Matthieu 8:2 - Mbeti ti Nzapa - Tënë so amu fini

² Mbeni zo ti buruma aga nduru na tere ti lo si akuku na gbe ti lo, atene: “*Kota Gbia, tongana mo ye, mo lingbi ti sara si tere ti mbi aga nzoni.”

Matthieu 8:2 Iomraidhean Croise

2 Samuel 3:39

A tuku mafuta na li ti mbi titene mbi ga gbia awe; me fadeso, ade mbi wara ngangu mingi pepe si akoli so iri ti mama ti ala ayeke Seruya ayeke azo ti sarango ngangu mingi ahon mbi. Ayeke nzoni KOTA GBIA akiri sioni na zo ti sioni alingbi na sioni ti lo.”

2 Agbia 15:5

KOTA GBIA abi sioni kobela na tere ti Azaria: lo ga zo ti buruma; lo ngba zo ti buruma ni ngbii lo kui na ni, lo lango gi lo oko na ya ti mbeni da nde. Molenge ti lo Yotam, makonzi ti aye ti yangbo ti gbia laa ayeke sara komandema na ndö ti kodro-gbia ni.

2 Agbia 5:1

Naaman ayeke makonzi ti aturugu ti gbia ti Sirii. Kota zo ti lo aye tënë ti lo mingi si ayeke gonda lo, ngbanga ti so na lege ti lo, Nzapa asara si azo ti Sirii aso benda na ndö ti awato ti ala. Me koli so, ngangu zo ti tiringo bira so, lo yeke zo ti buruma.

2 Agbia 5:27

Biani, fade buruma ti Naaman ayeke ga ti ngba na tere ti mo nga na tere ti *ahale ti mo kpu na kpu!” So Gehazi azia Élisée ti gue, buruma amu tere ti lo si poro ti tere ti lo avuru vurungo tongana tukia.

Wungo ti azo 12:10

Na ndembe so mbinda aya ahon na ndö ti da ti bongo ni, buruma amu tere ti Miriam kue; tere ti lo avuru tuuu. Aaron abaa ndo na mbage ti Miriam, lo baa so buruma amu tere ti lo kue awe.

Matthieu 10:8

Ala kai kobela na tere ti azo, ala zingo akuâ, ala sara si tere ti azo ti buruma aga nzoni, ala tumba asioni yingo. Nzapa amu ye na ala senge senge, ala mu nga ye na azo senge senge.

Matthieu 13:58

Jésus asara aye ti kpene mingi na ndo so pepe, ngbanga ti so azo ni ama na be pepe.

Matthieu 14:33

Adisiple so ayeke na ya ti ngo ni akuku na gbe ti lo si ala tene na lo: “Biani, mo yeke Molenge ti Nzapa!”

Matthieu 15:25

Me wali ni aga, lo kuku na gbe ti Jésus si lo tene na lo: “Kota Gbia, mu maboko na mbi!”

Matthieu 18:26

Na mango tënë so, zo ti kua so ati na gbe ti gbia, lo kuku na sese, lo voro lo, lo tene: ‘Ku mbi kete, fade mbi yeke futa na mo ye ti mo kue!’

Matthieu 2:11

Ala li na ya ti da ni si ala baa molenge ni na mama ti lo Marie. Ala kuku na sese si ala voro molenge ni. Na pekoni, ala zi ya ti akungba ti ala si ala mu anzoni ye na molenge ni: lôro, dukani na *mire.

Matthieu 20:20

Na pekoni, mama ti amolenge ti Zebede aga nduru na tere ti Jésus; lo na amolenge ti lo ti koli laa aga. Lo kuku na gbe ti Jésus ti hunda mbeni ye na lo.

Matthieu 26:6

So Jésus ayeke na Betanii, na ya ti da ti Simon, zo ti buruma,

Matthieu 28:17

So ala baa lo, ala kuku na sese na gbe ti lo, me ambeni na popo ti ala adekite.

Matthieu 28:9

Mo ye ti baa, Jésus aga atengbi na ala si lo tene na ala: “Mbi bara ala!” Ala ga nduru na tere ti lo, ala gbu gere ti lo si ala kuku na gbe ti lo.

Matthieu 4:9

si lo tene na lo: “Tongana mo kuku na gbe ti mbi si mo voro mbi, fade mbi yeke mu aye so kue na mo.”

Matthieu 8:1

So Jésus alondo na li ti hoto si lo yeke zu, gba ti azo amu peko ti lo.

Matthieu 8:25

Adisiple ti lo ague na tere ti lo si ala zingo lo, atene: “*Kota Gbia, e yeke kui! Soo e na kuâ!”

Matthieu 9:18

So Jésus angba ti tene tënë so na ala, mbeni makonzi ti azuife aga nduru na tere ti lo; lo kuku na gbe ti Jésus si lo tene na lo: “Molenge ti mbi ti wali akui gi fafadeso. Mo ga, mo zia maboko ti mo na ndö ti lo si fade lo kiri na fini.”

Nzoni Tënë so Luc asu na mbeti 4:27

Azo ti buruma nga asi singo ando na Israel na ngoi ti wayanga-Nzapa Élisée; me buruma ti mbeni zo oko na popo ti ala ahunzi pepe, gi ti Naaman, zo ti sese ti Sirii.”

Jean 9:38

Koli ni atene: “Kota Gbia, mbi ma na be.” Lo kuku na gbe ti Jésus.

Awatokua 10:14

Me Pierre atene: “Oko pepe, Kota Gbia! Mbeni *sioni ye wala ye so *Ndia ake tënë ni, mbi de ti te ni laoko pepe.”

Awatokua 10:25

So Pierre aga ti li na ya ti da ni, Corneille aga atengbi na lo. Lo ti na sese na gbe ti Pierre ti voro lo.

1 Korente 14:25

atënë ti be ti lo asigigi polele si lo yeke kuku na sese ti voro Nzapa; lo yeke tene na yanga ti lo, lo tene: “Nzapa ayeke na popo ti ala biani.”

Aye so Nzapa afa 19:10

Mbi kuku na gbe ti ange ni ti voro lo, me lo tene na mbi: “Sara ye tongaso pepe! Mbi yeke gi mba ti mo, zo ti kua; mbi yeke nga mba ti a-ita ti mo na ti azo so kue abata taa-tënë so Jésus afa. Mo voro gi Nzapa!” Taa-tënë so Jésus afa, ni laa amu ngangu na awayanga-Nzapa ti sara na kua ti ala.