Matthieu 9:27 - Mbeti ti Nzapa - Tënë so amu fini

²⁷ So Jésus alondo na ndo so ti hon, awaziba use amu peko ti lo; ala yeke dekongo, atene: “Molenge ti David, baa mawa ti e!”

Matthieu 9:27 Iomraidhean Croise

Matthieu 1:1

So ayeke mbeti ti iri ti akotara ti Jésus Christ, lo so lo yeke *hale ti David; David ayeke hale ti Abraham.

Matthieu 11:5

awaziba akiri abaa ndo, azo so gere ti ala abuba akiri atambula nzoni, tere ti azo ti buruma aga nzoni, azo so mê ti ala akanga akiri ama ndo, azo azingo na kuâ, a fa Nzoni Tënë na azo ti mawa.

Matthieu 15:22

Mbeni wali ti kodro ti Kanaan aga si lo dekongo, lo tene: “*Kota Gbia, Molenge ti David, baa mawa ti mbi! Molenge ti mbi ti wali ayeke na sioni yingo na ya ti lo si asara lo pasi mingi.”

Matthieu 17:15

“*Kota Gbia, baa mawa ti molenge ti mbi! Lo yeke na kobela ti makako si lo yeke baa pasi mingi. Fani mingi lo ti na le ti wâ nga na ya ti ngu.

Matthieu 20:29

So Jésus na adisiple ti lo alondo na gbata ti Jéricho si ala yeke sigigi, gba ti azo amu peko ti lo.

Matthieu 21:15

So akota wayango-sandaga na awafango-ndia abaa aye ti kpene so Jésus asara si ala baa nga amolenge so ayeke dekongo na ya ti kota da ti Nzapa, atene: “E gonda Molenge ti David”, be ti ala aso.

Matthieu 21:9

Azo so ayeke tambula na dawa ti Jésus na ala so ayeke tambula na peko ti lo ayeke dekongo, atene: “E gonda Molenge ti David! Ayeke nzoni Nzapa asara tufa na ndö ti lo so aga na iri ti Kota Gbia! E gonda Nzapa so ayeke na yayu kâ na ndö ti aye kue!”

Matthieu 9:28

So Jésus ali na ya ti da awe, awaziba so aga nduru na tere ti lo; lo hunda ala, lo tene: “Ala ma na be biani so mbi lingbi ti sara ye so?” Ala kiri tënë na lo: “*Kota Gbia, mo lingbi ti sara ni.”

Marc 11:10

Ayeke nzoni Nzapa asara tufa na ndö ti *Kodro-gbia ti Nzapa so ayeke ga, kodro so kotara ti e David aduti gbia daa! E gonda Nzapa so ayeke na yayu kâ na ndö ti aye kue!”

Marc 9:22

Lakue yingo ni ayeke bi lo na le ti wâ wala na ya ti ngu titene lo kui. Me tongana mo lingbi ti sara mbeni ye ndali ti lo, baa mawa ti e, mu maboko na e!”

Nzoni Tënë so Luc asu na mbeti 17:13

si ala dekongo, atene: “Jésus, kota zo, baa mawa ti e!”

Nzoni Tënë so Luc asu na mbeti 20:41

Jésus atene na ala: “Tongana nyen si azo alingbi ti tene, *Mesii ayeke molenge ti David so?

Nzoni Tënë so Luc asu na mbeti 7:21

Na ndembe ni so, Jésus akai kobela na tere ti azo mingi, lo sara si azo so mbage ti tere ti ala abuba, aga nzoni, lo tumba asioni yingo na ya ti azo, lo sara si awaziba abaa ndo.

Jean 7:42

Mbeti ti Nzapa atene: ‘Fade Mesii ni ayeke *hale ti David. Lo yeke londo ande na Betlehem, kodro ti David si lo yeke ga.’”

Rome 1:3

Nzoni Tënë ni ayeke tënë ti Molenge ti lo: na lege ti dungo ti zo, a du lo na ya ti *hale ti David.

Rome 9:5

ala yeke *ahale ti akotara, Christ asigigi na ya ti ala na lege ti dutingo ti lo ti zo, lo yeke Nzapa so ayeke na ndö ti aye kue. Ayeke nzoni azo agonda lo kpu na kpu! Amen.