Matthieu 8:9 - Mbeti ti Nzapa - Tënë so amu fini

⁹ Mbi wani, mbi yeke na gbe ti ambeni makonzi so kamba ti ala ahon ti mbi; mbi yeke nga na aturugu na gbe ti mbi. Tongana mbi tene na mbeni oko, mbi tene: ‘Gue kâ!’, lo yeke gue. Tongana mbi tene na mbeni, mbi tene: ‘Ga na ndo so!’, lo yeke ga. Tongana mbi tene na zo ti kua ti mbi, mbi tene: ‘Sara ye so!’, lo yeke sara ni.”

Matthieu 8:9 Iomraidhean Croise

Abia (Psaumes) 119:91

Ndali ti atënë ti fango ngbanga ti mo, aye so mo sara angba ngbii asi laso. Biani, dunia kue ayeke sara kua na mo.

Abia (Psaumes) 148:8

Ala wâ na *pembe ti bekpa, *neze na guru ti le ti ngu, ala sepela lo! Ala, na kota pupu so ayeke sara ye na peko ti yanga ti lo, ala sepela lo!

Matthieu 8:10

So Jésus ama tënë so, lo gonda lo mingi si lo tene na azo so amu peko ti lo, lo tene: “Mbi tene na ala taa-tënë: mbi de ti baa mara ti mabe tongaso na kodro ti Israel pepe.

Matthieu 8:8

Me kapita ti aturugu ni akiri tënë, atene: “Kota Gbia, mbi kpa zo so mo lingbi ti li na ya ti da ti lo pepe. Mo tene gi mbeni tënë oko si fade kobela ti zo ti kua ti mbi akai!

Marc 1:27

Li ti azo ni kue akpe si ala hunda tere ti ala, atene: “So nyen! Mbeni fini fango ye ni laa tongana ti zo ti komandema so? Ataa asioni yingo, lo mu yanga na ala si ala yeke ma gi yanga ti lo!”

Nzoni Tënë so Luc asu na mbeti 4:39

Lo dingi tere ti lo na ndö ti mama ni, lo suku na kobela ti wâ ti tere ni si kobela ni alondo na tere ti lo. Gi na pekoni, mama ni alondo si ato nda ti sara na ala.

Nzoni Tënë so Luc asu na mbeti 7:8

Mbi wani, mbi yeke na gbe ti ambeni makonzi so kamba ti ala ahon ti mbi; mbi yeke nga na aturugu na gbe ti mbi. Tongana mbi tene na mbeni oko, mbi tene: ‘Gue kâ!’, lo yeke gue. Tongana mbi tene na mbeni, mbi tene: ‘Ga na ndo so!’, lo yeke ga. Tongana mbi tene na zo ti kua ti mbi, mbi tene: ‘Sara ye so!’, lo yeke sara ni.”

Nzoni Tënë so Luc asu na mbeti 9:1

Jésus abongbi adisiple baleoko na use si lo mu na ala ngangu na komandema ti tumba na asioni yingo kue nga ti kai na akobela.

Kolose 3:22

Angbaa, ala ma yanga ti awa ti ala ti ndö ti sese so na ya ti aye kue. Ala sara kua gi ndali ti le ti awa ti ala pepe, mo baa mo tene, ala yeke gi ti ga nzoni na le ti azo; me ala sara kua ti ala na be ti ala oko ndali ti so, ala yeke kpe mbeto ti Kota Gbia.

Tite 2:9

Alingbi angbaa ama yanga ti awa ti ala na ya ti aye kue. Ala sara ye so anzere na be ti awa ti ala ni: ala *bingbi tënë na awa ti ala pepe,