Matthieu 9:16 - Mbeti ti Nzapa - Tënë so amu fini

¹⁶ “Zo alingbi ti mu fini yanga ti bongo ti fu na le ti ka ti ngbene bongo pepe. Tongaso pepe, fade fini yanga ti bongo ni ayeke suru ngbene bongo ni si le ti ka ni aga kota ahon ndoni.

Matthieu 9:16 Iomraidhean Croise

Tongo nda ti aye 33:14

Ayeke nzoni mo, kota zo ti mbi, mo hon ti mo kozo ti mbi, zo ti gbe ti mo. Fade anyama ti mbi na amolenge ti mbi ayeke na dawa si mbi yeke tambula yeke-yeke alingbi na tambula ti ala ngbii mbi si na ndo ti mo, kota zo ti mbi, na sese ti Seir.”

Abia (Psaumes) 125:3

Fade mbeni sioni gbia alingbi ti sara komandema pepe na ndö ti kodro so aga ye ti azo ti mbirimbiri; tongaso pepe, fade azo ti mbirimbiri ni ayeke yoro tere ti ala na ya ti sioni.

Ésaïe 40:11

Tongana wabatango-taba, lo yeke gue na ataba ti lo na ndo ti tengo pere, lo yeke sara maboko ti lo ti bongbi ala; lo yeke yo akete taba ni na ya ti maboko ti lo, lo yeke gue yeke-yeke na ataba so ayeke mu me na amolenge ti ala.”

Matthieu 9:15

Jésus akiri tënë na ala: “Azo so a tisa ala na matanga ti mungo tere ti koli na wali, fade ala lingbi ti duti na vundu na ndembe so koli ni ade na popo ti ala? Oko pepe! Me ambeni lango ayeke ga so fade a yeke mu koli ni na popo ti ala, a hon na lo; na ngoi ni so laa fade ala yeke ke kobe.

Matthieu 9:17

Zo alingbi nga ti tuku fini vin na ya ti ngbene bozo ti poro pepe. Tongaso pepe, fade bozo ni ayeke sungba, vin ni atuku na sese si bozo ni abuba. Me ayeke nzoni ti tuku fini vin na ya ti fini bozo si fade aye ni use kue angba nzoni.”

Marc 2:21

“Zo alingbi ti mu fini yanga ti bongo ti fu na le ti ka ti ngbene bongo pepe, ngbanga ti so fade fini yanga ti bongo ni ayeke suru ngbene bongo ni si le ti ka ni aga kota.

Nzoni Tënë so Luc asu na mbeti 5:36

Jésus atene nga na ala mbeni toli, atene: “Zo alingbi ti suru yanga ti fini bongo ti fu na le ti ka ti ngbene bongo pepe. Tongaso pepe, fade fini bongo ni ayeke suru si nduru yanga ti fini bongo ni alingbi na ngbene bongo ni pepe.

Jean 16:12

“Mbi yeke na tënë mingi ti tene na ala, me ti fadeso ala lingbi ti kanga be ti ala daa pepe.

1 Korente 13:13

Fadeso, aye ota so ayeke ngba: mabe, ziango be ti ku ye na ndoye; me ndoye ayeke kota ahon atanga ni kue.

2 Korente 9:12

Ye so ala bongbi so ayeke gi ndali ti mungo maboko na azo ti Nzapa so ye atia ala so pepe, me ayeke nga ti sara si azo mingi amu singila na Nzapa ndali ni.