Matthieu 8:27 - Mbeti ti Nzapa - Tënë so amu fini

²⁷ Be ti azo ni kue ado si ala tene: “Zo so ayeke zo wa si pupu na amapo kue ayeke ma yanga ti lo so?”

Matthieu 8:27 Iomraidhean Croise

Matthieu 14:33

Adisiple so ayeke na ya ti ngo ni akuku na gbe ti lo si ala tene na lo: “Biani, mo yeke Molenge ti Nzapa!”

Matthieu 15:31

Li ti azo ni kue akpe, ngbanga ti so ala baa abuburu atene tënë, azo so mbage ti tere ti ala abuba, tere ti ala akiri aga nzoni, azo so gere ti ala abuba, ala yeke tambula, awaziba akiri abaa ndo. Tongaso ala gonda Nzapa ti Israel.

Matthieu 8:10

So Jésus ama tënë so, lo gonda lo mingi si lo tene na azo so amu peko ti lo, lo tene: “Mbi tene na ala taa-tënë: mbi de ti baa mara ti mabe tongaso na kodro ti Israel pepe.

Matthieu 8:26

Jésus atene na ala: “Ala azo ti kete mabe, mbeto agbu ala ngbanga ti nyen?” Na pekoni, lo londo, lo suku na pupu nga na amapo ni si ndo ade ngii.

Matthieu 8:28

So Jésus asi na mbage ti ngu ni, na sese ti azo ti Gadara, ambeni koli use alondo na popo ti adu ti kuâ, ala sigigi si aga atengbi na lo. Akoli so ayeke na asioni yingo na ya ti ala. Ala yeke asioni zo mingi, nilaa zo alingbi ti hon pepe na lege so ala yeke daa.

Marc 1:27

Li ti azo ni kue akpe si ala hunda tere ti ala, atene: “So nyen! Mbeni fini fango ye ni laa tongana ti zo ti komandema so? Ataa asioni yingo, lo mu yanga na ala si ala yeke ma gi yanga ti lo!”

Marc 6:51

Na pekoni, lo ko na ya ti ngo na tere ti ala si pupu ni akai. Li ti adisiple ti lo kue akpe,

Marc 7:37

Azo so ama tënë ni, li ti ala kue akpe si ala tene: “Ye so kue lo yeke sara ayeke nzoni mingi! Lo yeke sara nga si azo so mê ti ala akanga ama ndo si abuburu atene tënë!”