Matthieu 9:23 - Mbeti ti Nzapa - Tënë so amu fini

²³ So Jésus asi na da ti makonzi ni, lo baa azo ti hurungo *ngoli nga na azo so ayeke toto kuâ ni.

Matthieu 9:23 Iomraidhean Croise

2 Mbai 35:25

Wayanga-Nzapa Jérémie aleke mbeni bia ti totongo na kuâ ti Yosias. Ti londo na ngoi so ngbii asi laso, azo ti hengo bia, akoli kue na awali kue atene tënë ti Yosias na ya ti abia ti ala. Sarango ye tongaso aga mbeni ndia na sese ti Israel. A su abia so na Mbeti ti abia ti totongo kuâ.

Jérémie 16:6

Na ya ti kodro so, fade akota zo na akete zo ayeke kui; a yeke lu kuâ ti ala pepe, a yeke toto kuâ ti ala pepe si zo ti suru tere ti lo na ka, wala ti kio kua ti li ti lo ndali ti ala ayeke daa pepe.

Ezekiel 24:17

Mo dema gi na be ti mo, mo sara mua pepe; me mo kanga na li ti mo bongo so a yeke kanga na li tongana kpoto, mo yu poro ti mo. Mo mu bongo, mo kanga na kua ti yanga ti mo pepe, mo te kobe so a to ndali ti totongo na kuâ pepe.”

Matthieu 11:17

‘E huru *ngoli titene ala dodo, me ala dodo pepe! E he na ala bia ti totongo kuâ, me ala toto pepe!’

Nzoni Tënë so Luc asu na mbeti 7:32

Ala yeke tongana amolenge so aduti na le ti kodro si ala yeke tene na popo ti ala: ‘E huru *ngoli titene ala dodo, me ala dodo pepe. E he na ala bia ti totongo kuâ, me ala toto pepe.’

Awatokua 20:10

Paul azu na sese, lo kuku na ndö ti lo, lo mu lo na ya ti maboko ti lo si lo tene: “Be ti ala agi ala pepe, lo yeke na fini!”

Awatokua 9:39

Tongaso Pierre alondo hio si lo na ala ague. So lo si kâ, ala gue na lo na ya ti kubu ti nduzu. Awali-mua abongbi na tere ti Pierre si ala yeke toto; ala yeke fa na lo anduzu-bongo na ayongoro bongo so Dorkas afu ni na ngoi so lo ngba na fini.

Aye so Nzapa afa 18:22

Babilone, zo ayeke kiri ti ma ngombi ti azo ti pikango kundi, na go ti azo ti hengo bia, na toto ti *ngoli na ti tatalita na ndo ti mo pepe. Zo ayeke kiri ti wara azo ti sarango akua nde nde na kode na ndo ti mo pepe; zo ayeke kiri ti ma nga toto ti têne ti nikango na ye na ndo ti mo pepe.