Matthieu 9:15 - Mbeti ti Nzapa - Tënë so amu fini

¹⁵ Jésus akiri tënë na ala: “Azo so a tisa ala na matanga ti mungo tere ti koli na wali, fade ala lingbi ti duti na vundu na ndembe so koli ni ade na popo ti ala? Oko pepe! Me ambeni lango ayeke ga so fade a yeke mu koli ni na popo ti ala, a hon na lo; na ngoi ni so laa fade ala yeke ke kobe.

Matthieu 9:15 Iomraidhean Croise

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Matthieu 9:14

Adisiple ti Jean-Baptiste aga nduru na tere ti Jésus si ala hunda lo, atene: “E na *afarizien, e yeke ke kobe ti sambela. Ngbanga ti nyen si adisiple ti mo ayeke ke kobe pepe so?”

Matthieu 9:16

“Zo alingbi ti mu fini yanga ti bongo ti fu na le ti ka ti ngbene bongo pepe. Tongaso pepe, fade fini yanga ti bongo ni ayeke suru ngbene bongo ni si le ti ka ni aga kota ahon ndoni.

Marc 2:19

Jésus atene na ala: “Azo so a tisa ala na matanga ti mungo tere ti koli na wali, fade ala lingbi ti ke kobe ti sambela na ndembe so koli ni ade na popo ti ala? Oko pepe! Tongana koli ti wali ni ade na popo ti ala, ala lingbi ti ke kobe pepe.

Marc 2:20

Me ambeni lango ayeke ga so fade a yeke mu koli ni na popo ti ala, a hon na lo. Tongaso, na lango so laa fade ala yeke ke kobe.”

Nzoni Tënë so Luc asu na mbeti 17:22

Na pekoni, Jésus atene na adisiple: “Ambeni lango ayeke ga so fade ala yeke sara nzara ti bango *Molenge ti Zo gi ti lango oko, me ala yeke baa lo pepe.

Nzoni Tënë so Luc asu na mbeti 5:34

Jésus atene na ala: “Azo so a tisa ala na matanga ti mungo tere ti koli na wali, fade ala yeke hunda na azo ni ti ke kobe na ndembe so koli ni ade na popo ti ala? Oko pepe!

Nzoni Tënë so Luc asu na mbeti 5:35

Me ambeni lango ayeke ga so fade a yeke mu koli ni na popo ti ala, a hon na lo; na ngoi so laa, fade ala yeke ke kobe.”

Jean 16:6

Me vundu agbu be ti ala ngbanga ti tënë so mbi tene na ala so.

Jean 3:29

Zo so ayeke na wali ayeke koli ti wali ni; me zo so lo na koli ti wali ni aye tere, lo yeke luti nduru na tere ti koli ni si lo yeke na ngia ti ma go ti koli ti wali ni. Nda ti ngia so mbi yeke na ni laa; laso ngia ni alingbi kue.

Awatokua 14:23

Paul na Barnabas asoro *akangba si azia ala na li ti *a-Eglize ni oko oko kue. Na peko ti so ala ke kobe si ala sambela, ala zia akangba ni na maboko ti *Kota Gbia, lo so ala ma na be na lo.

1 Korente 7:5

Ala gbanzi tere ti ala na ndö ti gbogbo pepe, gi tongana ala ma tere na ya ti mbeni kete ngoi ti sambela. Na pekoni, ala kiri ti duti tongana ti kozo; tongaso pepe, fade ala yeke na ngangu ti kangango nzara ti tere pepe si Satan awara lege ti handango ala.

2 Korente 11:27

Mbi sara angangu kua mingi, aye ti ngangu asi na mbi mingi, lege mingi lango akpe na le ti mbi; nzara ti kobe na ti ngu asara mbi; lege mingi mbi lango nzara; lege mingi de asara mbi, bongo atia mbi.

Aye so Nzapa afa 19:9

*Ange ni atene na mbi: “Su tënë so na mbeti: ‘Ti ala nzoni, azo so a tisa ala ti gue na matanga ti mungo wali ti Molenge ti Taba!’ ” Ange ni akiri atene: “So taa atënë so alondo na Nzapa.”

Aye so Nzapa afa 21:2

Mbi baa gbata so ayeke nde si ayeke nzoni kue, fini Jérusalem, so alondo na yayu na tere ti Nzapa si ayeke zu ti ga. Gbata ni aleke tere ti lo tongana mbeni wali so aye ti mu koli na fini ni si ayu aye ti pendere ti yamba na koli ti lo.