Mishe 1:2 - Mbeti ti Nzapa - Tënë so amu fini

² Ala amara kue, ala ma si! Mo, sese na aye so kue ayeke na ndö ti mo, ala dingi mê ti ala, ala ma si! Ti londo na da ti lo so ayeke nde si ayeke nzoni kue, Kota Gbia NZAPA ayeke ga ti bi tënë na li ti ala.

Mishe 1:2 Iomraidhean Croise

1 Agbia 22:28

Mishe akiri tënë na lo, atene: “Tongana mo kiri na nzoni tere biani, andaa KOTA GBIA atene tënë na lege ti mbi pepe.” Lo kiri lo tene: “Ala amara kue, ala ma!”

2 Mbai 18:27

Mishe akiri tënë na lo, atene: “Tongana mo kiri na nzoni tere biani, andaa KOTA GBIA atene tënë na lege ti mbi pepe.” Lo kiri lo tene: “Ala amara kue, ala ma!”

Abia (Psaumes) 11:4

KOTA GBIA ayeke na ya ti kota da ti lo so ayeke nde si ayeke nzoni kue. Mbata ti lo ti gbia ayeke na yayu. Lo yeke baa ndo na ndö ti sese kue, le ti lo ayeke baa azo oko oko kue ti tara ala.

Abia (Psaumes) 24:1

Bia ti David. Sese so na aye ti ndö ni kue ayeke ti *KOTA GBIA. Dunia so na azo ti ndö ni kue ayeke ti lo.

Abia (Psaumes) 28:2

Ayeke nzoni mo ma toto ti mbi, tongana mbi iri mo ti mu maboko na mbi, tongana mbi yo maboko ti mbi na nduzu na mbage ti ndo ti mo so ayeke nde si ayeke nzoni kue ahon atanga ni.

Abia (Psaumes) 50:1

Bia ti Asaf. Nzapa, *KOTA GBIA Nzapa atene tënë: Ti londo na mbage so lâ ayeke londo daa ngbii asi na mbage so lâ ayeke kui daa, lo iri dunia kue ti ga.

Abia (Psaumes) 50:12

Tongana nzara ti kobe asara fade mbi, ka mbi tene tënë ni na mo? Biani, dunia na aye so kue ayeke na ya ni ayeke ti mbi.

Abia (Psaumes) 50:7

Azo ti mbi, ala ma mbi, mbi yeke tene tënë na ala; azo ti Israel, mbi yeke bi tënë na li ti ala: mbi laa mbi yeke Nzapa, Nzapa ti ala!

Amato 8:4

“Ala azo laa, mbi yeke iri ala; mbi yeke tene tënë so na ala kue.

Ésaïe 1:2

Yayu, mo ma! Sese, mo dingi mê ti mo, mo ma! *KOTA GBIA laa ayeke tene tënë so: “Mbi bata amolenge, ala kono na gbe ti mbi, me ala tomboka na tere ti mbi.

Ésaïe 18:3

Ala azo so kue alango na ndö ti dunia, ala so amu ndö ti sese, na ndembe so a yeke yo bendere na nduzu na ndö ti ahoto, ala baa ndo! Na ndembe so a yeke huru didi, ala ma!

Ésaïe 50:7

Kota Gbia NZAPA laa ayeke mu na mbi maboko, ndani laa zongango ndo ti ala asara ye oko na mbi pepe. Mbi sara si ndö ti le ti mbi akpengba tongana têne. Mbi hinga, mbi tene, fade kamene ayeke sara mbi pepe.

Jérémie 22:29

Kodro ti mbi, kodro ti mbi! Ma tënë ti KOTA GBIA si!

Jérémie 29:23

Ye so ayeke si na ala, ngbanga ti so ala sara kota ye ti kamene na sese ti Israel. Biani, ala lango na awali ti amba ti ala si ala tene, ani yeke tene peko ti atënë ti yanga ti mbi, ataa so mbi mu yanga na ala oko pepe. Mbi hinga ye so kue si mbi baa ye so kue.” So tënë ti yanga ti KOTA GBIA laa.

Jérémie 42:5

Ala kiri tënë na Jérémie: “E deba yanga ti e ti sara ye alingbi gi na tënë so KOTA GBIA, Nzapa ti mo ayeke fa na mo ti tene na e. Ayeke nzoni lo duti taa lo so ayeke bi tënë na li ti e tongana e sara ye alingbi na tënë ti yanga ti e ni pepe!

Jérémie 6:19

Ala ma si, ala azo ti sese kue: mbi yeke sara titene kota kpale ati na ndö ti azo ni, so ayeke futa ti asioni gbungo-li ti ala laa. Ala dingi mê ti ala ti ma atënë ti mbi pepe; ala baa atënë ti ndia ti mbi tongana mbumbuse ye.

Jonas 2:7

Mbi linda ngbii, mbi si na gere ti ahoto, yanga ti sese akanga na ndö ti mbi, akanga na ndö ti mbi biani biani; me, mo KOTA GBIA, Nzapa ti mbi, mo kiri mo mu mbi na gbe ni kâ si mo sigigi na mbi na fini.

Jonas 2:8

So mbi ga nduru na kuâ, be ti mbi ati na ndö ti mo, KOTA GBIA. Mbi sambela mo si mo ma sambela ti mbi na ya ti kota da ti mo so ayeke nde si ayeke nzoni kue so.

Habakuk 2:20

Me KOTA GBIA ayeke na ya ti kota da ti lo so ayeke nde si ayeke nzoni kue. Ayeke nzoni azo ti sese kue akai kpoo na dawa ti lo!”

Malashii 2:14

Ala hunda ndo, atene: “Ye tongaso asi ngbanga ti nyen?” – Asi ngbanga ti ye tongaso: Na dawa ti KOTA GBIA laa zo oko oko amu tere na wali ti lo ti maseka; wali ni ayeke mba ti lo, lo na wali ni aga oko na lege ti *mbuki so ayeke na popo ti ala. Me zo ni abuba lege ti mbuki ni na wali ni awe!

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Ndia ti fani use ni 32:1

“Yayu, mo dingi mê ti mo, fade mbi yeke tene tënë! Sese, mo ma atënë so mbi yeke tene!

Aye so Nzapa afa 2:11

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade lo yeke kui kuâ ti use ni oko pepe.”

Aye so Nzapa afa 2:17

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo *mane so angba na hondengo ni. Mbi yeke mu nga na lo mbeni vuru têne so a su fini iri na ndö ni, mbeni zo nde ahinga iri ni pepe, gi zo so awara iri ni si ahinga.”

Aye so Nzapa afa 2:29

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

Aye so Nzapa afa 2:7

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo lege ti te le ti keke so ayeke mu fini na zo si ayeke na ya ti *paradi ti Nzapa.”

Aye so Nzapa afa 3:13

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

Aye so Nzapa afa 3:22

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

Aye so Nzapa afa 3:6

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

Awafango-ngbanga 11:10

Akangba ti Israel atene na Yefte: “KOTA GBIA ama tënë so e tene so awe. Ayeke nzoni lo fâ ngbanga na li ti e tongana e sara ye alingbi na ni pepe.”