Matthieu 8:34 - Mbeti ti Nzapa - Tënë so amu fini

³⁴ Tongaso azo ti gbata ni kue ague ti tengbi na Jésus. So ala baa lo, ala voro lo ti londo na sese ti ala ti hon.

Matthieu 8:34 Iomraidhean Croise

1 Agbia 17:18

Mama ti molenge ni atene na Élie: “Zo ti Nzapa, ti mo na mbi nyen? Mo ga na da ti mbi ti kiri ti fa na Nzapa peko ti asioni ye so mbi sara? Mo ga nga ti sara titene molenge ti mbi akui?”

1 Agbia 18:17

Gi so Akab abaa Élie, lo tene na Élie: “Mo laa mo ga na kpale na ndö ti azo ti Israel so pepe?”

Mbeti ti Job 21:14

Andaa ala tene na Nzapa, atene: “Zia e kpoo! E ye ti hinga lege ti mo pepe.

Mbeti ti Job 22:17

Azo ni ayeke tene na Nzapa: “Zia e kpoo! Lo so ngangu ti lo ahon angangu kue so, nyen laa lo lingbi ti sara na e, nyen?”

Amos 7:12

Na pekoni, Amasia atene na Amos: “Mo zo ti bango aye so, londo mo hon! Kpe, mo gue na sese ti Juda; kâ, mo lingbi ti tene peko ti tënë ti yanga ti Nzapa si mo wara na kobe ti yanga ti mo!

Matthieu 8:29

Ala dekongo, atene: “Mo, Molenge ti Nzapa! Ti mo na e nyen? Mo ga ti sara pasi na e kozoni si lango ni asi?”

Nzoni Tënë so Luc asu na mbeti 5:8

So Simon Pierre abaa tongaso, lo ti na gbe ti Jésus si lo tene na lo: “*Kota Gbia, hon yongoro na tere ti mbi, ngbanga ti so mbi yeke zo ti siokpari!”

Nzoni Tënë so Luc asu na mbeti 8:28

So lo baa Jésus, lo dekongo, lo ti na gbe ti lo si lo tene tënë na kota go, lo tene: “Jésus, Molenge ti Nzapa so ayeke na yayu kâ na ndö ti aye kue, ti mo na mbi nyen? Mbi gbu gere ti mo, sara sioni na mbi pepe!”

Awatokua 16:39

Tongaso ala gue, agbu gere ti Paul na Silas, azi ala na da ti kanga ni si ahunda na ala ti sigigi na ya ti gbata ni ti gue.

Ndia ti fani use ni 5:25

Me ngbanga ti nyen si e yeke gi titene kota wâ so agbi e kue ti hunzi e? Tongana e kiri e ma go ti KOTA GBIA Nzapa ti e, gbaa e yeke kui!

1 Samuel 16:4

Samuel asara ye so KOTA GBIA atene tënë ni si lo gue na Betlehem. *Akangba ti kodro aga awara lo, tere ti ala ayeke do na mbeto si ala hunda lo, atene: “Mo ga na e nzoni tënë?”