Matthieu 9:18 - Mbeti ti Nzapa - Tënë so amu fini

¹⁸ So Jésus angba ti tene tënë so na ala, mbeni makonzi ti azuife aga nduru na tere ti lo; lo kuku na gbe ti Jésus si lo tene na lo: “Molenge ti mbi ti wali akui gi fafadeso. Mo ga, mo zia maboko ti mo na ndö ti lo si fade lo kiri na fini.”

Matthieu 9:18 Iomraidhean Croise

2 Agbia 5:11

Ngonzo agbu Naaman mingi; lo londo ti gue si lo tene: “Mbi baa ti mbi fade mbi tene, wayanga-Nzapa ni wani ayeke sigigi ti luti na dawa ti mbi, ti yoro maboko ti lo na ndo so kobela ti buruma ni ayeke daa, ti sambela *KOTA GBIA, Nzapa ti lo si buruma ni ahunzi.

Matthieu 14:33

Adisiple so ayeke na ya ti ngo ni akuku na gbe ti lo si ala tene na lo: “Biani, mo yeke Molenge ti Nzapa!”

Matthieu 15:25

Me wali ni aga, lo kuku na gbe ti Jésus si lo tene na lo: “Kota Gbia, mu maboko na mbi!”

Matthieu 17:14

So ala si nduru na ndo so gba ti azo ayeke daa, mbeni koli aga nduru na Jésus, lo kuku na gbe ti lo si lo tene:

Matthieu 20:20

Na pekoni, mama ti amolenge ti Zebede aga nduru na tere ti Jésus; lo na amolenge ti lo ti koli laa aga. Lo kuku na gbe ti Jésus ti hunda mbeni ye na lo.

Matthieu 28:17

So ala baa lo, ala kuku na sese na gbe ti lo, me ambeni na popo ti ala adekite.

Matthieu 8:2

Mbeni zo ti buruma aga nduru na tere ti lo si akuku na gbe ti lo, atene: “*Kota Gbia, tongana mo ye, mo lingbi ti sara si tere ti mbi aga nzoni.”

Matthieu 8:25

Adisiple ti lo ague na tere ti lo si ala zingo lo, atene: “*Kota Gbia, e yeke kui! Soo e na kuâ!”

Matthieu 9:17

Zo alingbi nga ti tuku fini vin na ya ti ngbene bozo ti poro pepe. Tongaso pepe, fade bozo ni ayeke sungba, vin ni atuku na sese si bozo ni abuba. Me ayeke nzoni ti tuku fini vin na ya ti fini bozo si fade aye ni use kue angba nzoni.”

Matthieu 9:19

Tongaso, Jésus na adisiple ti lo alondo si ala mu peko ti koli so.

Matthieu 9:24

Lo tene na ala: “Ala kue asigigi! Molenge-wali so akui pepe, me lo yeke lango langongo!” Azo ni kue ahe Jésus na ngia.

Nzoni Tënë so Luc asu na mbeti 13:14

Makonzi ti da ti sambelango Nzapa ni asara ngonzo, ngbanga ti so Jésus akai kobela na lango ti wungo tere. Tongaso lo tene na gba ti azo so, lo tene: “Alango ti sarango na kua ayeke omene. Tongaso ala ga na ya ti alango ni so si a kai akobela ti ala, me na lango ti wungo tere pepe!”

Nzoni Tënë so Luc asu na mbeti 18:18

Mbeni makonzi ti azuife ahunda Jésus, atene: “Nzoni wafango-ye, nyen laa mbi lingbi ti sara ti wara fini so angba lakue lakue?”

Nzoni Tënë so Luc asu na mbeti 7:2

Mbeni kapita ti aturugu ti Rome ayeke na zo ti kua so lo ye lo mingi. Zo ti kua ni ayeke na kobela si lo ga nduru ti kui.

Jean 11:25

Jésus atene na lo: “Mbi yeke zingongo ti akuâ, mbi yeke fini. Zo so ama na be na mbi, ataa lo kui, fade lo yeke duti na fini.

Jean 11:32

Marie ague, asi na ndo so Jésus ayeke daa. So Marie abaa Jésus, lo ti na gbe ti lo si lo tene na lo: “*Kota Gbia, tongana mo yeke fade na ndo so, ka ita ti mbi akui pepe!”

Awatokua 13:15

So a diko ambeti ti *Ndia na ti awayanga-Nzapa awe, amakonzi ti da ti sambelango Nzapa atokua na ala, atene: “A-ita, tongana ala yeke na mbeni tënë ti mu ngangu na be ti azo ni, ala tene tënë!”

Awatokua 28:8

Babâ ti Publius ayeke na gbogbo; lo yeke na kobela ti wâ ti tere si lo yeke sasa na mene. Paul ague, abaa lo, lo zia maboko na ndö ti lo, lo sambela si kobela ti lo akai.