Matthieu 9:22 - Mbeti ti Nzapa - Tënë so amu fini

²² Jésus abi le ti lo na peko, lo baa wali so si lo tene na lo: “Molenge ti mbi, de be ti mo! Mabe ti mo asoo mo awe.” Gi na ndembe ni so, kobela ti wali ni akai.

Matthieu 9:22 Iomraidhean Croise

Matthieu 15:28

Tongaso, Jésus akiri tënë na lo: “Wali, mabe ti mo ayeke kota! Ye so mo ye so, ayeke nzoni mo wara ni.” Gi na ndembe ni so, tere ti molenge ti lo ni aga nzoni.

Matthieu 17:18

Jésus asuku ngangu na sioni yingo ni si yingo ni asigigi na ya ti molenge ni. Gi na ndembe ni so, tere ti molenge ni aga nzoni.

Matthieu 8:13

Na pekoni, Jésus atene na kapita ti aturugu ni, atene: “Kiri na da ti mo! Fade ye ni ayeke si alingbi na mabe ti mo.” Gi na ndembe ni so, kobela ti zo ti kua ni akai.

Matthieu 9:2

Ambeni zo amu mbeni koli so mbage ti tere ti lo abuba si aga na lo na Jésus. Koli ni ayeke lango na ndö ti kelekpa. Jésus abaa mabe ti azo ni si lo tene na koli so mbage ti tere ti lo abuba so, lo tene: “Kanga be ti mo, molenge ti mbi! A zi siokpari ti mo awe!”

Matthieu 9:29

Tongaso Jésus andu le ti ala si lo tene: “Ayeke nzoni ye ni asi alingbi na mabe ti ala!”

Marc 10:52

Jésus atene na lo: “Mo gue, mabe ti mo asoo mo awe!” Gi hio na pekoni, waziba ni ato nda ti baa ndo si lo mu peko ti Jésus.

Marc 5:34

Jésus atene na lo: “Molenge ti mbi ti wali, mabe ti mo asoo mo awe. Kobela ti mo akai awe, mo gue nzoni.”

Nzoni Tënë so Luc asu na mbeti 17:19

Na pekoni, Jésus atene na lo: “Londo, mo gue, mabe ti mo asoo mo awe.”

Nzoni Tënë so Luc asu na mbeti 18:42

Jésus atene na lo: “Baa ndo! Mabe ti mo asoo mo awe!”

Nzoni Tënë so Luc asu na mbeti 7:50

Me Jésus atene na wali ni: “Mabe ti mo asoo mo awe. Mo gue nzoni!”

Nzoni Tënë so Luc asu na mbeti 8:48

Jésus atene na lo: “Molenge ti mbi ti wali, mabe ti mo asoo mo awe, mo gue nzoni!”

Jean 4:53

Babâ ni adabe ti lo so, ayeke gi na ngbonga ni so laa Jésus atene na lo, atene: “Molenge ti mo ayeke na fini!” Nilaa lo na azo ti sewa ti lo kue ama na be.

Awatokua 14:9

Mbeni lâ, lo yeke ma tënë so Paul ayeke fa. Paul abaa ndo na le ti koli ni si lo baa so koli ni ayeke na mabe titene tere ti lo aga nzoni.

Awatokua 16:18

Lo sara ye ni so na ya ti alango mingi. Ye ni ahon ndoni si be ti Paul aso, lo baa ndo na wali ni si lo tene na yingo ni, lo tene: “Na iri ti Jésus Christ, mbi mu yanga na mo: sigigi na ya ti wali so!” Gi na ndembe ni so, yingo ni asigigi na ya ti lo.

Ahebro 4:2

Biani, e nga, e ma Nzoni Tënë tongana ti so akotara ti e ama ni ando so. Me Nzoni Tënë ni asara ye oko na ala pepe, ngbanga ti so azo so ama tënë ni, ala ma na be na ni pepe.