Matthieu 8:3 - Mbeti ti Nzapa - Tënë so amu fini

³ Jésus ayoro maboko ti lo, lo ndu koli ni si lo tene: “Mbi yeda! Ayeke nzoni tere ti mo aga nzoni!” Gi hio tongaso, buruma ti koli ni akai.

Matthieu 8:3 Iomraidhean Croise

Tongo nda ti aye 1:3

Nzapa atene: “Ayeke nzoni ndo avuru!” Si ndo ni avuru.

2 Agbia 5:11

Ngonzo agbu Naaman mingi; lo londo ti gue si lo tene: “Mbi baa ti mbi fade mbi tene, wayanga-Nzapa ni wani ayeke sigigi ti luti na dawa ti mbi, ti yoro maboko ti lo na ndo so kobela ti buruma ni ayeke daa, ti sambela *KOTA GBIA, Nzapa ti lo si buruma ni ahunzi.

2 Agbia 5:14

Tongaso Naaman azu na ngu ti Jourdain, lo li na ya ti ngu ni fani mbarambara alingbi na tënë so zo ti Nzapa atene. Na pekoni, tere ti lo aga *nzoni: poro ti tere ti lo akiri aga tongana ti kete molenge.

Abia (Psaumes) 33:9

Lo laa lo tene tënë si ye ni asi; lo laa lo mu yanga si ye ni abaa gigi.

Sigingo 4:7

KOTA GBIA akiri atene: “Kiri na maboko ti mo ni na ndö ti kate ti mo, na gbe ti bongo ti mo.” Moïse asara ye ni. So lo kiri lo zi ni, maboko ti lo ni akiri aga nzoni.

Matthieu 12:13

Na pekoni, Jésus atene na koli so: “Yoro ya ti maboko ti mo.” Lo yoro ni si maboko ti lo aga nzoni tongana ti mbage ni.

Marc 1:41

Mawa ti lo agbu Jésus; lo yoro maboko ti lo, lo ndu koli so si lo tene na lo: “Mbi yeda! Ayeke nzoni tere ti mo aga nzoni.”

Marc 4:39

Lo londo, lo suku ngangu na pupu ni, lo tene: “Kai! Duti kpoo!” Tongaso pupu ni akai si ndo ade ngii.

Marc 5:41

Lo gbu maboko ti molenge ni si lo tene na lo: “Talita kum!” Nda ni atene: “Molenge-wali, mbi tene na mo, mo londo!”

Marc 7:34

Na pekoni, lo yo le ti lo na nduzu, lo wu si lo tene na koli ni: “Efata!”, so ti tene: “Zi tere ti mo!”

Marc 9:25

Jésus abaa gba ti azo so ayeke kpe ti ga na tere ti ala; lo suku ngangu na sioni yingo so, lo tene: “Mo, yingo so mo yeke kanga yanga na mê ti zo: sigigi na ya ti molenge so! Kiri mo li na ya ti lo pepe!”

Nzoni Tënë so Luc asu na mbeti 4:27

Azo ti buruma nga asi singo ando na Israel na ngoi ti wayanga-Nzapa Élisée; me buruma ti mbeni zo oko na popo ti ala ahunzi pepe, gi ti Naaman, zo ti sese ti Sirii.”

Nzoni Tënë so Luc asu na mbeti 5:13

Jésus ayoro maboko ti lo, lo ndu koli ni si lo tene: “Mbi yeda! Ayeke nzoni tere ti mo aga *nzoni.” Gi na pekoni, buruma ni alondo na tere ti lo.

Nzoni Tënë so Luc asu na mbeti 7:14

Jésus ague nduru si lo ndu kelekpa ti kuâ ni; azo ti yongo kuâ ni aluti. Jésus atene: “Maseka-koli, mbi tene na mo, zingo!”

Jean 11:43

Na peko ti tënë so, Jésus adekongo, lo tene: “Lazare, sigigi!”

Jean 15:24

Aye so zo asara laoko pepe, mbi sara ni na popo ti azo ti dunia. Tongana mbi sara ni fade pepe, ka siokpari ayeke na li ti ala pepe. Fadeso, ala baa aye so kue mbi sara, me ala ngba ti ke mbi nga na Babâ ti mbi.

Jean 5:21

Tongana ti so Babâ ayeke zingo akuâ si lo yeke mu na ala fini, Molenge nga ayeke mu fini na zo so be ti lo aye.