Matthieu 9:35 - Mbeti ti Nzapa - Tënë so amu fini

³⁵ Jésus atambula na ya ti agbata kue, na akete kodro; lo fa ye na ya ti ada ti sambelango Nzapa ti azo ni, lo fa Nzoni Tënë ti *Kodro-gbia ti yayu, lo kai kobela na tere ti azo si ala so mbage ti tere ti ala abuba, lo sara si aga nzoni.

Matthieu 9:35 Iomraidhean Croise

Matthieu 10:1

Na pekoni, Jésus airi adisiple ti lo baleoko na use si lo mu na ala ngangu ti tumba asioni yingo, ti kai kobela na tere ti azo, ti sara nga si azo so mbage ti tere ti ala abuba, akiri aga nzoni.

Matthieu 11:1

So Jésus ahunzi ti mu yanga na adisiple ti lo baleoko na use awe, lo londo si lo gue ti fa ye na azo, ti fa nga Nzoni Tënë na ya ti agbata ti ala.

Matthieu 11:5

awaziba akiri abaa ndo, azo so gere ti ala abuba akiri atambula nzoni, tere ti azo ti buruma aga nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.

Marc 1:14

Na peko ti so a bi Jean na da ti kanga, Jésus ague na Galile si lo fa Nzoni Tënë ti Nzapa na azo.

Marc 6:56

Na ndo so kue Jésus ayeke hon daa, wala na ya ti agbata, wala na ya ti akete kodro, wala na ya ti akete kodro so ayeke na yanga ti yaka kue, azo ayeke mu azo ti kobela, azia ala na ndö ti abalabala; ala hunda na lo titene lo zia ala ti ndu gi yanga ti kota bongo ti lo. Azo so kue andu lo, tere ti ala aga nzoni.

Marc 6:6

Li ti lo akpe ngbanga ti so azo ni ake ti ma na be. Na pekoni, Jésus ague ti fa ye na azo na ya ti akete kodro so ayeke na tere ti Nazaret.

Nzoni Tënë so Luc asu na mbeti 13:22

Jésus amu lege ti gue na Jérusalem, lo hon na ya ti agbata na akete kodro si lo yeke fa ye na azo.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 2:22

“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala.