Matthieu 9:17 - Mbeti ti Nzapa - Tënë so amu fini

¹⁷ Zo alingbi nga ti tuku fini vin na ya ti ngbene bozo ti poro pepe. Tongaso pepe, fade bozo ni ayeke sungba, vin ni atuku na sese si bozo ni abuba. Me ayeke nzoni ti tuku fini vin na ya ti fini bozo si fade aye ni use kue angba nzoni.”

Matthieu 9:17 Iomraidhean Croise

Mbeti ti Job 32:19

Tënë ni ayeke kporo na ya ti mbi tongana vin so ayeke gi lege ti sigingo ni gbaa si asungba afini bozo ti poro.

Abia (Psaumes) 119:83

Mbi yeke tongana bozo so a sara na poro ti nyama si azia na ndö ti wâ titene ahole, me mbi girisa ambela ti mo pepe.

Matthieu 9:16

“Zo alingbi ti mu fini yanga ti bongo ti fu na le ti ka ti ngbene bongo pepe. Tongaso pepe, fade fini yanga ti bongo ni ayeke suru ngbene bongo ni si le ti ka ni aga kota ahon ndoni.

Matthieu 9:18

So Jésus angba ti tene tënë so na ala, mbeni makonzi ti azuife aga nduru na tere ti lo; lo kuku na gbe ti Jésus si lo tene na lo: “Molenge ti mbi ti wali akui gi fafadeso. Mo ga, mo zia maboko ti mo na ndö ti lo si fade lo kiri na fini.”

Marc 2:22

Zo alingbi nga ti tuku fini vin na ya ti ngbene bozo ti poro pepe, ngbanga ti so fade vin ni ayeke sungba ya ti bozo ni si vin ni na bozo ni kue abuba. Zo ayeke zia fini vin gi na ya ti fini bozo ti poro.”

Nzoni Tënë so Luc asu na mbeti 5:37

Zo alingbi nga ti tuku fini vin na ya ti ngbene bozo ti poro pepe. Tongaso pepe, fade fini vin ni ayeke sara si bozo ni asungba, vin ni atuku na sese si bozo ni abuba.

Nzoni Tënë so Luc asu na mbeti 5:38

Me alingbi atuku fini vin na ya ti fini bozo.

Josué 9:4

Ti azo ti Gabaon, ala sara ye na mayere. Ala leke akobe ti ala ti tengo ni na lege, ala mu agbagba sake na agbagba bozo ti samba so a sara ni na poro ti nyama, a suru surungo, ala fu ni kirikiri si ala zia ni na ndö ti alele.