Matthieu 9:4 - Mbeti ti Nzapa - Tënë so amu fini

⁴ Jésus ahinga tënë ti be ti ala si lo hunda ala, lo tene: “Ngbanga ti nyen si be ti ala ayeke sioni tongaso?

Matthieu 9:4 Iomraidhean Croise

Abia (Psaumes) 139:2

Tongana mbi londo, mo hinga; tongana mbi duti, mo hinga. Aye so mbi yeke leke na be ti mbi kâ, mo hinga ni kozoni awe.

Abia (Psaumes) 44:21

Tongana e girisa lani Nzapa ti e, tongana e sambela lani mbeni nzapa nde,

Ezekiel 38:10

“Tënë so mbi Kota Gbia NZAPA, mbi tene ayeke so: Na lango ni so, fade atënë mingi mingi ayeke ga na be ti mo; mo yeke leke pialo so ayeke sioni.

Matthieu 12:25

Jésus ahinga tënë ti be ti ala si lo tene na ala: “Kodro so kue akangbi si azo ni ayeke tiri na popo ti ala, fade kodro ni ayeke buba. Gbata so kue wala sewa so akangbi si azo ni ayeke tiri na popo ti ala alingbi ti ngba pepe.

Marc 12:15

Me Jésus ahinga atene, tënë ti yanga ti afarizien ayeke nde na sarango ye ti ala. Tongaso lo tene na ala: “Ngbanga ti nyen ala ye ti sara si mbi ti na ya ti gbanda ti ala? Ala ga na mbi mbeni le ti nginza, mbi baa.”

Marc 2:8

Gi hio tongaso, Jésus ahinga tënë ti be ti ala si lo hunda ala, lo tene: “Ala yeke tene mara ti atënë tongaso na be ti ala ngbanga ti nyen?

Nzoni Tënë so Luc asu na mbeti 11:17

Me lo hinga tënë ti be ti ala si lo tene na ala: “Kodro so kue azo ni akangbi si ala yeke tiri na popo ti ala, fade kodro ni ayeke buba; ada ti ya ni kue ayeke kungbi oko oko kue si ayeke tuku na ndö ti tere.

Nzoni Tënë so Luc asu na mbeti 5:22

Me Jésus ahinga tënë ti be ti ala kue si lo tene na ala: “Ngbanga ti nyen laa ala yeke tene mara ti tënë tongaso na be ti ala?

Nzoni Tënë so Luc asu na mbeti 6:8

Me Jésus ahinga atënë ti be ti ala. Nilaa lo tene na koli so maboko ti lo abuba so, lo tene: “Londo, mo luti na ndo so na le ti azo kue!” Koli ni alondo si lo luti.

Nzoni Tënë so Luc asu na mbeti 7:40

Jésus amu tënë si lo tene na farizien ni: “Simon, mbi yeke na mbeni tënë ti tene na mo.” Simon atene: “Wafango-ye, tene tënë ni!”

Jean 16:19

Jésus ahinga atene, ala ye ti hunda lo na tënë; nilaa lo tene na ala: “Mbi tene fade, mbi tene: ‘Ngoi angba gi kete titene ala kiri abaa mbi pepe si kete na pekoni, ala yeke kiri ti baa mbi.’ Tënë so ala yeke hunda tere na popo ti ala na ndö ni laa?

Jean 16:30

Ti fadeso, e hinga, e tene, mo hinga ye kue, mo lingbi titene zo akiri ahunda mo na mbeni tënë pepe. Ndani laa e ma na be so, mo londo na Nzapa si mo ga.”

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Jean 6:61

Me Jésus ahinga so, adisiple ti lo ayeke kasa lo na gbe ti go ti ala ngbanga ti tënë so. Ndani laa lo hunda ala, lo tene: “Tënë so aso be ti ala?

Jean 6:64

Me ambeni zo na popo ti ala ama na be pepe.” Biani, Jésus ahinga ngbene ye na tongo nda ni azo so ama na be pepe nga na zo so ayeke ka ande lo.

Awatokua 5:9

Tongaso Pierre atene na lo: “Ngbanga ti nyen si mo na koli ti mo, ala leke na be ti ala ti tara Yingo ti *Kota Gbia so? Baa, akoli so alu koli ti mo ayeke na yanga ti da. Fade ala yeke mu nga mo ti gue na mo!”

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.