Matthieu 8:6 - Mbeti ti Nzapa - Tënë so amu fini

⁶ atene: “*Kota Gbia, zo ti kua ti mbi ayeke lango na gbogbo na da, tere ti lo aso mingi, lo lingbi ti londo na nduzu pepe.”

Matthieu 8:6 Iomraidhean Croise

Matthieu 4:24

Sango ti Jésus amu ya ti sese ti Sirii kue. Nilaa azo aga na lo azo so tere ti ala aso, ala so ayeke na akobela nde nde si ala yeke na siriri pepe: ala so ayeke na asioni yingo, ala so ayeke na kobela ti makako nga na ala so mbage ti tere ti ala abuba. Jésus akai kobela na tere ti ala kue.

Matthieu 8:7

Jésus atene na lo: “Fade mbi yeke gue ti kai kobela ti lo.”

Matthieu 9:2

Ambeni zo amu mbeni koli so mbage ti tere ti lo abuba si aga na lo na Jésus. Koli ni ayeke lango na ndö ti kelekpa. Jésus abaa mabe ti azo ni si lo tene na koli so mbage ti tere ti lo abuba so, lo tene: “Kanga be ti mo, molenge ti mbi! A zi siokpari ti mo awe!”

Awatokua 10:7

Na pekoni, ange so atene tënë ni so ahon ti lo. Corneille airi azo ti kua ti lo use na mbeni turugu oko so agbu tënë ti Nzapa mingi si lo yeke na gbe ti lo aninga.

Awatokua 8:7

Biani, asioni yingo asigigi na ya ti azo mingi na dekongo na yanga ti ala. Azo mingi so mbeni mbage ti tere ti ala abuba na ala so gere ti ala abuba, tere ti ala aga nzoni.

Awatokua 9:33

Kâ, lo wara mbeni koli so iri ti lo Ene; mbage ti tere ti lo abuba si lo ngba na gbogbo na ya ti ngu miombe.

Kolose 3:11

Nilaa greke wala zuife ayeke daa mbeni pepe, zo so afâ *ganza wala zo so afâ ganza pepe, zo ti amara nde wala basanzi, ngbaa wala zo so ayeke ngbaa pepe ayeke daa mbeni pepe; me kota ye ni ayeke so: Christ ayeke ye kue si lo yeke na be ti azo ti lo kue.

Kolose 4:1

Ala awa ti angbaa, ala sara na angbaa ti ala ye so ayeke mbirimbiri na ye so ayeke na legeni. Ayeke nzoni ala hinga atene, ala nga, ala yeke na wa ti ala na yayu.

1 Timothée 6:2

Angbaa so awa ti ala ama na be, ala yeke a-ita ti ala azo ti Nzapa, me so laa amu lege na angbaa ni ti baa awa ti ala tongana asenge zo pepe. Me alingbi angbaa asara kua nzoni ahon ti kozoni, ngbanga ti so azo so ayeke baa nzoni na peko ti kua ti ala ni ayeke a-ita ti ala so ama na be si Nzapa aye ala mingi. Baa, ye so mo lingbi ti fa na azo si mo mu yanga na ala ti sara ni laa.

Philémon 1:16

Ti fadeso, lo yeke gi ngbaa pepe, me lo hon ngbaa awe; lo yeke ita so e ye lo mingi. Mbi ye lo ahon ndoni, mo nga, fade mo yeke ye lo ahon ndoni, ngbanga ti so lo yeke mba ti mo zo si lo yeke nga mba ti mo, zo ti *Kota Gbia.