Matthieu 7:24 - Mbeti ti Nzapa - Tënë so amu fini

²⁴ “Tongaso, zo so kue ama atënë so mbi tene si asara ye alingbi na ni, lo yeke tongana koli so ayeke na ndara si asara da ti lo na ndö ti kota têne.

Matthieu 7:24 Iomraidhean Croise

Mbeti ti Job 28:28

Na pekoni, lo tene na azo, lo tene: “Kpengo mbeto ti *Kota Gbia, baa ndara ni laa! Kpengo siokpari, baa hingango ndo laa!”

Abia (Psaumes) 111:10

Kpengo mbeto ti KOTA GBIA ayeke tongo nda ti dutingo na ndara. Azo so kue akpe mbeto ti lo ayeke azo ti hingango ndo. Gonda ti lo angba kpu na kpu.

Abia (Psaumes) 119:130

Gingo nda ti atënë ti mo ayeke zi le ti zo, ayeke sara si senge zo ahinga nda ti aye.

Abia (Psaumes) 119:99

Mbi hinga ndo, mbi hon awafango-ye kue na mbi, ngbanga ti so mbi yeke gbu li ti mbi na ndö ti aye so mo hunda na mbi.

Amato 10:25

Tongana ngangu pupu ahon awe, zo ti sioni ayeke daa mbeni pepe! Me zo ti mbirimbiri aluti ti lo ngangu lakue.

Amato 10:8

Zo so ayeke na nzoni gbungo-li, lo yeke yeda na andia so a fa na lo; me zo so ayeke diko abuba tënë, lo yeke gi titene gigi ti lo abuba.

Amato 12:7

Tongana a kinda azo ti sioni na sese, ala yeke daa mbeni pepe; me sewa ti azo ti mbirimbiri ayeke ngba ti kpengba.

Amato 14:8

Zo ti hango le ayeke sara hange na lege ti dutingo ti lo: so zo ti ndara laa. Me zo ti buba ayeke handa azo: so zo ti buba laa.

Matthieu 12:50

Zo so asara ye so be ti Babâ ti mbi so ayeke na yayu aye, andaa lo yeke ita ti mbi ti koli, wala ita ti mbi ti wali, wala mama ti mbi.”

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Matthieu 24:45

“Zo ti kua so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti amba ti lo titene lo mu na ala kobe tongana ngbonga ni alingbi.

Matthieu 25:2

Na popo ti ala, ambeni oku ayeke azo ti buba si ambeni oku ayeke azo ti ndara.

Matthieu 25:4

Ala so ayeke azo ti ndara amu mbeni ngbenda ti mafuta na tere ti ala ndali ti alamba ti ala.

Matthieu 25:9

Ala ti ndara akiri tënë na ala: ‘Oko pepe! Mafuta ni ayeke mingi pepe titene alingbi e na ala kue. Ala gue na ndo ti azo ti kango ye, ala vo ti ala.’

Matthieu 7:25

Ngu-Nzapa apika, ngu asuku amu ndo kue, pupu aya ngangu na ndö ti da ni, me da ni akungbi pepe, ngbanga ti so gere ni ayeke na ndö ti kota têne.

Matthieu 7:26

Me zo so kue ama atënë so mbi tene si asara ye alingbi na ni pepe, lo yeke tongana buba koli so asara da ti lo na ndö ti mbutu.

Nzoni Tënë so Luc asu na mbeti 11:28

Me Jésus atene na lo: “Ti ala nzoni, azo so ama tënë ti Nzapa si ala sara ye alingbi na ni!”

Jean 13:17

Fadeso ala hinga ye ni awe. Ti ala nzoni tongana ala sara ye alingbi na ni!

Jean 14:15

“Tongana ala ye mbi, fade ala yeke sara ye alingbi na andia ti mbi.

Jean 15:10

Tongana ala sara ye alingbi na andia ti mbi, fade ala yeke ngba na ya ti ndoye ti mbi, tongana ti so mbi sara ye alingbi na andia ti Babâ si mbi ngba na ya ti ndoye ti lo.

Jean 15:14

Tongana ala sara ye alingbi na yanga so mbi mu na ala, ala yeke amba ti mbi so mbi na ala e ye tere.

Rome 2:13

Azo so ama tënë ti Ndia gi na mê ti ala aga nzoni na le ti Nzapa pepe, me azo so asara ye alingbi na tënë ti Ndia ni laa aga nzoni na le ti lo.

1 Jean 2:3

Tongana e yeke sara ye alingbi na andia ti Nzapa, so afa atene, e hinga Nzapa biani.