Matthieu 8:13 - Mbeti ti Nzapa - Tënë so amu fini

¹³ Na pekoni, Jésus atene na kapita ti aturugu ni, atene: “Kiri na da ti mo! Fade ye ni ayeke si alingbi na mabe ti mo.” Gi na ndembe ni so, kobela ti zo ti kua ni akai.

Matthieu 8:13 Iomraidhean Croise

Zo ti bongbingo azo 9:7

Tongaso, mo gue, mo te kobe ti mo na ngia, mo nyon vin ti mo na ngia na be ti mo, ngbanga ti so Nzapa ayeda na aye so mo sara awe.

Matthieu 15:28

Tongaso, Jésus akiri tënë na lo: “Wali, mabe ti mo ayeke kota! Ye so mo ye so, ayeke nzoni mo wara ni.” Gi na ndembe ni so, tere ti molenge ti lo ni aga nzoni.

Matthieu 17:20

Jésus akiri tënë na ala: “Ngbanga ti so mabe ti ala ayeke kete. Biani, mbi tene na ala: tongana konongo ti mabe ti ala alingbi na konongo ti kete kete le ti keke ti mutarde, fade ala yeke tene na hoto so: ‘Londo na ndo so, mo gue kâ.’ Fade hoto ni ayeke hon; ye alingbi ti kara ala oko pepe. [

Matthieu 8:4

Na pekoni, Jésus atene na lo: “Ma mbi nzoni! Mo tene tënë ni na zo oko pepe; me mo gue, mo fa tere ti mo na wayango-sandaga titene lo baa mo, mo mu *sandaga so Moïse amu ando yanga ti mungo ni so, tongaso si mo fa na le ti azo kue so, tere ti mo aga nzoni awe.”

Matthieu 9:22

Jésus abi le ti lo na peko, lo baa wali so si lo tene na lo: “Molenge ti mbi, de be ti mo! Mabe ti mo asoo mo awe.” Gi na ndembe ni so, kobela ti wali ni akai.

Marc 7:29

Tongaso Jésus atene na lo: “Ndali ti kiringo tënë so, mo lingbi ti kiri na ndo ti mo senge; sioni yingo ni asigigi na ya ti molenge ti mo awe.”

Marc 9:23

Jésus atene na lo: “Ngbanga ti nyen si mo tene: ‘Tongana mo lingbi ti sara?’ Zo so ama na be, lo lingbi ti sara ye kue!”

Jean 4:50

Jésus atene na lo: “Mo gue, molenge ti mo ayeke na fini.” Koli ni ayeda na tënë so Jésus atene na lo si lo gue.