Matthieu 8:4 - Mbeti ti Nzapa - Tënë so amu fini

⁴ Na pekoni, Jésus atene na lo: “Ma mbi nzoni! Mo tene tënë ni na zo oko pepe; me mo gue, mo fa tere ti mo na wayango-sandaga titene lo baa mo, mo mu *sandaga so Moïse amu ando yanga ti mungo ni so, tongaso si mo fa na le ti azo kue so, tere ti mo aga nzoni awe.”

Matthieu 8:4 Iomraidhean Croise

Ésaïe 42:21

Ndali ti mbirimbiri ti lo wani, KOTA GBIA aye ti fa so *Ndia ti lo ayeke kota si ayeke pendere mingi.

Awayango-sandaga 13:49

Tongana mbeni nzoroko ti ngu-ngunza si abe kete asigigi na tere ti aye ni so, andaa asioni gugu laa. Fade a yeke gue na ni na wayango-sandaga titene lo baa ni.

Matthieu 10:18

Fade azo ni ayeke mu ala ti gue na ala na gbe ti akomanda na agbia ndali ti mbi si ala, adisiple ti mbi, ala yeke tene ye so ala hinga na ndö ti mbi na azo ni nga na azo ti amara nde.

Matthieu 16:20

Na pekoni, Jésus amu yanga na adisiple ti lo, atene: “Ala tene na zo pepe atene, mbi yeke *Mesii.”

Matthieu 17:9

So ala londo na li ti hoto ni si ala yeke zu, Jésus amu yanga na ala, atene: “Ala tene tënë ti ye so ala baa so na zo oko pepe; ala ku ngbii na ngoi so *Molenge ti Zo ayeke zingo ande na kuâ.”

Matthieu 3:15

Me Jésus akiri tënë na lo: “Ti fadeso, ayeke nzoni e sara tongaso si e lingbi ti sara ye so kue ayeke mbirimbiri na le ti Nzapa.” Tongaso Jean ayeda.

Matthieu 5:17

“Ala baa ti ala pepe atene, mbi ga ti mingo *Ndia ti Moïse wala tënë ti awayanga-Nzapa. Mbi ga ti mingo ye oko pepe, me ti sara si mbirimbiri nda ti atënë ni aduti daa.

Matthieu 6:1

“Ala sara hange! Tongana ala sara nzoni kua ndali ti Nzapa, ala sara ni titene azo abaa ala pepe. Tongana ala yeke sara kua ni gi ndali ti le ti azo, fade Babâ ti ala so ayeke na yayu ayeke mu na ala futa ni pepe.

Matthieu 9:30

Gi na peko ti tënë so, le ti ala azi. Jésus agboto mê ti ala ngangu, lo tene: “Ala tene tënë ni na zo oko pepe!”

Marc 13:9

Me ti ala, ala sara hange! Fade azo ayeke gue na ala na gbe ti ngbanga; azo ayeke pika ala na ya ti ada ti sambelango Nzapa. Ala yeke luti na le ti agovoronere na agbia ndali ti mbi titene ala tene tënë ti mbi na le ti ala.

Marc 3:12

Me Jésus asuku na ala ngangu titene ala sigigi na nda ti lo pepe.

Marc 5:43

Me Jésus agboto mê ti ala ngangu titene ala tene tënë ni na zo oko pepe. Na pekoni, lo tene na ala: “Ala mu na lo mbeni ye ti tengo ni.”

Marc 6:11

Tongana azo ti mbeni kodro ake ti yamba ala, wala aye ti ma tënë ti ala pepe, ala londo na ndo ni so ahon. Ala pika sese ti gbe ti gere ti ala ti fa na azo ni so ala sara sioni awe.”

Marc 7:36

Jésus amu yanga na ala titene ala tene tënë ni na zo oko pepe. Me lakue tongana lo yeke ke na ala ti fa na azo tënë ti aye so lo sara, ala kiri adekongo na ni ahon ti kozoni.

Marc 8:30

Tongaso Jésus agboto mê ti ala ngangu ti tene tënë ni na zo oko pepe.

Marc 9:9

So ala londo na ndö ti hoto ni si ala yeke zu, Jésus amu yanga na ala, atene: “Ala tene tënë ti ye so ala baa so na zo oko pepe, ngbii asi na ngoi so *Molenge ti Zo ayeke zingo ande na kuâ.”

Nzoni Tënë so Luc asu na mbeti 17:14

So lo baa ala, lo tene na ala: “Ala gue, afa tere ti ala na awayango-sandaga.” Na lege ti guengo ni, tere ti ala aga *nzoni.

Nzoni Tënë so Luc asu na mbeti 21:13

Tongaso si fade ala yeke wara lege ti tene tënë ti mbi na le ti azo kue.

Nzoni Tënë so Luc asu na mbeti 4:41

Asioni yingo nga asigigi na ya ti azo mingi. Ala dekongo, atene: “Mo yeke Molenge ti Nzapa.” Me Jésus asuku ngangu na ayingo ni. Lo ke na ala ti tene tënë, ngbanga ti so ala hinga atene, lo yeke Christ.

Nzoni Tënë so Luc asu na mbeti 5:14

Jésus amu yanga na lo, atene: “Mo tene tënë ni na mbeni zo oko pepe! Me mo gue, mo fa tere ti mo na wayango-sandaga titene lo baa mo; na pekoni, mo mu *sandaga so Moïse amu yanga ando ti mungo ni so. Tongaso si mo fa na le ti azo kue so tere ti mo aga *nzoni awe.”

Nzoni Tënë so Luc asu na mbeti 8:56

Li ti babâ na mama ti molenge-wali ni akpe; me Jésus amu yanga na ala ti tene tënë ni na zo oko pepe.

Nzoni Tënë so Luc asu na mbeti 9:21

Jésus asuku na ala ngangu titene ala tene tënë ni na zo oko pepe.

Jean 5:41

“Mbi yeke gi titene azo agonda mbi pepe.

Jean 7:18

Zo so ayeke tene gi tënë ti be ti lo, lo yeke gi titene azo agonda lo. Me zo so ayeke gi titene azo agonda zo so atokua lo, lo yeke tene gi taa-tënë; tënë ti mvene ayeke na yanga ti lo pepe.

Jean 8:50

Mbi yeke gi titene azo agonda mbi pepe, me mbeni zo ayeke daa so ayeke sara titene mbi wara gonda, lo laa lo yeke wafango-ngbanga.