Matthieu 8:17 - Mbeti ti Nzapa - Tënë so amu fini

¹⁷ Lo sara tongaso titene tënë so wayanga-Nzapa Ésaïe atene ando, aga taa-tënë; lo tene: “Lo mu pasi ti e, lo hon na ni, lo yo akobela ti e na ndö ti lo.”

Matthieu 8:17 Iomraidhean Croise

Tongo nda ti aye 22:6

Abraham amu akeke ti wâ ti zongo na sandaga ni si lo zia na ndö ti go ti molenge ti lo Isaac. Lo mu ale ti wâ na zeme si ala use kue ague legeoko.

Ésaïe 53:4

Andaa pasi ti e laa lo yo ni, kobela ti e laa lo yo na ndö ti lo. Ti e, e baa e tene, Nzapa laa abi kpale na tere ti lo, Nzapa laa apika lo si abi buba na tere ti lo.

Matthieu 1:22

Ye ni kue asi alingbi na tënë so Kota Gbia atene ando na yanga ti wayanga-Nzapa, atene:

Matthieu 2:15

Lo ngba kâ ngbii asi na ngoi so Herode akui. Ye ni asi alingbi na tënë so Kota Gbia atene ando na yanga ti wayanga-Nzapa, atene: “Mbi iri molenge ti mbi titene lo sigigi na Ezipte.”

Matthieu 2:23

Lo gue, lo duti na mbeni gbata so iri ni Nazaret. Ye ni asi tongaso titene tënë ti awayanga-Nzapa aga taa-tënë; ala tene ando, atene: “Fade a yeke iri lo, zo ti Nazaret.”

Marc 1:32

Na lakui, so ndo ato nda ti vuko, azo amu azo so kue ayeke na kobela nga na azo so ayeke na asioni yingo aga na ala.

Nzoni Tënë so Luc asu na mbeti 4:40

Na lakui ni, azo so kue ayeke na azo ti kobela nde nde na da ti ala amu ala, aga na ala na Jésus. Lo zia maboko ti lo na ndö ti ala si kobela ti ala akai.

2 Korente 12:10

Ndani laa mbi yeke duti na ngia na ndembe so mbi yeke na ngangu pepe, nga na ndembe so azo ayeke zonga mbi, wala aye ayeke gi mbi mbage na mbage, wala azo ayeke sara ngangu na mbi, wala mbi yeke na kpale mingi ndali ti Christ. Biani, na ndembe so mbi yeke na ngangu pepe, na ndembe so laa mbi yeke na ngangu.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.