Matthieu 9:6 - Mbeti ti Nzapa - Tënë so amu fini

⁶ Titene ala hinga so *Molenge ti Zo ayeke na ngangu ti zi siokpari ti azo na ndö ti sese so, Jésus atene na koli so mbage ti tere ti lo abuba so, atene: “Londo, mu kelekpa ti mo, mo gue na da ti mo!”

Matthieu 9:6 Iomraidhean Croise

Ésaïe 43:25

Me mbi, gi mbi oko, mbi wani laa mbi yeke zi siokpari na li ti mo; fade mbi yeke kiri ti dabe ti mbi na sioni ti mo pepe.

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Matthieu 4:24

Sango ti Jésus amu ya ti sese ti Sirii kue. Nilaa azo aga na lo azo so tere ti ala aso, ala so ayeke na akobela nde nde si ala yeke na siriri pepe: ala so ayeke na asioni yingo, ala so ayeke na kobela ti makako nga na ala so mbage ti tere ti ala abuba. Jésus akai kobela na tere ti ala kue.

Matthieu 8:20

Jésus atene na lo: “Anyama ti gbungo kondo ayeke na du so ala yeke lango na ya ni, andeke ti nduzu ayeke na da ti lango ti ala; me *Molenge ti Zo ayeke na mbeni ndo ti ziango li ti lo daa pepe.”

Matthieu 9:2

Ambeni zo amu mbeni koli so mbage ti tere ti lo abuba si aga na lo na Jésus. Koli ni ayeke lango na ndö ti kelekpa. Jésus abaa mabe ti azo ni si lo tene na koli so mbage ti tere ti lo abuba so, lo tene: “Kanga be ti mo, molenge ti mbi! A zi siokpari ti mo awe!”

Matthieu 9:5

Titene zo atene: ‘A zi siokpari ti mo awe’, wala titene zo atene: ‘Londo, mo tambula’, so wa laa ayeke ngangu pepe?”

Matthieu 9:7

Koli ni alondo si lo gue na da ti lo.

Marc 2:10

Me ti sara si ala hinga atene, *Molenge ti Zo ayeke na ngangu ti zi asiokpari na ndö ti sese so, Jésus atene na zo so mbage ti tere ti lo abuba so, atene:

Marc 2:7

“Ngbanga ti nyen si koli so ayeke zonga Nzapa tongaso? Zo wa laa alingbi ti zi asiokpari ti azo? Gi Nzapa oko!”

Nzoni Tënë so Luc asu na mbeti 5:21

Awafango-ndia na afarizien ato nda ti tene na be ti ala, atene: “Lo yeke zo wa si lo yeke zonga Nzapa so? Zo wa laa alingbi ti zi asiokpari ti azo? Gi Nzapa oko!”

Jean 10:28

Mbi yeke mu na ala fini so angba lakue lakue; ala yeke kui ande laoko pepe, zo oko alingbi ti gboto ala na maboko ti mbi pepe.

Jean 17:2

Mo mu na lo ngangu ti sara komandema na ndö ti azo kue. Tongaso si lo mu fini so angba lakue lakue na azo so kue mo mu ala na lo.

Jean 5:27

Tongaso lo mu ngangu ti fango ngbanga na Molenge ni, ngbanga ti so Molenge ni ayeke *Molenge ti Zo.

Jean 5:8

Jésus atene na lo: “Londo, mo mu konza ti mo, mo tambula!”

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Awatokua 9:34

Pierre atene na lo: “Ene, Jésus Christ akai kobela ti mo awe! Londo, mo leke gbogbo ti mo!” Gi hio tongaso, Ene alondo.

2 Korente 2:10

Tongana ala zi tënë na li ti mbeni zo, mbi nga, mbi yeke zi tënë na li ti lo. Tongana mbi zi tënë na li ti zo – tongana ti so mbi wara lege ti sarango ni – mbi zi ni ndali ti ala, na le ti Christ.

2 Korente 5:20

Tongaso, e yeke sara kua ti lembe na iri ti Christ; Nzapa wani laa airi ala na lege ti e: e voro ala na iri ti Christ, ala yeda titene songo akiri na popo ti ala na Nzapa.

Efeze 4:32

Ala sara nzoni na popo ti ala, ala baa mawa ti amba ti ala; ala zi tënë na li ti amba ti ala na popo ti ala tongana ti so Nzapa azi tënë na li ti ala, ngbanga ti gango so ala ga oko na Christ.

Kolose 3:13

Ala kanga be na amba ti ala na popo ti ala. Tongana mbeni zo ayeke na tënë na mba ti lo, ala zi tënë na li ti amba ti ala na popo ti ala, tongana ti so Christ azi tënë na li ti ala; ala nga, ala sara tongaso!