Matthieu 8:26 - Mbeti ti Nzapa - Tënë so amu fini

²⁶ Jésus atene na ala: “Ala azo ti kete mabe, mbeto agbu ala ngbanga ti nyen?” Na pekoni, lo londo, lo suku na pupu nga na amapo ni si ndo ade ngii.

Matthieu 8:26 Iomraidhean Croise

Abia (Psaumes) 65:7

Na lege ti ngangu ti mo, mo sara si ahoto aluti mbirimbiri, mo kanga ngangu na tere ti mo tongana kazaka ti wen.

Abia (Psaumes) 89:9

KOTA GBIA, Nzapa so ayeke na ndö ti dunia kue, zo wa laa ayeke ngangu tongana mo, zo wa? KOTA GBIA, batango tënë ti yanga ti mo so mo yeke bata laa angoro mo.

Ésaïe 63:12

Na mbage ti maboko ti Moïse ti koli, lo yoro maboko ti lo ti ngangu; lo sara si ya ti ngu akangbi na dawa ti ala, lo sara tongaso titene azo agonda iri ti lo lakue lakue.

Nahum 1:4

Lo suku na kota ngu-ingo si kota ngu-ingo ni ahole; lo sara titene *abale kue ahole. Tongaso apere so ayeke na sese ti Bashan na akeke ti hoto ti Karmel ahole; akongo ti pere ti hoto ti Liban ahole.

Habakuk 3:8

KOTA GBIA, be ti mo aso na tere ti akota ngu? Ngonzo ti mo alondo na tere ti akota ngu? Ngonzo ti mo ti wâ alondo na tere ti kota ngu-ingo? Tongana mo ko na ndö ti ambarata ti mo, apusu ti mbarata ti mo ayeke gue na mo ti so benda.

Matthieu 16:8

Jésus ahinga tënë so ala yeke tene na popo ti ala si lo hunda ala, lo tene: “Ala azo ti kete mabe, tënë ti nyen laa ala yeke tene na popo ti ala na ndö ti tënë ti mapa so ala yeke na ni pepe so?

Matthieu 17:20

Jésus akiri tënë na ala: “Ngbanga ti so mabe ti ala ayeke kete. Biani, mbi tene na ala: tongana konongo ti mabe ti ala alingbi na konongo ti kete kete le ti keke ti mutarde, fade ala yeke tene na hoto so: ‘Londo na ndo so, mo gue kâ.’ Fade hoto ni ayeke hon; ye alingbi ti kara ala oko pepe. [

Matthieu 6:30

Apere so ayeke laso na ya ti ngonda si kekereke a yeke tuku ni na le ti wâ so, Nzapa aleke ni pendere. Ala azo ti kete mabe, Nzapa alingbi ti sara si ala wara bongo pepe?

Matthieu 8:27

Be ti azo ni kue ado si ala tene: “Zo so ayeke zo wa si pupu na amapo kue ayeke ma yanga ti lo so?”

Nzoni Tënë so Luc asu na mbeti 4:35

Jésus asuku ngangu na yingo ni, atene: “Kanga yanga ti mo! Sigigi na ya ti koli so!” Sioni yingo ni akinda koli ni na sese na le ti azo kue si lo sigigi na ya ti lo. Me lo sara ye ti sioni oko na koli ni pepe.

Rome 4:20

Me lo zia be ti lo na ndö ti zendo ti Nzapa, lo dekite pepe; lo kpengba na lege ti mabe si lo gonda Nzapa.

Aye so Nzapa afa 10:2

Lo gbu na maboko ti lo mbeni kete buku so a zi ya ni. Lo zia gere ti lo ti mbage ti koli na ndö ti kota ngu-ingo si lo zia gere ti lo ti mbage ti wali na ndö ti sese.