Matthieu 7:7 - Mbeti ti Nzapa - Tënë so amu fini

⁷ “Ala hunda ye si fade a mu na ala; ala gi ye si fade ala wara; ala pika yanga ti da si fade a zi na ala.

Matthieu 7:7 Iomraidhean Croise

Tongo nda ti aye 26:32

Gi na lango ni so azo ti kua ti Isaac aga afa na lo peko ti tënë ti du ti ngu so ala zi so. Ala tene na lo: “E wara ngu awe.”

1 Agbia 3:5

Kâ na Gabaon, na bi, *KOTA GBIA asi na Salomon na ya ti bango-li si atene na lo: “Hunda na mbi ye so mo ye, fade mbi yeke mu ni na mo.”

Abia (Psaumes) 10:17

KOTA GBIA, mo ma ye so azo so asara tere ti ala kete aye; mo mu ngangu na be ti ala, mo zi mê ti mo, mo ma ala.

Abia (Psaumes) 10:4

Na lege ti baba ti lo, zo ti sioni ayeke hunda tere ti lo pepe. Ti be ti lo, lo tene: “Nzapa ayeke daa lawa!”

Abia (Psaumes) 119:12

KOTA GBIA, mbi mu singila na mo! Fa na mbi ambela ti mo.

Abia (Psaumes) 27:8

Mbi yeke gbu li ti mbi na ndö ti tënë ti mo so mo tene: “Ala azo, ala gi le ti mbi!” Biani, KOTA GBIA, mbi yeke gi le ti mo!

Abia (Psaumes) 34:4

Ala gonda KOTA GBIA legeoko na mbi; e kue yanga oko, e mu iri ti lo na nduzu.

Abia (Psaumes) 37:4

Gi lege ti wara ngia ti mo na lege ti KOTA GBIA, fade lo yeke mu na mo ye so be ti mo aye.

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 69:32

Baa ye so anzere na be ti KOTA GBIA laa, anzere ahon bagara so mbi lingbi ti mu na lo, wala koli-bagara so adidi ti lo na asokoto ti gere ti lo ayeke daa.

Abia (Psaumes) 70:4

Azo so ayeke he mbi na ngia, atene: “Huuu! Huuu!” so, ayeke nzoni ala kiri, gba ti kamene na le ti ala!

Abia (Psaumes) 86:5

Kota Gbia, mo yeke nzoni, mo yeke zi tënë na li ti zo, mo yeke sara nzoni be mingi na azo so kue ayeke iri mo.

Amato 8:17

Mbi, mbi ye azo so aye mbi. Azo so ayeke gi mbi, fade ala yeke wara mbi.

B. ti abia 3:2

Fade mbi yeke londo, mbi yeke hon na ya ti gbata, na ndö ti alege nga na le ti akodro. Fade mbi yeke gi lo so be ti mbi aye lo; mbi gi lo, me mbi wara lo pepe.

Ésaïe 30:19

Mo, zo ti *Sion, mo so mo yeke lango na Jérusalem, fade mo yeke kiri ti toto pepe. Tongana mo dekongo na lo, lo yeke sara nzoni be na mo. Gi so lo ma mo, lo yeke kiri tënë na mo.

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Amos 5:4

Tënë so *KOTA GBIA atene na azo ti Israel ayeke so: “Ala gi mbi si fade ala duti na fini.

Matthieu 18:19

“Mbi kiri mbi tene na ala: tongana azo use na popo ti ala na sese so ama tere ti hunda mbeni ye na lege ti sambela, ataa nyen, fade Babâ ti mbi so ayeke na yayu ayeke mu ye ni na ala.

Matthieu 21:22

Ye so kue ala yeke hunda na mabe na lege ti sambela, fade ala yeke wara ni.”

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Matthieu 7:11

Ala so ayeke asioni zo, ala hinga ti mu anzoni ye na amolenge ti ala. Babâ ti ala so ayeke na yayu alingbi biani ti mu anzoni ye na azo so ahunda ni na lo!

Matthieu 7:8

Zo so ahunda ye, fade a yeke mu na lo; zo so agi ye, fade lo yeke wara; zo so apika yanga ti da, fade a yeke zi na lo.

Marc 11:24

Ndani laa mbi tene na ala: tongana ala yeke sambela ti hunda mbeni ye na Nzapa, ayeke nzoni ala ma na be so ala wara ye ni awe; fade Nzapa ayeke mu na ala ye ni.

Nzoni Tënë so Luc asu na mbeti 13:25

“Fade wa ti da ni ayeke londo si lo yeke kanga yanga ti da ni. Tongaso ala so ayeke ngba ande na gigi, ala yeke to nda ti pika yanga ti da ni si ala tene: ‘Kota Gbia, zi na e yanga ti da ni!’ Fade lo yeke tene na ala: ‘Mbi hinga ndo so ala londo daa pepe!’

Nzoni Tënë so Luc asu na mbeti 18:1

Jésus atene na ala mbeni toli ti fa na ala atene, ayeke nzoni ala sambela lakue, be ti ala awoko pepe.

Jean 15:16

Ala laa asoro mbi pepe, me mbi laa mbi soro ala; mbi zia ala titene ala gue ti le mingi si lengo ti ala angba lakue. Tongaso, fade Babâ ayeke mu na ala ye so kue ala hunda na lo na iri ti mbi.

Jean 15:7

Tongana ala duti oko na mbi si atënë ti mbi aduti na be ti ala, ala hunda ye so be ti ala aye, fade ala yeke wara ni.

Jean 4:10

Jésus akiri tënë na lo: “Tongana mo hinga fade ye so Nzapa ayeke mu na zo si mo hinga zo so ayeke hunda ngu ti nyongo ni na maboko ti mo so, ka mo wani laa mo yeke hunda na lo ngu so ayeke sara titene zo angba na fini.”

Rome 2:7

Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

Rome 3:11

Zo ti hingango ndo ayeke daa pepe, zo ti gingo lege ti Nzapa ayeke daa pepe.

Ahebro 11:6

Andaa, tongana zo ayeke na mabe pepe, lo lingbi ti ga nzoni na le ti Nzapa pepe, ngbanga ti so zo so aga nduru na Nzapa, alingbi lo hinga so, Nzapa ayeke daa biani si lo yeke mu anzoni ye na azo so ayeke gi lo.

Jacques 5:15

Tongana ala sambela na mabe, sambela ni ayeke soo zo ti kobela ni; Kota Gbia ayeke mu lo na nduzu. Tongana zo ni asara siokpari, Nzapa ayeke zi ni na li ti lo.

1 Jean 3:22

Ye so kue e hunda na lo, e yeke wara ni, ngbanga ti so e yeke sara ye alingbi na andia ti lo si e yeke sara ye so anzere na be ti lo.