti sese kue: mbi yeke sara titene kota kpale ati na ndö ti azo ni, so ayeke futa ti asioni gbungo-li ti ala laa. Ala dingi mê ti ala ti ma atënë ti mbi pepe; ala baa atënë ti ndia ti mbi tongana mbumbuse ye.

Abia ti demango tere 5:16

Nengo ti e ti amolenge ti gbia ati awe. E sara siokpari awe; so mawa na e, azo!

Ezekiel 16:46

Yaya ti mo ti wali so ayeke na Banga ayeke Samarii, lo na agbata so ayeke nduru na lo. Ngambe ti mo ti wali so ayeke na Mbongo ayeke Sodome, lo na agbata so ayeke nduru na lo.

Osée 7:1

si mbi ye ti kai kobela ti Israel, sioni ti Efraim na sioni sarango ye ti azo ti Samarii ayeke sigigi polele. Azo ayeke handa amba ti ala ti mu ye ti ala, azo ti nzi ayeke li na ya ti da ti nzi ye ti azo, asioni zo amu ndö ti alege kue.

Amos 6:1

Mawa na ala, azo so alango kpoo na gbata ti *Sion! Mawa na ala, azo so alango na ndö ti hoto ti Samarii si ala baa atene, mbeni sioni ye ti sarango ala ayeke daa pepe so! Azo ayeke baa ala tongana akota zo mingi na popo ti amara si azo ti Israel ayeke ga gi na mbage ti ala!

Amos 7:9

Ando so *ahale ti Isaac aleke na nduzu ti voro anzapa daa, fade a yeke buba ni kue; ando ti vorongo nzapa ti azo ti Israel, fade a yeke kungbi ni kue na sese, fade mbi yeke londo na bira na tere ti azo ti sewa ti gbia Yeroboam.

Amos 8:14

Azo so kue ayeke deba na iri ti sioni yanda ti Samarii, ala so kue ayeke deba, atene: ‘nzapa ti Dan ayeke na fini!’, ‘lege ti vorongo nzapa ti Bersheba ayeke daa.’ Fade azo so kue ayeke ti na sese, ala yeke kiri ti londo pepe.”

Mishe 1:13

Ala azo ti gbata ti Lakish, ala kanga pusu na tere ti ambarata! Ala laa asara si azo ti *Sion asara siokpari, gi ala laa apusu azo ti Israel ti sara ngangu li.