Mishe 1:1 - Mbeti ti Nzapa - Tënë so amu fini

¹ So ayeke tënë ti *KOTA GBIA so asi na Mishe, zo ti kodro ti Moreshet, na ngoi ti agbia Yotam, Ahaz nga na Ezekias, agbia ti Juda. Mishe abaa ye ni na ya ti mbeni ye tongana bango-li na ndö ti agbata ti Samarii na ti Jérusalem.

Mishe 1:1 Iomraidhean Croise

2 Agbia 15:32

Na ngu use ni so Peka, molenge ti Remalia ayeke gbia ti Israel laa Yotam, molenge ti Azaria, gbia ti Juda, aga gbia.

2 Agbia 15:5

KOTA GBIA abi sioni kobela na tere ti Azaria: lo ga zo ti buruma; lo ngba zo ti buruma ni ngbii lo kui na ni, lo lango gi lo oko na ya ti mbeni da nde. Molenge ti lo Yotam, makonzi ti aye ti yangbo ti gbia laa ayeke sara komandema na ndö ti kodro-gbia ni.

2 Agbia 16:1

Na ngu baleoko na mbarambara ni so Peka, molenge ti Remalia ayeke gbia laa Ahaz, molenge ti Yotam aga gbia ti Juda.

2 Agbia 18:1

Na ngu ota ni so Osée, molenge ti Ela ayeke gbia ti Israel laa Ezekias, molenge ti Ahaz aga gbia ti Juda.

2 Mbai 28:1

Ahaz ayeke na ngu baleuse si lo ga gbia; lo le-gbia ngu baleoko na omene na Jérusalem. Lo sara ye so ayeke mbirimbiri pepe na le ti *KOTA GBIA; lo sara ye tongana ti kotara ti lo David pepe.

2 Mbai 29:1

Ezekias ayeke na ngu baleuse na oku si lo ga gbia; lo le-gbia ngu baleuse na gumbaya na Jérusalem. Iri ti mama ti lo ayeke Abi, molenge ti Zakarii.

Ésaïe 1:1

So ayeke tënë ti aye so Ésaïe, molenge ti Amoz abaa na ya ti mbeni ye tongana bango-li: aye ni ayeke na ndö ti kodro ti Juda nga na ndö ti gbata ti Jérusalem. Lo baa ni na ngoi so Ozias, Yotam, Ahaz na Ezekias ayeke agbia ti Juda.

Ésaïe 1:2

Yayu, mo ma! Sese, mo dingi mê ti mo, mo ma! *KOTA GBIA laa ayeke tene tënë so: “Mbi bata amolenge, ala kono na gbe ti mbi, me ala tomboka na tere ti mbi.

Ésaïe 7:1

Na ngoi so Ahaz, molenge ti Yotam, molenge ti Ozias ayeke gbia ti Juda, Resen, gbia ti Sirii na Peka, molenge ti Remalia, gbia ti Israel, alondo ti gue ti tiri bira na azo ti Jérusalem. Me ala wara lege ti mu gbata ni pepe.

Ésaïe 7:9

Samarii ayeke li-kodro ti Efraim, Peka ayeke gbia gi na Samarii. Tongana ala ma na be pepe, fade ala yeke gbu le ni pepe.”

Jérémie 26:18

“Na ngoi so Ezekias ayeke gbia ti Juda, Mishe ti gbata ti Moreshet ayeke daa; lo yeke mbeni wayanga-Nzapa. Mishe atene na azo ti Juda kue, lo tene: Tënë so KOTA GBIA so ayeke na ndö ti dunia kue atene ayeke so: ‘Fade *Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.’

Osée 1:1

Tënë ti *KOTA GBIA asi na Osée, molenge ti Beeri na ngoi so Ozias, Yotam, Ahaz na Ezekias ayeke agbia ti Juda. Gi na oko ngoi so Yeroboam, molenge ti Yoas ayeke gbia ti Israel.

Osée 4:15

“Tongana mo Israel, mo sara ye ti ndumba, ayeke nzoni Juda asara gi mara ti sioni ye so pepe. Ala gue na Gilgal pepe, ala gue na Bet-Aven pepe si ala deba yanga ti ala pepe, atene: ‘KOTA GBIA ayeke na fini!’ ”

Osée 8:14

“Be ti azo ti Israel agirisa na lo so asara ala, ala sara gi ayangbo. Ti azo ti Juda, ala kiri asara agbata gbani gbani so ngangu gbagba ayeke na tere ni. Me fade mbi yeke tokua wâ na ya ti agbata ti ala ni si wâ ni ayeke gbi apendere da ti ala.”

Amos 1:1

So ayeke atënë ti Amos, mbeni wabatango-taba ti kete kodro ti Tekoa. Na ya ti mbeni ye tongana bango-li, lo baa ye na ndö ti Israel na ngoi so Ozias ayeke gbia ti Juda si Yeroboam, molenge ti Yoas, ayeke gbia ti Israel. Ye ni asi ngu use kozoni si sese ayingi.

Amos 6:1

Mawa na ala, azo so alango kpoo na gbata ti *Sion! Mawa na ala, azo so alango na ndö ti hoto ti Samarii si ala baa atene, mbeni sioni ye ti sarango ala ayeke daa pepe so! Azo ayeke baa ala tongana akota zo mingi na popo ti amara si azo ti Israel ayeke ga gi na mbage ti ala!

Mishe 1:5

Aye so kue asi ndali ti ngangu li ti *ahale ti Jacob, ndali ti asiokpari ti azo ti Israel. Zo wa laa ayeke pusu azo ti Jacob titene ala ga azo ti ngangu li? Ayeke azo ti Samarii pepe? Zo wa laa ayeke pusu azo ti Juda titene ala voro anzapa nde na ndo so ayeke na nduzu so? Ayeke azo ti Jérusalem pepe?

Mishe 3:9

Ala amakonzi ti *ahale ti Jacob, ala azo so ayeke na li ti azo ti Israel, ala ma tënë so! Be ti ala ke tënë ti fango ngbanga ti mbirimbiri, ala yeke buba tënë ti fango ngbanga na lege ti ndia.

Habakuk 1:1

So ayeke nengo tënë so wayanga-Nzapa Habakuk abaa na ya ti mbeni ye tongana bango-li.

2 Pierre 1:21

Biani, zo alondo na be ti lo wani ti tene peko ti tënë ti yanga ti Nzapa pepe, me Yingo-Vuru laa ayeke fa lege na azo titene ala tene tënë na iri ti Nzapa.